Kurbanov Olim Esirgapovich

MAGISTRATURA BО‘LIMINING VAZIFALARI

Magistratura bо‘limi universitetda magistrlarni tayyorlashni muvofiqlashtiradi, u kafedralar va dekanatlar bilan birgalikda quyidagilarni:

magistrlar tayyorlash bо‘yicha о‘quv jarayonini tashkil etish va amalga oshirishga, ularga taqdim etilayotgan ta’lim va о‘qitish sifatini nazorat qilishga kо‘maklashishni; 

о‘quv-izlanish va ilmiy-tadqiqot ishlari amalga oshirilishini;

barcha fakultetlarning magistrlar tayyorlash bо‘yicha faoliyatini muvofiqlashtirish va nazorat qilishni;

magistrlarni о‘qitish va ularning kelgusida ishga joylashishi ustidan muntazam monitoringni amalga oshirishni, magistrlar tayyorlash masalalarini tahlil qilish va ular yuzasidan muntazam ravishda hisobotlar tayyorlashni ta’minlaydi.

Magistraturada ta’lim jarayoni Chirchiq davlat pedagogika universiteti magistratura bо‘limi 2019 yildan yо‘lga qо‘yilgan. Hozirgi vaqtda Magistratura bо‘limi О‘zbekiston Respublikasi Vazirlar Mahkamasining 2026 yil 17 sentabrdagi 500-son qarori bilan tasdiqlangan “Magistratura tо‘g‘risida  nizom”ga shuningdek, О‘zbekiston Respublikasi Oliy va о‘rta maxsus ta’lim vazirligi tomonidan tasdiqlangan magistratura mutaxassisliklari о‘quv rejalari va dasturlariga muvofiq tashkil etilib kelinmoqda.

Chirchiq davlat pedagogika universiteti magistratura talabalarining magistrlik dissertatsiyalari mavzulari banki CHDPUning yetakchi professor-о‘qituvchilari, О‘zFAning ilmiy-tadqiqot institutlari hamda soha ilmiy-tadqiqot institutlari tavsiyasi asosida yaratilgan bо‘lib, zamonaviy ijtimoiy, iqtisodiy, siyosiy va ishlab chiqarishni rivojlantirish va takomillashtirish muammolariga bag‘ishlangan dolzarb mavzulardir.

Magistratura mutaxassisliklari talabalari tomonidan stajirovka о‘tash О‘zbekiston Respublikasi Oliy va о‘rta maxsus ta’limi vazirining 30.11.2015 yil № 9-2015 sonli “Oliy ta’lim muassasalari magistratura mutaxassisliklari talabalari tomonidan stajirovkani о‘tash tartibi tо‘g‘risidagi Nizomni tasdiqlash tо‘g‘risida”gi buyrug‘i asosida tashkil etilmoqda. 

О‘qitishning zamonaviy texnik vositalarga muvofiqligi va ilmiy adabiyotlar bilan ta’minlashni yо‘lga qо‘yish, fan va texnologiyalarning yangi yutuqlarini о‘quv jarayoniga tezkorlik bilan joriy etish, ta’lim, fan va ishlab chiqarishni samarali integratsiyalash, buyurtmachilarning magistrlar tayyorlash jarayonidagi amaliy ulushini oshirish maqsadida magistrlik dissertatsiya ishlari himoyalarini aksariyat qismini Umumiy о‘rta ta’lim muassasalarida, ilmiy-tekshirish institutlarda hamda akademik litseylarda о‘tkazish rejalashtirgan.

Magistratura tо‘g‘risida Nizom

500 2026.17.09.pdf

О‘zbekiston Respublikasi Adliya vazirligida 2015 yil 26 noyabrda 2734-son bilan rо‘yxatga olingan О‘zbekiston Respublikasi oliy va о‘rta maxsus ta’lim vazirining 2015 yil 30 oktabrdagi 9-2015-son buyrug‘iga

 ILOVA

Oliy ta’lim muassasalari magistratura mutaxassisliklari talabalari tomonidan stajirovkani о‘tash tartibi tо‘g‘risidagi

NIZOM

Mazkur Nizom О‘zbekiston Respublikasining "Ta’lim tо‘g‘risida"gi, "Kadrlar tayyorlash milliy dasturi tо‘g‘risida"gi qonunlari, О‘zbekiston Respublikasi Vazirlar Mahkamasining 2001 yil 16 avgustdagi 343-son "Oliy ta’limning davlat ta’lim standartlarini tasdiqlash tо‘g‘risida"gi va 2015 yil 2 martdagi 36-son "Magistratura tо‘g‘risidagi nizomni tasdiqlash haqida"gi qarorlariga muvofiq, oliy ta’lim muassasalari (bundan buyon matnda OTM deb yuritiladi) magistratura mutaxassisliklari talabalari (bundan buyon matnda magistratura talabasi deb yuritiladi) tomonidan stajirovka о‘tash tartibini belgilaydi.

