Tashkil etilgan yili: 2018 yil 10 oktyabr

Jismoniy madaniyat kafedrasi Toshkent viloyati Chirchiq davlat pedagogika instituti rektorining 2018-yil 10-oktyabrdagi 01–660-sonli buyrug‘i bilan tashkil etilgan. Dastlab “Jismoniy madaniyat” kafedrasi nomida faoliyat olib borgan bo‘lsa, keyinchalik 2019-yil 27-avgust Chirchiq davlat pedagogika instituti ilmiy kengashining 1-son qarori bilan “Jismoniy madaniyat nazariyasi” kafedrasi nomi bilan “Jismoniy madaniyat” fakulteti tarkibida faoliyat yuritib kelmoqda. Bugungi kunda kafedramiz bo’lajak jismoniy tarbiya o’qituvchilarini kasbiy faoliyatga tayyorlash bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Jismoniy madaniyat nazariyasi kafedrasining asosiy vazifasi talabalarning faol harakat ko‘nikmalarini rivojlantirish hamda zamonaviy bilim va yuksak ma’naviy-axloqiy fazilatlarga ega, mustaqil fikrlash kompetensiyasini shakllantirishdan iborat.

Maqsadlarimiz:

✔Respublika sport federatsiyalari, xalqaro e’tirof etilgan yuqori reyting ko‘rstkichga ega oliy ta’lim muassasalari bilan yaqin hamkorlikni yo‘lga qo‘yish orqali ta’limi sifatini oshirish.

✔ Xalqaro hamkorlikni kengaytirish – mahalliy va xorijiy universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

✔ Ilmiy-tadqiqot muhitini rivojlantirish – jismoniy madaniyat ta’lim jarayoni shakllari, usullari, texnologiyalarini muammoli-tadqiqotchilik, faol, jamoaviy ta’lim strategiyalari asosida modernizatsiyalash orqali innovatsion ekotizim yaratish.

O‘QUV DASTURLARI

Kafedra bakalavriat bosqichi talabalariga jismoniy madaniyat ta’lim yo’nalishi bo‘yicha quyidagi fanlardan darslar olib boradi.

1-kurs o‘quv dasturlari

♦ 60111200–Jismoniy madaniyat - Jismoniy madaniyat nazariyasi va metodikasi 1, 2.

♦ 60111200–Jismoniy madaniyat - Gimnastika va uni o‘qitish metodikasi 1.

2-kurs o‘quv dasturlari

♦ 60112200–Jismoniy madaniyat - Jismoniy madaniyat nazariyasi va metodikasi 2.

♦ 60112200–Jismoniy madaniyat - Yengil atletika va uni o‘qitish metodikasi 2.

♦ 60112200–Jismoniy madaniyat - Sport mahoratini oshirish 2, 3.

3-kurs o‘quv dasturlari

♦ 60112200–Jismoniy madaniyat - Sport mahoratini oshirish 3.

Kafedra magistratura mutaxassisligi talabalariga jismoniy madaniyat ta’lim yo’nalishi bo‘yicha quyidagi fanlardan darslar olib boradi.

1-kurs o‘quv dasturlari

♦ 70111201–Jismoniy tarbiya va sport mashg’ulotlari nazariyasi va metodikasi – Jismoniy tarbiya va sport sohasida ilmiy faoliyatni tashkil qilish 1.

♦ 70111201–Jismoniy tarbiya va sport mashg’ulotlari nazariyasi va metodikasi – (tanlov fan) Sport pedagogikasi 1, Sport bayramlarini tashkil qilish va o’tkazish 1.

♦ 70111201–Jismoniy tarbiya va sport mashg’ulotlari nazariyasi va metodikasi – (tanlov fan) Jismoniy tarbiya bo’yicha mutaxassislarni kasbiy faoliyatga tayyorlash 1, Sinfdan tashqari ishlarni tashkil qilish 1.

♦ 70111201–Jismoniy tarbiya va sport mashg’ulotlari nazariyasi va metodikasi – (tanlov fan) Sport psixologiyasi 1, Sport to’garaklarini tashkil qilish va o’tkazish 1.

♦ 70112201–Jismoniy tarbiya va sport mashg’ulotlari nazariyasi va metodikasi – Ilmiy tadqiqot va magistrlik dissertatsiyasini tayyorlash 2. Ilmiy pedagogik ishi 2.

2-kurs o‘quv dasturlari

♦ 70112201–Jismoniy tarbiya va sport mashg’ulotlari nazariyasi va metodikasi – Jismoniy tarbiya va sport sohasida ilmiy faoliyatni tashkil qilish 2.

♦ 70112201–Jismoniy tarbiya va sport mashg’ulotlari nazariyasi va metodikasi – (tanlov fan) Sport metrologiyasi 2, Shaxmatni o’qitish nazariyasi va amaliyoti 2.

