Tarixiy voqelik tasvirida fakt va talqin muammosi (Xurshid Davron lirikasi misolida).)
QR kod:
Yuklab olishlar
XX asrning 80-yillariga kelib sobiq SSSRda har tomonlama tanazzul jarayonlari kuzatildi. Bu holat, ayniqsa, xalq turmush tarzi, ijtimoiy-siyosiy qarashlarida o‘z aksini topdi. Ya’ni, insonlar ongiga singdirilgan g‘oyalarning ma’nan eskirganligi, aslida qizil shiorlarning yolg‘on bir xayol ekanligini hayotning o‘zi ko‘rsata boshladi. Bunday vaziyatdan cho‘chigan sovet hukumati tomonidan turli rejalar tuzilib, 1985-yilda “Qayta qurish” nomi bilan tarixga kirgan yangi siyosiy harakatga kirishildi. Buning targ‘ibotchilari “Qayta qurish” nomi bilan jamiyatni tubdan isloh etish, barcha sohalarda yangiliklarni targ‘ib qilish, xalq hayotini yaxshilash, shu zaminda yashovchi millat va elatlarning manfaatlariga xizmat qiluvchi hayotiy zarurat yotganligini ta’kidladilar
