7-may kuni Universitetda milliy reyting indikatorlari ijrosi yuzasidan navbatdagi amaliy seminar bo‘lib o‘tdi. Bu galgi uchrashuv Gumanitar fanlar hamda Maktabgacha va boshlang‘ich ta’lim fakultetlarida tashkil qilindi.
Seminar davomida milliy reyting mezonlarining professor-o‘qituvchilar va fakultetlar faoliyatidagi o‘rni, mavjud imkoniyatlar, bajarilishi lozim bo‘lgan ustuvor vazifalar hamda natijadorlikka erishish yo‘llari muhokama qilindi. Ishtirokchilar tomonidan reyting platformasi bilan ishlash, bitiruvchilar bandligi ko‘rsatkichlarini shakllantirish, xorijiy professor-o‘qituvchilarni jalb etish, talabalar akademik mobilligini kengaytirish kabi masalalar bo‘yicha savollar berildi.
Shuningdek, Scopus bazasida indekslangan maqolalar, ularga iqtiboslik ko‘rsatkichlari, h-index hamda ushbu yo‘nalishdagi rag‘batlantirish mexanizmlari bo‘yicha qo‘shimcha tushuntirishlar berildi.
Seminar yakunida milliy reyitng indikatorlari bilan bir qatorda universitetning maqsadli ko‘rsatkichlariga erishishda har bir fakultet, kafedra va professor-o‘qituvchining faol ishtiroki muhim ekani alohida ta’kidlandi.
