Chirchiq davlat pedagogika universitetida O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi tomonidan tasdiqlangan nizom mazmun-mohiyatini professor-o‘qituvchilarga yetkazish hamda ustuvor vazifalarni belgilashga qaratilgan seminarlar davom etmoqda.
Navbatdagi seminar Pedagogika va Turizm fakultetlarida tashkil etilib, unda milliy reyting indikatorlari, professor-o‘qituvchilar faoliyatini baholash mezonlari, xalqaro hamkorlik, akademik mobillik hamda xorijiy mutaxassislarni jalb etish masalalari muhokama qilindi.
Shuningdek, Scopus bazasidagi ilmiy maqolalar va ularning iqtiboslik ko‘rsatkichlari hamda rag‘batlantirish tizimi yuzasidan tushuntirishlar berildi.
Mazkur seminarlar ta’lim sifatini oshirish va universitetning reytingdagi o‘rnini mustahkamlashga xizmat qiladi.
