TA’LIMIY XAKATONLAR ORQALI O‘QUVCHILARNING RAQAMLI DUNYODA O‘QISH VA O‘RGANISH KO‘NIKMALARINI RIVOJLANTIRISH
QR kod:
Yuklab olishlar
Bugungi kunda raqamli texnologiyalarning jadal rivojlanishi ta’lim jarayonining mazmuni, shakllari va metodlariga ham sezilarli ta’sir ko‘rsatmoqda. Raqamli muhit o‘quvchiga katta hajmdagi axborotdan foydalanish, turli elektron ta’lim resurslari bilan ishlash, masofadan turib bilim olish va o‘z ta’lim faoliyatini mustaqil tashkil etish imkonini bermoqda. Shu bilan birga, axborotning haddan tashqari ko‘pligi o‘quvchidan kerakli ma’lumotni izlash, saralash, tekshirish, tahlil qilish va undan maqsadli foydalanish kabi yangi ko‘nikmalarni talab etmoqda. An’anaviy ta’limda o‘quvchining bilimlarni tayyor holda qabul qilishi ustun bo‘lgan bo‘lsa, raqamli ta’lim sharoitida uning bilimni mustaqil izlash, qayta ishlash va amaliyotda qo‘llash faoliyati muhim ahamiyat kasb etadi. Shu sababli o‘quvchilarning faolligini oshiruvchi, ularni mustaqil izlanishga undovchi va real muammolarni hal qilishga yo‘naltiruvchi pedagogik texnologiyalarni ta’lim jarayoniga tatbiq etish dolzarb vazifalardan biridir.
