YAKUNIY IMTIHONLAR JARAYONI HAQIDA
Oliy ta'lim muassasasida 2025–2026 o‘quv yilining yakuniy imtihonlari belgilangan jadval asosida tashkil etilmoqda. Yakuniy nazoratlar talabalarning fanlarni o‘zlashtirish darajasi, nazariy bilimlari hamda amaliy ko‘nikmalarini baholashga qaratilgan.
Imtihonlar shaffoflik, xolislik va akademik halollik tamoyillari asosida o‘tkaziladi. Talabalar imtihonlarga shaxsni tasdiqlovchi hujjat bilan kelishlari, belgilangan tartib-qoidalarga qat'iy rioya etishlari lozim. Imtihon jarayonida noqonuniy vositalardan foydalanish, boshqa talabalarga yordam berish yoki ko‘chirish holatlariga yo‘l qo‘yilmaydi.
Yakuniy imtihon natijalari fan dasturida belgilangan baholash mezonlari asosida aniqlanadi. Olingan natijalar talabalarning semestr davomida egallagan bilim, malaka va kompetensiyalarini aks ettiradi.
Barcha talabalarga yakuniy imtihonlarda muvaffaqiyat tilaymiz hamda o‘z bilim va salohiyatlarini to‘liq namoyon etishlariga ishonch bildiramiz.