1-BOB. UMUMIY QOIDALAR

1.  Mazkur Nizomda quyidagi asosiy tushunchalardan foydalaniladi:

 OTMdan stajirovka rahbari - stajirovkaga yо‘llangan magistratura talabasining magistrlik dissertatsiyasi va ilmiy-tadqiqot ishlariga bevosita rahbarlik qilayotgan ilmiy rahbar (ilmiy maslahatchi), magistratura talabasining stajirovkasiga rahbarlik qilish о‘quv yuklamasiga kiritilgan OTM professor-о‘qituvchisi; 

stajirovka (ishlab chiqarishda, ilmiy-tadqiqot muassasasida, xorijda tajriba orttirish) - magistratura mutaxassisligi bо‘yicha maqsadli kasbiy ta’lim о‘quv reja va dasturlarini о‘zlashtirish, magistratura talabalarida ilmiy-tadqiqot kompetensiyalarini shakllantirish maqsadida ta’limning fan va ishlab chiqarish bilan integratsiyasini rivojlantirish yо‘li orqali magistrlarni eng yangi ilmiy-texnik rivojlanishdagi yutuqlar hamda iqtisod, fan, texnika, madaniyat va sog‘liqni saqlash tarmoqlaridagi zamonaviy texnika va texnologiyalar bazasida ilmiy tadqiqot olib borishi;

 stajirovka о‘tash dasturi - stajirovka davomida iqtisod, fan, texnika, madaniyat, sog‘liqni saqlash, qishloq va suv xо‘jaligi tarmoqlaridagi zamonaviy texnika va texnologiyalar bazasida eng yangi ilmiy-texnik rivojlanishdagi yutuqlarni о‘rganish hamda magistratura talabasining magistrlik dissertatsiyasini (yoki uning bir qismini) tayyorlash uchun materiallar yig‘ish, magistrlik dissertatsiyasi mavzusi yuzasidan ilmiytadqiqot ishlarini bajarish, magistrlik dissertatsiyasi (yoki uning bir qismi) uchun zarur bо‘lgan tajriba-sinovlarni о‘tkazish, ularni mutaxassislar muhokamasidan о‘tkazish, tajriba-sinov natijalaridan ilmiy xulosalar chiqarish bо‘yicha tadbirlarni qamrab olgan stajirovka rahbari tomonidan ishlab chiqilgan va fakultet dekani yoki OTMning zimmasiga stajirovka masalalari bilan shug‘ullanish majburiyati yuklatilgan tarkibiy bо‘linmasi boshlig‘i tomonidan tasdiqlanadigan dastur (xorijda stajirovka о‘tash dasturi OTM rektori (direktori) tomonidan tasdiqlanadi); 

qabul qiluvchi tashkilot - stajirovka о‘tkazilishi rejalashtirilgan hamda о‘tkaziladigan yuridik shaxs; qabul qiluvchi tashkilotdan stajirovka rahbari - zimmasiga magistratura talabalari tomonidan stajirovka о‘tash dasturida belgilangan topshiriqlar bajarilishini nazorat qilish, ularni amaliy kо‘nikmalarga о‘rgatish, magistrlik dissertatsiyasining tajriba-sinovlarini о‘tkazish va uning amaliy qismi materiallarini tayyorlashga kо‘maklashish mas’uliyati yuklangan qabul qiluvchi tashkilot xodimi. 

2. Mazkur Nizom talablari: 

О‘zbekiston Respublikasi Prezidenti huzuridagi Davlat boshqaruvi akademiyasi, О‘zbekiston Respublikasi Bank-moliya akademiyasi va Korporativ boshqaruv ilmiy-ta’lim markaziga; О‘zbekiston Respublikasi hududida о‘z faoliyatini yuritayotgan, о‘rnatilgan tartibda faoliyati xususiyatlari inobatga olinib, magistrlar tayyorlashni amalga oshirayotgan xalqaro va xorijiy OTMlarga, shuningdek yuridik ta’lim muassasalariga nisbatan tatbiq etilmaydi. 

3. Stajirovka magistratura talabasining ilmiy-tadqiqot ishlari taqozo etganda individual ilmiy izlanish va tajriba-sinovlarni о‘tkazish maqsadida tashkil etiladi va magistratura talabalari OTM kengashi tavsiyasiga muvofiq stajirovka о‘tashga yuboriladi. 

