STARTAP LOYIHALAR: ILMIY G‘OYADAN AMALIY NATIJAGACHA!

Chirchiq davlat pedagogika universiteti Ilmiy-innovatsion ishlanmalarni tijoratlashtirish bo‘limi boshlig‘i Jamshid Alimkulov hamda Yoshlar akademiyasi lideri Diyorbek Turg‘unpo‘latov Olmaliq davlat texnika institutida bo‘lib, Toshkent viloyati Innovatsion rivojlanish bo‘linmasi vakillari bilan o’tkazilgan uchrashuvda qatnashdilar.

Suhbat davomida pedagogika oliy ta’lim muassasalarida ilm-fan, ta’lim va raqamli pedagogika yo‘nalishlaridagi startap loyihalarni aniqlash va saralash, istiqbolli tashabbuslarni rivojlantirish, ularni tijoratlashtirish hamda amaliyotga joriy etish masalalari muhokama qilindi. Uchrashuv innovatsion g‘oyalarni real loyihalarga, ilmiy ishlanmalarni esa amaliy va iqtisodiy qiymatga ega natijalarga aylantirish yo‘lidagi hamkorlikni rivojlantirishga qaratildi.