21-oktabr — O‘zbek tili bayrami kuni munosabati bilan O‘zbekiston Respublikasi Qurolli Kuchlari Harbiy havo kuchlari qo‘mondonligiga qarashli 08366-harbiy qismda “Til — millat ko‘zgusi” shiori ostida ma’naviy-ma’rifiy tadbir tashkil etildi.
Tadbirda Chirchiq davlat pedagogika universiteti O‘zbek tilshunosligi kafedrasi o‘qituvchisi Musayev Shohsuvor Tursin o‘g‘li o‘z ma’ruzasi bilan ishtirok etdi. Ma’ruzada tilimizning milliy o‘zlikni anglash, ma’naviy qadriyatlarni asrash hamda yosh avlodni vatanparvarlik ruhida tarbiyalashdagi o‘rni haqida so‘z yuritildi.