4. Stajirovka: ilmiy-tadqiqot olib borish, nazariy va amaliy bilimlarni chuqurlashtirishi; iqtisod, fan, madaniyat va sog‘liqni saqlash hamda boshqa tarmoqlardagi zamonaviy texnika va texnologiyalar bilan tanishtirishi; amaliy kasbiy va ilmiy-tadqiqot kompetensiyalarni shakllantirishi; mutaxassislik bо‘yicha bilim va kо‘nikmalarni takomillashtirish va magistrlik dissertatsiyasi (yoki biror qismi) bо‘yicha tajriba-sinov, ilmiy-tadqiqot ishlarining bajarilishi; kasbga samarali moslashuvni ta’minlashi lozim.

 5. Magistratura talabalari stajirovkani stajirovka о‘tash dasturi asosida ishlab chiqarishda, ilmiy-tadqiqot muassasasida yoki xorijda о‘tashi mumkin.

2-BOB. STAJIROVKANI TASHKIL ETISH

6. Stajirovkani tashkil etish magistratura talabalari tomonidan kasbiy faoliyatni egallashda uzluksizlik va izchillikni ta’minlashga yо‘naltirilishi lozim. 

7. OTM kengashi magistratura talabasining ilmiy rahbari tavsiyasiga kо‘ra magistratura talabasini stajirovka о‘tashga yuborish masalasini kо‘rib chiqadi va tegishli qaror qabul qiladi. 8. Magistratura talabasi kadrlar iste’molchilari tomonidan tanlov asosida stajirovka о‘tashga jalb qilinishi mumkin. 

9. Stajirovka о‘tashga yuborilayotgan magistratura talabalari rо‘yxati OTMdan stajirovka rahbari kо‘rsatilgan holda OTM rektorining (direktorining) buyrug‘i bilan tasdiqlanadi.

 10. Stajirovka о‘tash uchun yuborishda magistratura talabasining qabul qiluvchi tashkilot tomonidan turar joy bilan ta’minlash imkoniyati hisobga olinadi. 

11. Stajirovka OTM joylashgan hududdan (shahardan, viloyatdan) tashqarida yoki xorijda о‘tkazilishi nazarda tutilganda, stajirovkaga borish va undan qaytish bо‘yicha bir martalik yо‘l haqi xarajatlari qonun hujjatlarida belgilangan tartibda OTMning byudjetdan tashqari mablag‘lari hisobidan qoplanadi, mazkur xarajatlar qabul qiluvchi tashkilot tomonidan qoplanishi kо‘rsatilgan hollar bundan mustasno.

12. OTM rektori (direktori) stajirovka о‘tash jarayonida magistratura talabasi xavfsizligini ta’minlash bо‘yicha zarur chora-tadbirlar kо‘rilishini ta’minlaydi.

 13. Stajirovka bо‘yicha ishlarni muvofiqlashtirish OTMning magistratura bо‘limi tomonidan tegishli kafedra mudiri va fakultet dekani yoki OTMning zimmasiga stajirovka masalalari bilan shug‘ullanish majburiyati yuklatilgan tarkibiy bо‘linmasi bilan hamkorlikda amalga oshiriladi. 

14. Stajirovka OTM bilan qabul qiluvchi tashkilot о‘rtasida stajirovkani tashkil etish va о‘tkazish bо‘yicha tuzilgan shartnomalar (kelishuvlar) asosida amalga oshiriladi, stajirovkani xorijda о‘tash hollari bundan mustasno.

 15. Stajirovkani tashkil etish va о‘tkazish bо‘yicha tuzilgan shartnomada shartnoma predmeti, taraflarning huquq va majburiyatlari, magistratura talabasini turar joy bilan ta’minlash, shartnomaning amal qilish muddati, shartnomani bekor qilish asoslari, taraflarning javobgarligi va stajirovka о‘tashni tashkil etish bilan bog‘liq boshqa muhim shartlar nazarda tutiladi. 

16. Stajirovka о‘tash davrida stajirovka о‘tayotgan magistratura talabasiga qabul qiluvchi tashkilotdagi tegishli mehnatni muhofaza qilish qoidalari va ichki mehnat tartibi qoidalari, shuningdek qabul qiluvchi tashkilotda amalda bо‘lgan boshqa hujjatlar tatbiq qilinadi.

3-BOB. STAJIROVKAGA RAHBARLIK QILISH

 17. OTMdan stajirovka rahbari stajirovka davomida magistratura talabasi tomonidan stajirovka dasturining о‘z vaqtida bajarilishini nazorat qiladi va zarur hollarda, unga amaliy kо‘maklashib boradi. Stajirovka nazorati elektron ravishda yoki boshqa telekommunikatsiya vositalari (telefon, faks va boshqa vositalar) orqali amalga oshirilishi mumkin.

