AQSH da ta‘lim olish imkoniyatlari

                         AQShning Green River College ta’lim imkoniyatlari

Chirchiq davlat pedagogika universiteti hamda AQShning Green River College ta’lim muassasasi o‘rtasidagi xalqaro hamkorlik doirasida O‘zbekistonlik yoshlar uchun xorijda ta’lim olish va akademik tajriba orttirish imkoniyatlari taqdim etilmoqda.

Green River College’da talabalar uchun universitetlarga transfer dasturlari, amaliy bakalavriat, kasbiy-texnik ta’lim, intensiv ingliz tili kurslari, qisqa muddatli maxsus kurslar hamda sertifikat va malaka oshirish dasturlari mavjud.

Alohida yo‘nalishlardan biri — “2+2” universitet transfer dasturi bo‘lib, mazkur dastur orqali talabalar bakalavriat ta’limining dastlabki ikki yilini Green River College’da o‘qib, tegishli akademik kreditlarni to‘plagan holda keyingi bosqichda AQShdagi boshqa oliy ta’lim muassasalarida tahsilni davom ettirish imkoniyatiga ega bo‘lishlari mumkin.

Mazkur hamkorlik O‘zbekistonlik yoshlarning xalqaro ta’lim muhitida tahsil olishi, ingliz tilini rivojlantirishi, zamonaviy kasbiy ko‘nikmalarni egallashi va xalqaro akademik tajriba orttirishiga xizmat qiladi.

📌 Qo‘shimcha ma’lumot va maslahatlar uchun:  t.me/d1yorbeek 
CHDPU Xalqaro hamkorlik bo‘limi
🌐 www.yangi.cspu.uz
🌐 Study in Uzbekistan