Ilmiy izlanishlarning yo‘nalishi

Rozikova Zilola ilmiy izlanishlari xorijiy tilni o‘qitishda lingvokreativlikni rivojlantirish, xususan, ingliz tilini o‘qitishda kommunikativ kompetensiyani shakllantirish, talabalar til ijodkorligini qo‘llab-quvvatlash, til o‘yinlari, rolli o‘yinlar, ijodiy yozuv va multimodal topshiriqlar orqali nutq faoliyatini faollashtirishga qaratilgan. Shuningdek, zamonaviy pedagogik texnologiyalarni xorijiy til ta’limiga integratsiya qilish, shaxsga yo‘naltirilgan yondashuv, motivatsiyani oshirish va nofilologik yo‘nalishdagi talabalarda til o‘rganishga bo‘lgan ichki ehtiyojni shakllantirish asosiy yo‘nalishlaridan hisoblanadi.

Ilmiy ishlar va shogirdlar

Rozikova Zilola ilmiy faoliyati davomida quyidagi nashrlar muallifi bo‘lgan:

- 1 ta "Xorijiy til" nomli o‘quv qo‘llanma;
- 1 ta "Ingliz va nemis tillarida gap tartibi: qiyosiy tahlil" nomli monografiya;
- 1 mualliflik guvohnomasi "Ingliz tilini o‘qitishda til o‘yinlari orqali lingvokreativlikni rivojlantirish" mavzusida DGU.
Shuningdek, 10 dan ziyod ilmiy maqolalari xoriiy hamda ilmiy jurnallarda chop etilgan hamda  bakalavr talabalarga ilmiy rahbarligi asosida  70 dan ortiq ilmiy maqolalar nashr qilingan. 

Men Chirchiq davlat pedagogika universitetida ingliz tili va ingliz tiliga oid fanlardan dars beraman. Pedagogik faoliyatim talabalarning kommunikativ kompetensiyasi, amaliy til ko‘nikmalari, tanqidiy fikrlashi, ijodkorligi va mustaqil ta’lim olish ko‘nikmalarini rivojlantirishga yo‘naltirilgan.

O‘qitiladigan fanlar:

• Ingliz tili
• O‘qish va yozish
• Nutq ko‘nikmalari integratsiyasi

Qo‘llaniladigan pedagogik yondashuv va metodlar:

• Kommunikativ til o‘qitish metodi (Communicative Language Teaching — CLT)
• Vazifaga asoslangan til o‘qitish (Task-Based Language Teaching — TBLT)
• Talabaga yo‘naltirilgan ta’lim
• Interfaol va hamkorlikda o‘qitish
• Loyiha va muammoga asoslangan ta’lim
• Ijodiy va kommunikativ til faoliyatlari
• Raqamli texnologiyalar asosida ta’lim

Ta’lim jarayonida tinglab tushunish, gapirish, o‘qish va yozish ko‘nikmalarini integratsiyalashgan holda rivojlantirishga alohida e’tibor qaratiladi. Darslarda munozaralar, taqdimotlar, rolli o‘yinlar, muammoli vazifalar, keyslar, ijodiy yozuv topshiriqlari, lug‘at bilan ishlash, juftlik va guruhli ishlar hamda real kommunikativ vazifalardan foydalaniladi.

Reading and Writing fanida talabalar skimming va scanning kabi o‘qish strategiyalarini o‘zlashtiradilar, matnlarni tahlil qiladilar, akademik va kontekstual lug‘at boyligini kengaytiradilar hamda rasmiy va norasmiy xatlar, elektron xatlar, insholar va boshqa funksional matnlarni yozish ko‘nikmalarini rivojlantiradilar.

Pedagogik faoliyatimda talabalarning lingvokreativligini, ya’ni ingliz tilidan turli kommunikativ vaziyatlarda moslashuvchan, ijodiy va samarali foydalanish qobiliyatini rivojlantirishga qaratilgan topshiriqlardan ham foydalanaman.

