🏆 Xalqaro tanlovda yana bir yuksak yutuq!

Gumanitar fanlar fakultetining 25/1-guruh talabasi Baltabayeva Alfiya MDH davlatlari miqyosida o‘tkazilgan nufuzli “Eng yaxshi talaba СНГ” xalqaro tanlovida ishtirok etib, munosib ravishda 1-o‘rinni qo‘lga kiritdi.

Alfiya o‘zining yuqori bilim saviyasi, ilmiy faolligi, tashabbuskorligi hamda shaxsiy yutuqlari bilan hakamlar hay’atining yuqori bahosiga sazovor bo‘ldi. U Shagiyeva Nargis Fagimovna rahbarligida faoliyat yuritayotgan Rus madaniyatini o‘rganish akademiyasining tinglovchisi sifatida ilmiy-tadqiqot ishlari, konferensiyalar, tanlovlar va ta’lim loyihalarida muntazam ishtirok etib kelmoqda.

🎉 Baltabayeva Alfiyani hamda uning ilmiy rahbari Shagiyeva Nargis Fagimovnani samimiy tabriklaymiz!

Ularga kelgusi ilmiy izlanishlarida ulkan zafarlar, yangi loyihalar, xalqaro maydonlarda yanada yuqori natijalar va muvaffaqiyatlar tilaymiz!