Hamkorlik aloqalari

Germaniyaning Drezden texnika universiteti (TU Dresden) professorlari Prof. Dr. Axel Gehrmann va Dr. Peggy Germer Chirchiq davlat pedagogika universitetiga tashrif buyurdilar.
Dastlab, xorijiy mehmonlar o‘quv ishlari bo‘yicha prorektor D. B. Ahmadjanov bilan uchrashib, xalqaro hamkorlikni rivojlantirish va ta’lim sohasidagi istiqbolli loyihalarni muhokama qildilar.
Shundan so‘ng, mehmonlar Pedagogika fakultetida bo‘lib, Maxsus pedagogika kafedrasi qoshidagi laboratoriyalar faoliyati bilan tanishdilar. Uchrashuvda fakultet dekani J. E. Usarov, kafedra mudiri F. U. Qodirova va professor-o‘qituvchilar ishtirok etdilar.
Muloqot davomida hamkorlik memorandumini imzolash, talabalar va professor-o‘qituvchilar almashinuvi hamda qo‘shma ilmiy-tadqiqot loyihalarini amalga oshirish masalalari muhokama qilindi.
Mazkur tashrif xalqaro hamkorlikni mustahkamlash va maxsus pedagogika sohasida tajriba almashish yo‘lidagi muhim qadamdir.