Kulolchilik san’ati sirlari: Alisher Nazirov bilan ijodiy uchrashuv va mahorat darslari

2026-yil 9-oktyabr kuni Chirchiq davlat pedagogika universiteti San’atshunoslik fakultetida Rishton kulolchilik maktabi namoyondasi, taniqli usta Alisher Nazirov bilan talabalar va magistrantlar uchun ijodiy uchrashuv, ma’ruza hamda mahorat darslari bo‘lib o‘tadi.
Alisher Nazirov — O‘zbekiston xalq ustasi, O‘zbekiston “Hunarmand” uyushmasi a’zosi, uyushmaning Rishton tumani bo‘limi rahbari, Rossiya Federatsiyasi Badiiy akademiyasi akademigi, “Shuhrat” medali sohibi. Uning ijodiy tajribasi va mahorati bilan yaqindan tanishish yosh ijodkorlar uchun ilhom va yangi bilimlar manbai bo‘ladi.
Uchrashuv ishtirokchilari Rishton kulolchilik maktabining o‘ziga xos an’analari, sopol buyumlarga badiiy jilo berish mahorati hamda ustozning ijodiy faoliyati haqida suhbatlashish, o‘zlarini qiziqtirgan savollarga javob olish imkoniyatiga ega bo‘ladilar. Mahorat darslari esa nazariy bilimlarni amaliy jarayon bilan bog‘lashga xizmat qiladi.
San’atga qiziquvchi talabalar va magistrantlarni ushbu ijodiy uchrashuvga taklif etamiz!
Sana: 2026-yil 9-oktyabr

Manzil: Chirchiq davlat pedagogika universiteti, San’atshunoslik fakultetining o‘quv binolari va pavilyoni

Murojaat uchun: +998 99 440 49 45

Telegram: @izzatoy_izz
Ustozdan o‘rganing, milliy san’atdan ilhom oling, ijodiy imkoniyatlaringizni kengaytiring!