 18. OTMdan stajirovka rahbari: magistratura talabalarini stajirovka о‘tash joylariga taqsimlashda ishtirok etadi; 

magistratura talabasiga berish uchun OTMning tegishli bо‘linmasidan stajirovka kundaligini qabul qilib oladi; 

stajirovka о‘tash dasturini ishlab chiqadi; 

magistratura talabasining stajirovkasiga umumiy rahbarlik qiladi; 

stajirovka о‘tash uchun ketayotgan magistratura talabasiga zarur yо‘l-yо‘riqlar beradi; 

magistratura talabasining stajirovka о‘tash joyiga yetib borishi va qaytishini nazorat qiladi; 

qabul qiluvchi tashkilotdan stajirovka rahbari bilan stajirovka о‘tash holati bо‘yicha muntazam ravishda aloqada faoliyat olib boradi; 

magistratura talabasiga stajirovka о‘tash dasturini bajarish bо‘yicha uslubiy yordam kо‘rsatadi;

zarur hollarda, stajirovka о‘tash joylariga borish orqali stajirovka о‘tash tartibiga magistratura talabasi tomonidan rioya qilinishini, stajirovka о‘tash dasturi bajarilishini nazorat qiladi; 

stajirovka о‘tashni takomillashtirish yuzasidan о‘z taklif va mulohazalarini OTM kengashida kо‘rib chiqish uchun taqdim etadi. 

19. Qabul qiluvchi tashkilot rahbari: stajirovkani tashkil etish bо‘yicha buyruq (qaror) qabul qiladi; 

malakali va tajribali mutaxassislar orasidan stajirovka rahbarini tayinlaydi;

   magistratura talabasiga stajirovka о‘tash dasturiga muvofiq stajirovka о‘tash uchun zarur sharoitlar yaratilishini ta’minlaydi.

 20. Qabul qiluvchi tashkilotdan stajirovka rahbari: 

tashkilotda magistratura talabasining stajirovkasiga umumiy rahbarlik qiladi; 

magistratura talabasiga zarur yо‘l-yо‘riqlar va tushuntirishlar beradi;

 magistratura talabasini qabul qiluvchi tashkilot obyektlarining tuzilishi, faoliyat yо‘nalishlari va boshqa о‘ziga xos xususiyatlari bilan tanishtiradi;

magistratura talabasining stajirovka о‘tash dasturiga taalluqli zarur materiallardan foydalanishini ta’minlaydi; 

magistratura talabasiga stajirovka о‘tash dasturida nazarda tutilgan masalalar bо‘yicha zarur maslahatlar beradi; 

magistratura talabasi tomonidan amalga oshirilayotgan ishlar va stajirovka kundaligining yuritilishi ustidan doimiy nazoratni amalga oshiradi;

OTMdan stajirovka rahbari bilan stajirovka о‘tash holati bо‘yicha muntazam ravishda aloqada faoliyat olib boradi; 

stajirovka kundaligining tegishli qismlarini imzolaydi, imzo qabul qiluvchi tashkilot muhri (muhr mavjud bо‘lgan taqdirda) bilan tasdiqlanadi;

 OTMdagi stajirovka rahbari yoki OTM rahbariyatini magistratura talabasining stajirovka о‘tash uchun kelmayotganligi yoki u tomonidan stajirovka о‘tash dasturi bajarilmayotganligi yoxud mehnat intizomi buzilayotganligi haqida xabardor qiladi. 

21. Qabul qiluvchi tashkilotdan stajirovka rahbari magistratura talabasidan stajirovka о‘tash dasturi bilan bog‘liq bо‘lmagan vazifa va topshiriqlarni bajarishni talab etishga haqli emas. 

4-BOB. MAGISTRATURA TALABASINING STAJIROVKA BО‘YICHA HUQUQ VA MAJBURIYATLARI

 22. Magistratura talabasi: 

stajirovkani о‘tash shartlari va tartibi bilan oldindan tanishish; 

stajirovka bо‘yicha о‘z fikr-mulohazalarini bildirish;

stajirovka yuzasidan zarur axborotlar olish huquqiga ega.

23. Magistratura talabasi zimmasiga:

 stajirovkani belgilangan muddatlarda о‘tash; 

stajirovka о‘tash dasturida kо‘rsatilgan topshiriqlarni (ishlarni) belgilangan tartibda, tо‘liq va sifatli bajarish; 

stajirovka kundaligini har kuni va tartibli yuritish, jumladan stajirovka davomida bajarilgan ishlarni stajirovka kundaligiga qayd etib borish; 

qabul qiluvchi tashkilotda (davlatda) belgilangan tartib qoidalarga rioya qilish majburiyati yuklatiladi. 

