Turizm fakulteti

Turizm fakulteti haqida

Turizm fakulteti 2021-yil 23-avgustdagi Institut Kengashining (1-sonli bayonnoma) yig‘ilishida, O‘zbekiston Respublikasi Vazirlar Mahkamasining 2021-yil 14-apreldagi "Toshkent viloyati Chirchiq davlat pedagogika instituti faoliyatini yanada takomillashtirish chora-tadbirlari to‘g‘risida"gi qarorining 9-bandiga asosan tashkil etildi. Fakultet Toshkent viloyati, Chirchiq davlat pedagogika universitetining 3-o‘quv binosida joylashgan.

Bugungi kunda Turizm fakultetida jami 2237 nafar talaba tahsil oladi:

• 1695 nafar kunduzgi ta'limda.
• 338 nafar kechki ta'limda.
• 204 nafar sirtqi ta'limda.

Bakalavr ta’lim yo‘nalishlari

Fakultet quyidagi bakalavr ta’lim yo‘nalishlarini taklif etadi:

• 60110900 - Xorijiy til va adabiyoti (ingliz tili)
• 60110900 - Xorijiy til va adabiyoti (nemis tili)
• 61010100 - Turizm va mehmondo‘stlik
• 61010400 - Turizm faoliyat yo‘nalishlar bo‘yicha
• 61010500 - Gid hamrohligi va tarjimonlik faoliyati (ingliz tili)
• 61010100 - Mehmonxona xo‘jaligini tashkil etish va boshqarish

Magistratura mutaxassisliklari

Fakultet quyidagi magistratura mutaxassisliklarini taklif etadi:

• 70110901 - Xorijiy til va adabiyoti (ingliz tili)
• 70110901 - Xorijiy til va adabiyoti (nemis tili)
• 71010101 - Turizm va mehmondo'stlik

Fakultetning maqsadi va vazifalari

Fakultetning missiyasi: Turizm fakultetining asosiy vazifasi talabalarning ilg‘or ingliz tili va nemis tili ko‘nikmalarini hamda Turizm yo‘nalishi talabalarining innovatsion kompetensiyasini rivojlantirishdan iborat.

Maqsadlarimiz:

• Kasbiy sohalarga yo‘naltirilgan dasturlar va ilg‘or pedagogik usullar orqali ingliz tili va nemis tillarining ta’lim sifatini oshirish.
• Mehmonxonalarda 5+1 shaklidagi amaliyotlarni joriy etish orqali bitiruvchi kurslarni ish bilan ta’minlash.
• Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
• Ilmiy-tadqiqot muhitini rivojlantirish – Turizm va xorijiy tillarning o‘zaro integratsiyalashuv jarayonini takomillashtirish mexanizmlarini ishlab chiqish.