O‘zbekiston Respublikasi Davlat bayrog‘i qabul qilingan kun munosabati bilan Chirchiq davlat pedagogika universiteti Gumanitar fanlar fakultetida yoshlar o‘rtasida korrupsiyaning oldini olish, ularda huquqiy ong va madaniyatni yuksaltirishga bag‘ishlangan tadbir bo‘lib o‘tdi.

Tadbirda Chirchiq shahar adliya bo‘limi boshlig‘i X.K. Saypiyev, Universitetning Korrupsiyaga qarshi kurashish “Komplaens nazorat” tizimini boshqarish bo‘limi boshlig‘i A.B. Joravoyev bo'lim bosh mutaxassisi M.F. Sultonov ishtirok etdi.

Tadbir davomida Vatanimiz bayrog‘iga ehtirom ko‘rsatish barobarida, jamiyatda korrupsiyaga qarshi murosasiz muhitni shakllantirish, qonun ustuvorligini ta'minlash va yoshlarning huquqiy savodxonligini oshirish masalalari atroflicha muhokama qilindi.

Bunday uchrashuvlar yoshlarning huquqiy savodxonligini yuksaltirishda, ularda adolat va qonunlarga hurmat tuyg‘usini mustahkamlashda muhim ahamiyat kasb etadi.