CHDPU MAGISTRANTI RESPUBLIKA TANLOVIDA G‘OLIB BO‘LDI!

Chirchiq davlat pedagogika universiteti Maktabgacha va boshlang‘ich ta’lim fakulteti “Ta’lim-tarbiya nazariyasi va metodikasi” (maktabgacha ta’lim) mutaxassisligi I bosqich magistranti Xolmatova Dilshoda Sherali qizi respublika tanlovida munosib ishtirok etib, g‘oliblikni qo‘lga kiritdi.

Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi hamkorligida “Kelajak soati” loyihasi doirasida o‘tkazilgan “Millat fidoiylari. Xotira va qadrlash” mavzusidagi dars ssenariylari tanlovida maktabgacha ta’lim yo‘nalishi bo‘yicha jami 575 ta ssenariy ko‘rib chiqildi.
Ushbu tanlovda Dilshoda Xolmatovaning dars ssenariysi yuqori baholanib, g‘olib deb topildi. G‘olib Vazirlik tomonidan diplom va smart televizor bilan taqdirlandi.

Dilshoda Xolmatovani ushbu yuksak natija bilan samimiy tabriklaymiz! Kelgusi faoliyatida yanada ulkan muvaffaqiyatlar tilaymiz!