04.02.2020
Bu innovatsion ilmiy-ishlab chiqarish farmasevtika klasteri bo‘lib, Toshkent viloyati Qibray tumanida joylashtiriladi (28.01.2020 yildagi PQ-4574-son qarorga qarang).
Klaster tarkibiga quyidagilar kiritiladi:
Farmasevtika texnik universiteti o‘z infratuzilmasiga ega bo‘lib, unga ilmiy-tadqiqot markazlari va laboratoriyalar, o‘quv-ilmiy laboratoriyalari va vivariylar, farmakopeya markazi, mehmonxonaga ega simpoziumlar markazi, talabalar, o‘qituvchilar va chet ellik xodimlar uchun turar joy, sport-sog‘lomlashtirish majmuasi, suv havzasi va stadion kiritilgan;
sanoat zonasi, u innovatsion dori vositalari, tibbiy buyumlar va tibbiy texnikalar ishlab chiqarishga mo‘ljallangan ishlab chiqarish maydonlaridan iborat.
Universitet infratuzilmasi bilan qurilishi Koreya Eksimbankining Iqtisodiy hamkorlik va taraqqiyot jamg‘armasi (EDCF) liniyasi bo‘yicha 136,0 mln AQSh dollari miqdoridagi kreditlari hisobiga moliyalashtiriladi, ushbu kreditlar 10 yillik imtiyozli davr va yillik 0,15% foiz bilan 40 yilga beriladi.
Qurilish uchun 43,75 gektar yer uchastkasi ajratiladi, u keyinchalik kengaytirilishi mumkin. Loyiha ikki bosqichda – 2023 yil dekabrda birinchi fazani, 2024 yil dekabrda ikkinchi fazani ishga tushirish bilan amalga oshiriladi.
Koreya, Hindiston, Turkiya va Chexiya farmasevtika kompaniyalari «Tashkent Pharma Park»da yurak-qon tomir kasalliklarini, onkologik kasalliklarni, oshqozon-ichak trakti patologiyasini davolash uchun dori vositalarini, virusga qarshi dori vositalarini, antibiotiklarni ishlab chiqarishni yo‘lga qo‘yadilar.
Klaster sanoat zonasi hududida loyihalarni amalga oshirish to‘g‘ridan-to‘g‘ri investitsiyalar, jumladan chet el investitsiyalarini jalb qilish hisobiga amalga oshiriladi. Investitsiya loyihalarini amalga oshirish to‘g‘risida qaror ushbu loyihaga ilg‘or texnologiyalarni jalb qilish, innovatsiyalarni tatbiq etish darajasi va ishlab chiqarishning raqobatbardoshliligi darajasidan (tashkil etilgan klaster direksiyasi ushbu jihatlar bo‘yicha o‘z xulosasini beradi) kelib chiqqan holda Farmasevtika tarmog‘ini rivojlantirish agentligi tomonidan qabul qilinadi. Klaster ishtirokchilariga erkin iqtisodiy zonalar rezidentlari uchun nazarda tutilgan imtiyozlar tatbiq etiladi (26.10.2016 yildagi PF-4853-son Farmonning 3,4-bandlariga qarang).
Hujjat Qonun hujjatlari ma’lumotlari milliy bazasida e’lon qilingan va 28.01.2020 yildan kuchga kirdi.
Podrobnee: https://www.norma.uz/uz/qonunchilikda_yangi/toshkent_viloyatida_tashkent_pharma_park_kompleksi_quriladi