Muhandislik va kompyuter grafikasi kafedrasi qoshida “Inno Muhandis” 3D modellashtirish va loyihalash ilmiy-tadqiqot markazi faoliyat yuritmoqda. Markazning asosiy maqsadi — talabaning g’oyasini eskizdan raqamli modelgacha, raqamli modeldan esa tayyor buyumgacha olib chiqish.
2026–2027 o’quv yili ish rejasida bir necha yo’nalish belgilangan:
- talabalarni AutoCAD va 3D grafik dasturlarda loyihalashga o’rgatish;
- 3D printerda maket va detallar tayyorlash;
- “Reklama va media-dizayn” bo’limi orqali amaliy buyurtmalar bilan ishlash.
Markaz “Bilimlar zanjiri” ilmiy-ma’rifiy loyihasini ham amalga oshiradi. Unda bilim ustozdan talabaga, talabadan esa maktab o’quvchisiga zanjir bo’lib uzatiladi.
Markaz eshigi muhandislik grafikasi va dizaynga qiziquvchi barcha talabalar uchun ochiq.