Axborot texnologiyalari va sun’iy intellekt kafedrasi katta o‘qituvchisi R.O. Sultanov talabalarning Python dasturlash ko‘nikmalarini raqamli muhitda baholash uchun “CodeLearn Pro” platformasini ishlab chiqdi. Platforma kodbaholash.uz manzilida ishlamoqda.

Platformaning asosiy imkoniyatlari

  • Diagnostik test. Talaba o‘qishni boshlashdan oldin kirish testini topshiradi va uning boshlang‘ich darajasi (A1–A5) aniqlanadi. Natija 40% dan past bo‘lsa, tizim ma’ruza, amaliy mashg‘ulot va video materiallarni qayta o‘rganishni tavsiya qiladi. Talaba materiallarni o‘zlashtirgach, testni qayta topshirishi mumkin.
  • Sun’iy intellekt yordamida kodni baholash. Talabaning yozgan dasturi besh mezon bo‘yicha tekshiriladi: natijaning to‘g‘riligi, algoritm, kod sifati, o‘qilishi va xatolarni qayta ishlash. Talaba har bir mezon bo‘yicha batafsil izoh oladi.
  • Cheksiz urinish. Topshiriqni bir necha marta qayta yuborish mumkin, tizim eng yuqori natijani hisobga oladi. Bu talabani xatolar ustida ishlashga va kodini takomillashtirishga undaydi.
  • Bosqichma-bosqich o‘zlashtirish. Topshiriqlar ketma-ket ochiladi, talaba esa XP ballari orqali o‘z o‘sishini kuzatib boradi.
  • O‘qituvchi paneli. O‘qituvchi guruhdagi har bir talabaning yuborgan kodlari va natijalarini bir joyda ko‘radi.

Platforma muallifning 13.00.06 – “Raqamli ta’lim nazariyasi va metodikasi” ixtisosligi bo‘yicha olib borayotgan dissertatsiya tadqiqoti doirasida yaratilgan. Tadqiqot mavzusi “Raqamli ta’lim muhitida talabalarning dasturlash ko‘nikmalarini diagnostik va tahliliy baholash metodikasini takomillashtirish”.

Bunday yondashuv baholashni xolis va shaffof qiladi. Bundan tashqari, talaba har bir topshiriqdan keyin darhol fikr-mulohaza oladi va o‘qituvchining vaqti tejaladi.

🔗 Platforma: kodbaholash.uz