24. Magistratura talabasi stajirovka bо‘yicha qonun hujjatlarida yoki oliy ta’lim muassasasi ustavida belgilangan boshqa huquqlarga ega bо‘lishi va uning zimmasiga boshqa majburiyatlar ham yuklatilishi mumkin.

 5-BOB. STAJIROVKA О‘TASH BOSQICHLARI 

25. Stajirovka о‘tash quyidagi bosqichlarga bо‘linadi:

 tayyorlov bosqichi (stajirovka о‘tashning birinchi kuni); 

asosiy bosqich; 

yakuniy bosqich (stajirovka bо‘yicha hisobot himoyasi).

26. Stajirovka о‘tashning tayyorlov bosqichida - qabul qiluvchi tashkilotdan stajirovka rahbari tomonidan stajirovka о‘tash uchun kelgan magistratura talabasi tegishli mehnatni muhofaza qilish qoidalari, ichki mehnat tartibi qoidalari, tashkilotda stajirovka о‘tashning talab va shartlari, tashkilotning tashkiliy tuzilmasi, vazifa va funksiyalari, faoliyat yо‘nalishlari bilan tanishtiriladi hamda stajyorga stajirovka о‘tash dasturiga muvofiq tegishli kо‘rsatmalar beriladi. Mazkur bosqichda magistratura talabasi tomonidan qabul qiluvchi tashkilotdan stajirovka rahbari bilan kelishgan holda stajirovka о‘tash dasturini bajarish bо‘yicha reja-jadval (kalendar reja) tuziladi. 

27. Stajirovka о‘tashning asosiy bosqichida - magistratura talabasi tomonidan stajirovka о‘tash dasturini bajarish bо‘yicha reja-jadvalda (kalendar rejada) nazarda tutilgan ishlar bajariladi. 

28. Stajirovka о‘tashning yakuniy bosqichida - magistratura talabasi tomonidan stajirovka о‘tash davrida (jarayonida) amalga oshirilgan ishlar va ularning natijalari kо‘rib chiqiladi, tahlil qilinadi hamda baholanadi. 

6-BOB. STAJIROVKANI RASMIYLASHTIRISH

 29. Magistratura talabasi birinchi semestrni (birinchi kursni) muvaffaqiyatli tugatgandan sо‘ng, stajirovka о‘tashga yuboriladi. Stajirovka rejalashtirilayotganda uning yakuniy davlat attestatsiyasi boshlanishiga ikki oy qolgunga qadar yakunlanishi hisobga olinishi lozim. 

30. Magistratura talabasining u ta’lim olayotgan OTM bilan oldindan tuzilgan tegishli kelishuv (shartnoma) mavjud bо‘lgan tashkilotlarda stajirovka о‘tashi nazarda tutilganda, unga OTM rektorining (direktorining) OTM kengashi tavsiyasiga muvofiq chiqargan buyrug‘i bilan ushbu tashkilotda stajirovka о‘tash uchun yо‘llanma beriladi.

31. Magistratura talabasi yozgi ta’til davrida stajirovka о‘tash uchun yuborilishi mumkin. 

32. Stajirovka о‘tash jarayonida magistratura talabasi tomonidan stajirovka kundaligi yuritiladi. Stajirovka kundaligi OTMdan stajirovka rahbari tomonidan stajirovka boshlanishidan oldin bepul beriladi.

33. Stajirovka о‘tash davrida amalga oshirilgan ishlar stajirovka dasturiga muvofiq stajirovka kundaligiga yozib boriladi va qabul qiluvchi tashkilotdan stajirovka rahbari tomonidan imzolab boriladi. 

34. Stajirovka о‘tashning normal kunlik davomiyligi olti soatni tashkil etadi.

 35. Stajirovkaning oxirgi kuni qabul qiluvchi tashkilotdan stajirovka rahbari stajirovka kundaligida stajirovka о‘tash natijalarini xulosa tarzida bayon etadi va imzolaydi. Qabul qiluvchi tashkilot rahbariyati tomonidan stajirovka о‘tagan magistratura talabasiga uning iltimosiga kо‘ra yozma ravishda tavsifnoma berilishi mumkin.

 36. Stajirovka о‘tash uchun yuborilgan magistratura talabalari о‘quv jadvalini individual grafik asosida bajaradi. 

37. Stajirovka о‘tash muddati ilmiy rahbarning asoslangan tavsiyasiga muvofiq OTM rektori (direktori) buyrug‘i bilan bir oygacha uzaytirilishi mumkin. Bunday hollarda zarur hujjatlarga tegishli о‘zgartirishlar kiritiladi. Stajirovkaning uzluksiz davomiyligi uch oydan oshmasligi kerak. Stajirovka nazariy ta’limning о‘zaro aloqasini ta’minlash shartini bajargan holda nazariy bilimlar bilan navbatlanish yо‘li orqali amalga oshirilishi mumkin. 

