Tashkil etilgan yili: 2019-yil

Manzil: Toshkent viloyati, Chirchiq shahar, Bobur ko‘chasi 22-uy, Chirchiq davlat pedagogika universiteti, 5-bino.

Sport va chaqiriqqacha harbiy fakulteti 2019-yil 27-avgustda institut kengaytirilgan kengashining 1-son qaroriga muvofiq tashkil etilgan bo‘lib, 2023-yil 27-oktabrdagi 01-242-son buyrug‘iga binoan Sport va chaqiriqqacha harbiy fakulteti “Jismoniy madaniyat” fakulteti nomi bilan o‘zgartirildi.

Fakultetda bugungi kunda  

Kunduzgi ta’lim asosida 743 nafar, 

Magistratura ta’lim yo‘nalishlarida 13 nafar, 

Sirtqi ta’lim, (2-OT) yo‘nalishi asosida 1432 nafar,

Kechki ta’limda 88 nafar, 

Jami 2276 nafar talabalar tahsil olishadi.

Bugungi kunda fakultetda 40 nafar professor-o‘qituvchilar faoliyat yuritmoqda. 

Shundan: 

1 nafar fan doktori, professor;

12 nafar fan nomzodi, dotsent.

Fakultetda 60111200 - Jismoniy madaniyat (jismoniy madaniyat va xotin-qizlar sporti) hamda 60112300 - Texnologik ta’lim yo‘nalishlarida bakalavriat, magistratura bosqichlari bo‘lib, unda kunduzgi, sirtqi, kechki, magistratura bosqichlarida talabalar bilim oladilar.

FAKULTETNING MAQSADI VA VAZIFALARI

Fakultetning missiyasi - ta’lim sifati barqarorligini pozitsion yangi bosqichma-bosqich sari rivojlantirish.

Fakultetning maqsadi:

• pedagogik ta’lim innovatsion klaster yondashuvida yangi bosqich sari yuksaltirish natijasida professional pedagog kadrlarni tayyorlash;
• professional sifatli ta’lim, yetakchi ilmiy tadqiqot, fan va innovatsiya hamda jamiyat bilan raqamlashgan o‘zaro aloqador fakultetga erishish;
• ta’lim yo‘nalishlarini xalqaro ta’lim andozalariga mos ravishda modernizatsiyalashdan iborat.

FAKULTET RAHBARIYATI

TA’LIM YO‘NALISHLARI VA ShAKLLARI

Fakultetda bakalavriat va magistratura bosqichlari mavjud bo‘lib, unda kunduzgi, sirtqi va kechki ta’lim shakllari quyidagi ta’lim yo‘nalishlarida faoliyat olib boradi:

Jismoniy madaniyat fakulteti tomonidan 2022-2030 yillarga mo‘ljallangan STRATEGIK RIVOJLANTIRISh DASTURIDA “Pedagogik ta’lim innovatsion klaster yondashuvi asosida yangi bosqich sari yuksalish” mavzusidagi ilmiy-tadqiqot faoliyatida fakultetning vazifa va strategik maqsadlariga mos kelishi ta’minlangan.

FAKULTETNING HAMKORLIK ALOQALARI

Jismoniy madaniyat fakulteti pedagogik ta’lim innovatsion klasterida belgilangan vazifalarni bajarish, Yangi O‘zbekistonning yangi pedagogik kadrlarini tayyorlash, uquv-uslubiy ta’minotni takomillashtirish, ilmiy-amaliy tadqiqotlarni xalqaro doirada amalga oshirish, xalqaro darajadagi o‘qituvchilarni tayyorlash maqsadida Toshkent viloyatidagi umumiy o‘rta ta’lim va kasb-hunar maktablari, Respublika oliy ta’lim muassassalari, xorijiy oliy ta’lim muassassalari hamda ko‘plab jamoat tashkilotlari bilan manfaatli hamkorlik aloqalarini yo‘lga qo‘yishgan.

Hamkorlikka yo‘naltirilgan tadqiqotlarda amalga oshiriladigan vazifalar quyidagilar:

- O‘zbekiston Respublikasi Prezidentining 2022 yil 2-iyundagi PQ-289-sonli qarori ijrosini ta’minlashga qaratilgan umumta’lim maktablari bilan hamkorlikni takomillashtirish;

- respublikadagi oliy ta’lim muassasalari bilan talabalar akademik mobilligi yordamida tajriba almashish;

• Respublika Kurash instituti, O‘zDJTSU, M.Auezov nomidagi JQU, O‘zMOQ hamkorligidagi jismoniy madaniyat, sport va ma’naviy-ma’rifiy tadbirlarni tizimli tashkil etish, OAV va ijtimoiy tarmoqlarda yoritib borishdan iborat.

