XXI asr ta’limi samaradorligi ta’lim mazmunini to’g’ri tanlash bilan bir qatorda, uning kognitiv qayta ishlanishini ta’minlovchi pedagogik shart-sharoitlar yaratishga bog’liqdir. Zamonaviy oliy pedagogik ta’lim tizimi oldida turgan muhim vazifalardan biri – ta’lim oluvchilarning tarixiy bilimlarni chuqur anglab, ularni tizimli va uzviy tarzda yodda saqlashini ta’minlashdir. 

Mnemonik yondashuvlarning bevosita amaldagi ahamiyatini misollarda ko’rish mumkin. Masalan, “Manbashunoslik” fanidan o’rganiladigan qadimgi manbalar – xattotlik namunalari, epigrafik yozuvlar, bitiklar – “Jahon sivilizatsiyalari tarixi” fanidan ma’lum bo’lgan sivilizatsiyalar kontekstida maxsus ramzlar, kodlar va xaritalar orqali bog’lanib, har bir tarixiy ob’ekt individual assotsiatsiya bilan tushuntirilishi mumkin. Shu tariqa darsning har bir qismida mavzu xotira uchun modelengan holda namoyon bo’ladi: manbalarning joyi, mazmuni, davri va tarixiy vazifasi o’rtasidagi bog’lanishlar “semantik xotira xaritasi” asosida tizimlashtiriladi.