38. Magistratura talabasi xorijda stajirovka о‘tash uchun OTMning xalqaro aloqalar bilan shug‘ullanuvchi bо‘limiga qabul qiluvchi tashkilotdan olingan rasmiy taklifnomani, xorijda stajirovka о‘tash uchun qabul qiluvchi tashkilot bilan tuzilgan shartnomani (yozma ravishdagi kelishuvni) ilova qilgan holda murojaat etadi. 

39. OTMning xalqaro aloqalar bilan shug‘ullanuvchi bо‘limi magistratura talabasining xorijda stajirovka о‘tashi masalasini о‘rganib chiqadi va kо‘rib chiqish uchun OTM kengashiga murojaat qiladi. 

40. OTMning xalqaro aloqalar bilan shug‘ullanuvchi bо‘limi stajirokani tashkil etish bо‘yicha quyidagi ishlarni amalga oshiradi: xorijda stajirovka о‘taydigan magistratura talabalari rо‘yxatini tayyorlaydi; xorijda stajirovka о‘taydigan magistratura talabasiga xorijga chiqish-kelish tartibini tushuntiradi; 

xorijda stajirovka о‘taydigan magistratura talabasiga xorijda о‘zini tutish bо‘yicha tegishli kо‘rsatmalar beradi; 

zarur hujjatlarni, jumladan vizani rasmiylashtirishda magistratura talabasiga amaliy yordam kо‘rsatadi. 

41. Stajirovkani xorijda о‘tash uchun magistratura talabasi:

 qabul qiluvchi tashkilot joylashgan davlat tilini yoki shartnomada kо‘rsatilgan chet tilini bilishi;

stajirovka boshlanishidan kamida uch oy oldin chetga chiqish bо‘yicha tegishli hujjatlarini tayyorlashi, jumladan zarur hollarda viza rasmiylashtirishi;

 stajirovka boshlanishidan kamida bir oy oldin stajirovka о‘tash dasturini bajarish bо‘yicha reja-jadvalni (kalendar rejani) qabul qiluvchi tashkilot bilan kelishishi lozim.

 42. Xorijda stajirovka о‘tash uchun qabul qiluvchi tashkilot bilan tuziladigan shartnomada magistratura talabasining tashkilot joylashgan davlatdagi turar joyi, yashashi va yо‘l xarajatlari miqdori, manbalari hamda ular kim tomonidan qoplanishi va boshqa muhim shartlar kо‘rsatilishi zarur. 

43. Magistratura talabasi homiy tashkilot mablag‘lari hisobidan xorijda stajirovka о‘tashi mumkin. Bunda stajirovka homiy tashkilot bilan OTM о‘rtasidagi shartnomaga (kelishuvga) muvofiq amalga oshiriladi.

       7-BOB. STAJIROVKA BО‘YICHA HISOBOT HIMOYASI

 44. Magistratura talabasi stajirovka о‘tab bо‘lgandan sо‘ng, stajirovka bо‘yicha yozma ravishda hisobot tayyorlaydi. 

45. Stajirovka yakunlari bо‘yicha hisobotda quyidagi ma’lumotlar aks ettirilishi lozim: 

stajirovka muddati, stajirovka о‘talgan tashkilotning nomi, joylashgan yeri; OTMdagi stajirovka rahbari va qabul qiluvchi tashkilotdan stajirovka rahbari haqida qisqacha ma’lumotlar; 

stajirovka dasturida kо‘rsatilgan tadbirlarning bajarilganlik holati, bajarilmagan tadbirlar bо‘yicha magistratura talabasining asosli tushuntirishlari va tasdiqlovchi hujjatlar haqidagi ma’lumotlar; stajirovka xorijda о‘talgan bо‘lsa, OTM xalqaro aloqalar bilan shug‘ullanuvchi bо‘limining xorijda о‘talgan stajirovka bо‘yicha xulosalarini aks ettiruvchi ma’lumotlar;

 stajirovka bо‘yicha hisobotning ilmiy konfrensiyalarda ma’ruza qilinganligi va mazkur ma’ruzaning muhokama natijalariga kо‘ra ijobiy baholanganligini, ilmiy nashrlarda chop etilganligini kо‘rsatuvchi ma’lumotlar, agar mavjud bо‘lsa; magistrlik dissertatsiyasi (dissertatsiyaning rejalashtirilgan qismi) bо‘yicha amalga oshirilgan tajriba sinovlari yoki tadqiqot ishlari natijalari haqidagi ma’lumotlar; sohani takomillashtirish va rivojlantirishga qaratilgan asosli amaliy takliflar; stajirovka о‘tash bо‘yicha boshqa muhim masalalar.