♦ 70112201–Jismoniy tarbiya va sport mashg’ulotlari nazariyasi va metodikasi – (tanlov fan) Sport psixologiyasi 2, Sport inshootlari 2.

♦ 70112201–Jismoniy tarbiya va sport mashg’ulotlari nazariyasi va metodikasi – Ilmiy seminar 1, 2.

♦ 70112201–Jismoniy tarbiya va sport mashg’ulotlari nazariyasi va metodikasi – Ilmiy tadqiqot va magistrlik dissertatsiyasini tayyorlash 2. Ilmiy pedagogik ishi 2.

ILMIY-TADQIQOT YO‘NALISHLARI VA LOYIHALAR

Jismoniy madaniyat nazariyasi kafedrasida tashkil qilingan ilmiy-tadqiqot faoliyati bir qator strategik yo‘nalishlarda ish olib bormoqda. Shu jumladan Jismoniy tarbiya va sport ilmiy tadqiqotlar institutining “Sport ta`lim muassasalarida selleksiya, saralash, bashorat qilish va oliy sport yutuqlarini rivojlantirish monitoringini joriy qilish uchun raqamli texnologiyalarni yaratish” nomli amaliy loyihani bajarish ishlariga mutaxassis sifatida jalb qilingan. (J.M.Shukurllayev).

Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

— Jismoniy madaniyat: Jismoniy tarbiya va sport fanlarini o‘qitish metodologiyasini rivojlantirish kafedraning ustuvor yo‘nalishlaridan biri hisoblanadi. Jismoniy tarbiya faoliyat turlarini rivojlantshirish va ommaviyligini oshirish (B.D.Abdunabiyev), maktab laboratoriya ishlari orqali o’quvchi yoshlar jismoniy harakat ko‘nikmalarini rivojlantirish (S.D.Abduraximov), shuningdek, jismoniy tarbiya bo’yicha mustaqil ta’limga yo‘naltirilgan yondashuvlarni takomillashtirishga alohida e’tibor qaratilmoqda (I.R.Choriyev). bundan tashqari akmeologik yondashuvlar asosida ta’lim jarayonini takomillashtirish bo‘yicha ham natijali ishlar amalga oshirildi (J.M.Shukurllayev).

— Sog’lomlashtiruvchi va kasbiy kompetensiyalarni rivojlantirish: Talabalarning sport-sog’lomlashtiruvchi ko‘nikmalarini shakllantirishga qaratilgan tadqiqotlar kafedraning muhim ustuvor yo‘nalishlaridan biri bo‘lib kelmoqda. Dars ijodiy yondashuvlar orqali innovatsion ta’lim texnologiyalarini jarayonga tadbiq qilish S.D.Abduraximov, B.A.Abdunabiyev).

— Ta’lim yo’nalishlari integratsiyalari va qadriyatlar: Bo’lajak harbiy ta’lim fani o’qituvchilari jismoniy tayyorgarligini rivojlantirish va talabalar o’rtasida umuminsoniy qadriyatlarni targ‘ib qilish kafedra faoliyatining muhim jihatlaridan biri bo‘lib, bu borada xalqaro tajribalar asosida milliy qadriyatlar va axloqiy ta’lim yo‘nalishida ko‘plab tadqiqotlar olib borilyapti (T.S.Achilov, Sh.M.Jurayev).

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

Kafedra tarkibi

ILMIY TADQIQOTLAR VA INNOVATSION LOYIHALAR

Kafedra ilmiy tadqiqot yo‘nalishidan kelib chiqib, sport turlarini takomillashtirish va yangi sport turlarini joriy qilish, Respublikada sport turlarini ommalashtirish, rivojlantirish bo`yicha federatsiyalar bilan bir qator loyihalar va mualliflik huquqlari, ilmiy texnik ishlanmalar, hamda xorijiy ilmiy markazlar bilan hamkorlikda loyihalar ustida tadqiqopt olib borilmoqda.

Jumladan: Shvetsariya. https://cabinet.europeancopyright.com/copyright/info/186 №05-00181/24 "Mini voleybol sport turi loyihasini amalga oshirilmoqda. Professor – o’qituvchilari tomonidan olib borilayotgan ilmiy tadqiqot ishlari маvzulari.

