Turizm asoslari
QR kod:
Yuklab olishlar
“Turizm asoslari” fani turizm sohasining shakllanishi, rivojlanishi va faoliyat yuritishining nazariy hamda amaliy asoslarini o‘rganishga yo‘naltirilgan. Fan doirasida turizm tushunchasi, uning mohiyati, asosiy turlari va shakllari, turistik resurslar, turizm industriyasi va uning tarkibiy qismlari, turistlar ehtiyojlari hamda turistik xizmatlarning o‘ziga xos xususiyatlari o‘rganiladi.
Shuningdek, turizm bozorining tuzilishi va faoliyat mexanizmi, turistik mahsulotni shakllantirish, turistik marshrutlarni tashkil etish, turizmda transport, joylashtirish, ovqatlanish va ekskursiya xizmatlari, turizmni boshqarish va marketing masalalariga alohida e’tibor qaratiladi. Fan orqali talabalarda turizm resurslarini baholash, turistik xizmatlarni tashkil etish va turizmning hududiy hamda iqtisodiy rivojlanishdagi o‘rnini tahlil qilish ko‘nikmalari shakllantiriladi.