Talabalarning ta’lim jarayonidagi faolligini oshirish maqsadida mustaqil tayyorgarlik, auditoriya mashg‘ulotlari, refleksiya, o‘zaro baholash va amaliy kommunikativ topshiriqlarga alohida e’tibor beriladi. Mustaqil ta’lim va auditoriya mashg‘ulotlarini qo‘llab-quvvatlash uchun raqamli resurslar va multimedia vositalaridan foydalaniladi.

O‘qitish faoliyatimning asosiy maqsadi — talabalarning amaliy ingliz tili bilimlari, kommunikativ kompetensiyasi, mustaqil ta’lim olish qobiliyati, tanqidiy fikrlashi va ijodiy til qo‘llash ko‘nikmalarini rivojlantirishdan iborat.

ILMIY FAOLIYAT

Ilmiy faoliyatim ingliz va nemis tillarini qiyosiy o‘rganish, maktabgacha yoshdagi bolalarga ingliz tilini o‘rgatishda raqamli texnologiyalardan foydalanish, shuningdek, ingliz tilini o‘qitishda lingvokreativlik va kommunikativ kompetensiyani rivojlantirish masalalariga yo‘naltirilgan.

Bakalavr malakaviy bitiruv ishi (BMI)

“Nemis va ingliz tillarida so‘z tartibining qiyosiy tahlili”

Tadqiqotda nemis va ingliz tillaridagi so‘z tartibining o‘ziga xos xususiyatlari, gap tarkibidagi so‘zlarning joylashuvi hamda ikki til o‘rtasidagi o‘xshash va farqli jihatlar qiyosiy jihatdan o‘rganilgan.

Magistrlik dissertatsiyasi

“Maktabgacha yoshdagi bolalarga ingliz tilini o‘rgatishda mobil ilovalardan foydalanish”

Tadqiqotda maktabgacha yoshdagi bolalarga ingliz tilini o‘rgatish jarayonida mobil ilovalardan foydalanish imkoniyatlari, ularning ta’limiy ahamiyati hamda bolalarning ingliz tilini o‘rganishga bo‘lgan qiziqishi va faolligini oshirishdagi o‘rni o‘rganilgan.

Hozirgi ilmiy tadqiqot yo‘nalishi

Hozirgi ilmiy izlanishlarim ingliz tilini o‘qitishda lingvokreativlik, kommunikativ kompetensiyani rivojlantirish va ijodiy til faoliyatini tashkil etish masalalariga qaratilgan.

Talabalar uchun taklif etiladigan ilmiy mavzular

Talabalarning ilmiy-tadqiqot faoliyatini qo‘llab-quvvatlash maqsadida quyidagi yo‘nalishlarda tadqiqot mavzularini taklif qilaman:

• Ingliz tilini o‘qitishda lingvokreativ topshiriqlardan foydalanish.
• Ingliz tili darslarida talabalarning kommunikativ kompetensiyasini rivojlantirish.
• Ingliz tilini o‘qitishda kreativ yozuv (Creative Writing) metodlaridan foydalanish.
• Ingliz tilini o‘qitishda mobil ilovalardan foydalanish.
• Raqamli texnologiyalar asosida ingliz tilini o‘qitish samaradorligini oshirish.
• Flipped Classroom metodikasi asosida ingliz tilini o‘qitish.
• Ingliz tili darslarida interfaol metodlardan foydalanish.
• Ingliz tilini o‘qitishda loyiha asosida ta’limdan foydalanish.
• Ingliz tilini o‘rganishda mustaqil ta’lim ko‘nikmalarini rivojlantirish.
• Ingliz tili darslarida tanqidiy fikrlashni rivojlantirish.
• Ingliz tilini o‘qitishda autentik materiallardan foydalanish.
• Maktabgacha yoshdagi bolalarga ingliz tilini o‘rgatishda raqamli resurslardan foydalanish.