Zamonaviy ta’lim tizimida o‘quvchiga nisbatan individual yondashuv, uning shaxsiy va jismoniy holatini hisobga olish hamda baholash jarayonida adolat prinsipiga rioya qilish pedagogik faoliyatning asosiy talablaridan biri hisoblanadi. O‘qituvchi nafaqat bilim beruvchi, balki o‘quvchining ruhiy-jismoniy holatini tushunuvchi va unga psixologik yordam ko‘rsatuvchi shaxs sifatida ham faoliyat yuritishi zarur. Quyida keltirilgan pedagogik vaziyat aynan shu muammoni – o‘quvchining obyektiv sabablarga ko‘ra o‘zlashtira olmagan mavzusi bo‘yicha baholanishi va bunda o‘qituvchining kasbiy-pedagogik pozitsiyasini tahlil qilishga qaratilgan.