“Yangi O‘zbekiston talabalari Olimpiadasi”: Respublika bosqichida CHDPU talabalari yuksak natijalar qayd etdi

     Toshkent shahridagi Olimpiya shaharchasida oliy ta’lim muassasalari talabalari o‘rtasida “Yangi O‘zbekiston talabalari Olimpiadasi” sport musobaqalarining respublika bosqichi bo‘lib o‘tdi. Musobaqa dasturidan gandbol, futbol, yengil atletika, voleybol, basketbol 3x3, stol tennisi hamda suzish kabi sport turlari o‘rin oldi.

     Mazkur nufuzli musobaqalarda ChDPU sportchi talabalari yuqori natijalarni qayd etib, universitet sharafini munosib himoya qildilar.

     Voleybol sport turi bo‘yicha Chirchiq davlat pedagogika universiteti terma jamoasi murosasiz va qizg‘in kechgan bahslarda 3-o‘rinni egalladi hamda bronza medal sohibiga aylandi.

Sovrindor jamoa tarkibida:

1. Jismoniy madaniyat fakulteti talabasi — Jumadullayeva Aygerim Nurlan qizi,
2. Jismoniy madaniyat fakulteti talabasi — Xamzayeva Muxayyo Ashirali qizi,
3. Jismoniy madaniyat fakulteti talabasi — Gusamova Kamila Ravilevna,
4. Jismoniy madaniyat fakulteti talabasi — Karimberdiyeva Aqerke Mamirjanovna,
5. Jismoniy madaniyat fakulteti talabasi — Xotamova Ziroxat Bohodir qizi,
6. Jismoniy madaniyat fakulteti talabasi — Avlanberdiyeva Lola Zafar qizi,
7. Jismoniy madaniyat fakulteti talabasi — Araz Esmagul Omer qizi,
8. Jismoniy madaniyat fakulteti talabasi — Qambaraliyeva Malikaxon Ilxom qizi,
9. San’atshunoslik fakulteti — Turg’unova Kamola Shuhratjon qizi,
10. Jismoniy madaniyat fakulteti talabasi — Dosumbetova Yzatgul Isayevna,
11. Jismoniy madaniyat fakulteti talabasi — Erkinova Aziza O’tkirjon qizi,
12. Maktabgacha va boshlang‘ich ta’lim fakulteti — Mamadaliyeva Nilufar Abduhokim qizi,
13. Jismoniy madaniyat fakulteti talabasi — Kurbanbayeva Jasmina Yuldash qizi,
14. Jismoniy madaniyat fakulteti talabasi — Olimjonova Jamilaxon No‘monjon qizi.

     Stol tennisi sport turi bo‘yicha ChDPU terma jamoasi a’zosi, Turizm fakulteti XTA 23-18 guruh talabasi Shaxrizoda Sharipova faxrli 2-o‘rinni, Jismoniy madaniyat JM 24-1 gurux talabasi Muhammadamin Abdurasulov olimpianing oltin medalini qo‘lga kiritdi.

     Musobaqa yakunlariga ko‘ra, Chirchiq davlat pedagogika universiteti sportchi talabalari tomonidan 1 ta oltin, 1 ta kumush va 1 bronza medallarini qo‘lga kiritildi. Ushbu natija talaba-yoshlarimizning sport mahorati, qat’iyati va g‘alabaga bo‘lgan intilishining yorqin ifodasidir.

     Universitet rahbariyati va jamoasi barcha g‘olib hamda sovrindor talabalarni samimiy muborakbod etadi va ularga kelgusidagi musobaqalarda ham yangi zafarlar tilaydi.

Universitet Axborot xizmati