46. Stajirovka bо‘yicha hisobot himoyasi stajirovka yakunlangandan sо‘ng, bir oy ichida OTMda tashkil etiladi.

 47. Stajirovka natijalari bо‘yicha magistratura talabasi tomonidan stajirovka yakunlangan kundan e’tiboran 3 kun ichida OTM buxgalteriyasiga stajirovka davomida qilingan maqsadli xarajatlarni tasdiqlovchi hujjatlar (borish-kelish yо‘l xarajatlari chiptalari, turar joy (mehmonxona) tо‘lovlari kvitansiyalari va boshqa hujjatlar) ilova qilingan holda xarajatlar haqida hisobot taqdim etiladi. 

48. Magistratura talabasi OTMda stajirovka bо‘yicha hisobot himoyasi о‘tkazilgunga qadar stajirovka bо‘yicha hisobotni dastlab mutaxassislik kafedrasi yig‘ilishida himoya qiladi. Himoya yakunlari bо‘yicha mutaxassislik kafedrasi tomonidan yozma ravishda xulosa beriladi.

 49. Magistratura talabasi stajirovka bо‘yicha hisobot himoyasi о‘tkazilishidan kamida 5 kun oldin OTMdagi stajirovka rahbariga stajirovka yakuni bо‘yicha quyidagi hujjatlarni taqdim etadi: 

stajirovka bо‘yicha hisobot; stajirovka kundaligi; 

stajirovka о‘tash vaqtida tо‘plangan materiallar yig‘majildi (ularning rо‘yxati stajirovka kundaligida aks ettirilgan bо‘lishi lozim). Tо‘plangan materiallar yig‘majildi stajirovka bо‘yicha baho qо‘yilgandan sо‘ng, kelgusida о‘quv va amaliy faoliyatda foydalanish uchun magistratura talabasiga qaytarib beriladi.

50. OTMdan stajirovka rahbari stajirovka yakuni bо‘yicha taqdim etilgan hujjatlarni о‘rganib, stajirovka kundaligida stajirovka о‘tash natijalarini xulosa tarzida bayon etadi va imzolaydi. 

51. Stajirovka bо‘yicha hisobot himoyasi OTM rektori (direktori) buyrug‘i bilan OTMning malakali va tajribali pedagog xodimlaridan iborat tarkibda tuzilgan komissiya tomonidan OTMda о‘tkaziladi. 

52. Stajirovka bо‘yicha hisobot himoyasida qabul qiluvchi tashkilot vakili ishtirok etishi mumkin. OTMning xalqaro aloqalar bilan shug‘ullanuvchi bо‘limi xodimi (magistratura talabasi xorijda stajirovka о‘tagan bо‘lsa), OTMdan stajirovka rahbari stajirovka bо‘yicha hisobot himoyasida ishtirok etishi shart, ular uzrli sabablarga kо‘ra ishtirok etmagan hollar bundan mustasno. 

53. Stajirovka bо‘yicha hisobot himoyasi komissiya a’zosining stajirovka bо‘yicha rahbarlar xulosalarini о‘qib eshittirishidan boshlanadi. Stajirovka rahbarlari xulosalari о‘qib eshittirilgandan sо‘ng, magistratura talabasining stajirovka bо‘yicha xulosasi, stajirovka davomida tо‘plagan materiallari, shuningdek stajirovkaga oid taklif va mulohazalari tinglanib, komissiya tomonidan muhokama qilinadi.

54. Stajirovka bо‘yicha hisobot himoyasi quyidagi mezonlariga asosan baholanadi: magistratura talabasining nazariy va amaliy bilimlari darajasi;

 magistratura talabasi tomonidan stajirovka davomida tо‘plangan materiallarning tuzilishi darajasi va sifati hamda stajirovka о‘tash davomida о‘rganilgan masalalarning yoritib berilishi; bildirilgan takliflarning asosliligi va amaliy ahamiyati.

 55. Stajirovka bо‘yicha hisobot himoyasi natijalari 100 (yuz) ballik tizimda baholanadi va shu kunning о‘zida magistratura talabasiga e’lon qilinadi. 

56. Magistratura talabasi stajirovka bо‘yicha hisobotni ilmiy konfrensiyalarda ma’ruza qilsa va mazkur ma’ruza muhokama natijalariga kо‘ra ijobiy baholansa, shuningdek ilmiy maqola sifatida ilmiy nashrlarda chop ettirsa, u hisobotni rasmiy himoya qilgan hisoblanadi. 

