Mazkur ilmiy-amaliy monografiya sog‘lom turmush tarzini shakllantirish, gigiyena madaniyatini yuksaltirish hamda aholi salomatligini mustahkamlashga qaratilgan dolzarb masalalarni qamrab oladi. Asarda shaxsiy va jamoat gigiyenasi, sog‘lom ovqatlanish, kasalliklarning oldini olish, salomatlikni saqlash hamda sog‘lom turmush tarzini targ‘ib etishga oid ilmiy tavsiyalar va amaliy yondashuvlar bayon etilgan.

Monografiyaning chop etilishi universitetda ilm-fan va innovatsion faoliyatni rivojlantirish, yosh tadqiqotchilarni qo‘llab-quvvatlash hamda ularning ilmiy salohiyatini yuksaltirish yo‘lida amalga oshirilayotgan ishlarning yana bir amaliy natijasi hisoblanadi.

Universitet jamoasi nomidan Yusupxojayev Oxunjon Shuxrat o‘g‘lini ushbu ilmiy yutug‘i bilan samimiy muborakbod etamiz hamda kelgusidagi ilmiy faoliyatida ulkan muvaffaqiyatlar tilaymiz.