ILMIY-METODIK MARKAZ

Kafedra qoshida “Individual ta’lim” nomli ilmiy-metodik markazi faoliyati yo‘lga qo‘yilgan bo‘lib, ushbu markaz jismoniy tarbiya fanlarini o‘qitish metodikasi va sport turlari yo‘nalishida tadqiqotlar olib borishga, ilg‘or pedagogik texnologiyalarni amaliyot jarayoniga tatbiq etishga hamda talabalarning kasbiy kompetensiyasini oshirishga qaratilgan. Markaz doirasida ilmiy seminarlar, tajriba almashish dasturlari va mashg’ulotlarnil tashkil qilish va olib borishga oid innovatsion loyihalar amalga oshirilmoqda. Shuningdek, o‘qituvchilar va tadqiqotchilar uchun ilmiy-metodik qo‘llanmalar ishlab chiqish, xalqaro grant loyihalarida ishtirok etish ham markazning asosiy faoliyat yo‘nalishlaridan biri hisoblanadi.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Jismoniy madaniyat nazariyasikafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Jismoniy madaniyat fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati dotsent v.b. (PhD) J.M.Shukurllayev tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

 Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Yakuniy baholash: yakuniy nazorat asosiy ko‘nikmalar (nazariy bilimlar, amaliy harakat ko‘nikmalari) bo‘yicha baholanadi.

Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Jismoniy madaniyat назарияси кафедраси zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish, жисмоний тайёргарлик даражасини ошириш maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Chirchiq shaxridagi 24 sonli umumiy o’rta ta’lim maktabi va 25 sonli umumiy o‘rta ta’lim maktabi bilan hamkorlik yo‘lga qo‘yilgan.

♦ Hamkorlikdagi sport tadbirlari va seminarlar: Kafedra o‘qituvchilari tomonidan o‘qituvchilar va o‘quvchilar uchun “Jismoniy tarbiyani klaster yondoshuvida tashkil etish” borasida doimiy ravishda hamkorlik ishlari va mahorat darslari tashkil etilmoqda. Bu tadbirlar zamonaviy texnologik yondashuvlarni targ‘ib qilish, jismoniy tarbiya darslarini tashkil qilishning innovatsion metodlarini amaliyotga tatbiq etish hamda ta’lim sifatini oshirishga aloxida e’tibor qaratilgan.

♦ Metodik ko‘mak va tajriba almashish: Hamkorlik ishlari tashkil etilgan maktab va kasb-hunar maktablarida jismoniy tarbiya darslarini o‘qitish metodikasi bo‘yicha hamkorlik tadbirlari muntazam tashkil etilib, mahalliy o‘qituvchilarning malakasini oshirish hamda o‘quvchilarning jismoniy tayyorgarlik sifatlarini va bilimlarini rivojlantirishga hissa qo‘shilmoqda.

♦ O‘quvchilarning jimoniy harakat ko‘nikmalarini rivojlantirish: Hamkorlik doirasida jismoniy tarbiya darslarini tashkil qilish bo‘yicha kafedramiz mutaxassis o‘qituvchilari tomonidan mahorat darslari va amaliy mashg‘ulotlar olib borilib, o‘quvchilarning jismoniy tayyorgarlik darajasini oshirish, jismonan sog‘lom o‘sishlarida jismoniy tarbiya darslarining va mashqlarning ahamiyati borasida tavsiyalar berilmoqda.

Kafedra jamoasi bilan mahalliy hamkorlikni yanada kengaytirish, jismoniy tarbiya darslarini sifatli tashkil qilish, sport bilan muntazam shug‘ullanishlari uchun amaliy maslaxatlar berish joiz bo‘lsa kafedrada tashkil qilingan sport to‘garaklariga taklif etish masalasini yo‘lga qo‘yish maqsadida qator ishlar hamda tadbirlarni amalga oshirishni rejalashtirmoqda.

Kafedrada horijiy hamkorlik aloqalarini yanada yuksaltirish maqsadida Qozog`iston Respublikasidagi M.Auezov nomidagi janubiy Qozog`iston universiteti talabalarini o`qitish rejalashtirilgan.

Har o`quv yilida tajriba almashinuvi doirasida Professor o`qituvchilar hamda talabalardan tashkil topgan guruh shaklida tajriba almashinuv jarayonlari yo`lga qo`yilgan.

Shu jumladan Qozog`iston Respublikasi К.Jubanov nomidagi Аktyube Universiteti bilan memorandum imzolanib hamkorlik ishlari amalga oshirib kelinmoqda

TALABALAR HAYOTI 

Individual yondashuv asosida talabalarning o‘quv, ilmiy tadqiqot va ma’naviy-ma’rifiy faoliyatini qo‘llab quvvatlash maqsadida Kafedra va 11-sonli umummiy o‘rta ta’lim maktabi bilan hamkorlikda Fakultet talabalar akademiyasi doirasida “Yosh tashabbuskor murabbiy”, “Polvonlar baxsi” Sport musobaqasi loyihasi faoliyati yo‘lga qo‘yilgan.

“Paxlovonlar baxsi” sport musobaqasi

Halqaro tajriba almashinuv jarayonidan lavhalar