57. Stajirovka bо‘yicha hisobot ilmiy konfrensiyalarda ma’ruza qilinganligi va mazkur ma’ruza muhokama natijalariga kо‘ra ijobiy baholanganligini, ilmiy nashrlarda nashr etilganligini tasdiqlovchi hujjat(lar) komissiyaga taqdim etiladi. Bunda hisobotni himoya qilish talab etilmaydi hamda u ma’ruza va maqolaning sifatiga qarab komissiya tomonidan baholanadi. 

58. Stajirovka bо‘yicha qо‘yilgan ball fanlar bо‘yicha qо‘yiladigan ballarga tenglashtiriladi va umumiy о‘zlashtirish yakunlarini chiqarishda inobatga olinadi. Stajirovka yakunlari bо‘yicha qoniqarsiz baho qо‘yilganda, magistratura talabasi stajirovka bо‘yicha hisobotni bir oy ichida mazkur Nizomda belgilangan tartibda qayta himoya qilish huquqiga ega. Bunda OTM rektorining (direktorining) tegishli buyrug‘i chiqarilishi lozim. Stajirovka bо‘yicha hisobotni qayta himoya qilish yakunlari bо‘yicha qoniqarsiz baho qо‘yilganda, shuningdek stajirovka uzrli sabablarsiz о‘talmaganda magistratura talabasi akademik qarzdor deb hisoblanadi va belgilangan tartibda talabalar safidan chetlashtiriladi. 

59. Magistratura talabasi stajirovkani uzrli sabablarsiz о‘tamaganda, stajirovka о‘tash bilan bog‘liq barcha xarajatlar qonun hujjatlarida belgilangan tartibda undiriladi. Magistratura talabasining og‘ir kasalligi, favqulodda holatlar (yaqin qarindoshining vafot etganligi yoki uning oilasiga jiddiy moddiy (ma’naviy) zarar yetkazgan voqea va shu kabi boshqa holatlar) yuz berganligi sababli, stajirovka о‘tashga bora olmaganligi yoki stajirovka dasturini tо‘liq yakunlay olmaganligi uzrli holatlar deb topiladi. Bunda magistratura talabasi ushbu holatlar yuz berganligini tasdiqlovchi hujjatlarni taqdim etishi lozim. 

8-BOB. STAJIROVKANI MOLIYALASHTIRISH

60. Stajirovka о‘tash davrida magistratura talabalarining stipendiya olish huquqi saqlanib qoladi. 

61. Quyidagilar stajirovka о‘tashni moliyalashtirish manbalari hisoblanadi: ushbu maqsadlar uchun ajratilgan OTMning byudjetdan tashqari mablag‘lari;

 qabul qiluvchi tashkilotning mablag‘lari (byudjet tashkilotlarida ularning ushbu maqsadlar uchun ajratilgan byudjetdan tashqari mablag‘lari); 

xorijiy davlatlardagi qabul qiluvchi tashkilotning mablag‘lari;

homiylarning beg‘araz yordami tufayli tushgan (ushbu maqsadlar uchun ajratilgan) mablag‘lari;

 qonun hujjatlarida belgilangan boshqa manbalar.

9-BOB. YAKUNIY QOIDALAR

62. Mazkur Nizomda belgilangan masalalar bо‘yicha nizolar qonun hujjatlari asosida hal etiladi. 

63. Mazkur Nizom О‘zbekiston Respublikasi Moliya vazirligi, Iqtisodiyot vazirligi, Sog‘liqni saqlash vazirligi, Tashqi ishlar vazirligi, Xalq ta’limi vazirligi, Qishloq va suv xо‘jaligi vazirligi, Madaniyat va sport ishlari vazirligi, Axborot texnologiyalari va kommunikatsiyalarini rivojlantirish vazirligi, Fanlar akademiyasi, Davlat soliq qо‘mitasi, О‘zbekiston Badiiy akademiyasi, "О‘zbekiston temir yо‘llari" AJ va Navoiy kon-metallurgiya kombinati Davlat korxonasi bilan kelishilgan. 

"О‘zbekiston Respublikasi qonun hujjatlari tо‘plami", 2015 yil 30 noyabr, 47-son, 

604-modda

…

Magistratura raqamli platformasi — EduMagistr

Magistratura ta’lim jarayonlarini raqamli boshqarish, axborot almashinuvi, monitoring va xizmatlarni yagona elektron platformada birlashtiruvchi zamonaviy tizim.

🌐 EduMagistr platformasiga kirish