Universitetimiz Elsevier kompaniyasi bilan shartnomaga muvofiq, Scopus ma’lumotlar bazasiga obunani yana bir yilga uzaytirdi.
Quvonarlisi, mazkur obuna doirasida universitetimiz uchun Scopus AI Foundation funksiyasidan foydalanish imkoniyati ham yo‘lga qo‘yildi.
Endilikda universitet professor-o‘qituvchilari, tadqiqotchilari, magistrantlari hamda talabalari Scopus platformasidagi “Scopus AI” bo‘limi orqali ilmiy izlanishlar, adabiyotlar tahlili, maqolalar bilan ishlash va tadqiqot yo‘nalishlarini aniqlashtirish jarayonida sun’iy intellekt imkoniyatlaridan foydalanishlari mumkin.
Kirish universitet uchun avvalgi Scopus access usuli orqali ta’minlanadi. Foydalanuvchilar Scopus.com bosh sahifasida ko‘rinadigan “Scopus AI” tabiga kirish orqali xizmatdan foydalanishlari mumkin.
Ishonamizki, mazkur imkoniyat universitetimizda ilmiy-tadqiqot faoliyatini qo‘llab-quvvatlash, xalqaro ilmiy bazalar bilan ishlash madaniyatini rivojlantirish hamda professor-o‘qituvchilar va tadqiqotchilarning ilmiy salohiyatini oshirishga xizmat qiladi.