FAKULTET KAFEDRALARI VA ULARNING FAOLIYATI

FAKULTETNING TALABALAR AKADEMIYASI FAOLIYATI

Jismoniy madaniyat fakulteti talabalarning bo‘sh vaqtlarini mazmunli tashkil etish, ularning iqtidorlari hamda intellektual salohiyatlarini oshirish maqsadida Talabalar akademiyasi tashkil etilgan.

Talabalar Akademiyasi nizom va ustav asosida ishlarni amalga oshiradi. Uning tarkibida fakultet miqyosida va kafedralar bilan hamkorlikda tashkil etilgan to‘garak va klublar mavjud. Ushbu to‘garak va klublar talabalarning bo‘sh vaqtini samarali tashkil etish bilan birga, ularni ilmiy va pedagogik faoliyatlarini rivojlantirishga hissa qo‘shadi.

Fakultetda iqtidorli talabalar soni ko‘pchilikni tashkil etadi. Ular universitet va Respublika hamda Xalqaro tanlovlarda ishtirok etib, faxrli o‘rinlarni qo‘lga kiritib kelmoqda. Jumladan, Jismoniy madaniyat fakulteti talabalari orasida Prezident va nomli davlat stipendiyalari g‘oliblari mavjud. Shu kunga qadar fakultetda 3 nafar talaba stiependiantlar qatoridan joy olgan.

Oliy taʼlim, fan va innovatsiyalar vazirligi tomonidan talaba va oʻquvchilarning ijtimoiy faolligini oshirish maqsadida tashkil etiladigan “Yil talabasi” tanlovinida ham fakultetimiz talabalari munosib o‘rinlarni egalladi.

FAKULTETNING ILMIY-TADQIQOT MARKAZLARI

Zamonaviy pedagogik ta’lim mazmuni ochiq va doimiy rivojlanishda bo‘lishi, bo‘lajak pedagoglarda samarali pedagogik faoliyatni amalga oshirishga qaratilgan ijobiy muhit yaratishi, mustaqil ta’lim va tarbiyaga qiziqish rag‘batini uyg‘otishi, variativ va invariant komponentlarni qamrab olishi, pedagogik tizim va faoliyat genezisini aks ettirishi, shaxs va jamiyatning istiqbol talablariga moslashishi, umumbashariy bilimlarning fanlararo xususiyatlarini aks ettira olishi, uzluksiz pedagog ta’lim muhitida o‘z o‘rnini topa olishi lozim. Bu natijalarga fakultetning ilmiy tadqiqotlar olib boruvchi eng samarali ilmiy (ijodiy) jamoalarni jamlagan quyidagi “Ilg‘or tadqiqot markazlari (ITM)”da orqali erishiladi:

“Talaba-yoshlar akademiyasi”

Rahbar: Juraev Sherali Maxmutovich;

 p.f.f.d., (PhD) Shukurllaev Jo‘rabek Maqsadbaevich;

“Pedagog” sport klubi

Rahbar: Mamatqulov Ravshan Solijonovich;

 “Muxandislik-texnologiyalari”

Rahbar: p.f.f.d., (PhD) Matyakubov Kamaliddin Kuranboevich;

 “Qo‘shimcha kasbga yo‘naltirish”

Rahbar: dotsent Nurmatov Farxad Abdalimovich 

 FAKULTETNING TA’LIM SIFATI VA BAHOLASH TIZIMI

Jismoniy madaniyat fakulteti ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.

Jismoniy madaniyat fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Fakultetning ichki nazorati fakultet sifat komissiyasi, o‘quv ishlari bo‘yicha dekan muovini A.Shadiev va kafedra mudirlari tomonidan olib boriladi.

• Fakultet yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.
• Bundan tashqari pedagogik-xodimlar, professor-o‘qituvchilarning yil davomida olib borgan ishlari hisobot shaklida alohida muhokama qilinib boriladi.
• 
  
• Baholash tizimi

Talabalarni baholash tizimi fakultetning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: oraliq nazoratlar asosiy ko‘nikmalar (yozma ishlar, test, esse yaratish, insho yozish, referat tayyorlash, og‘zaki) bo‘yicha baholanadi.

Yakuniy baholash: yakuniy nazorat asosiy ko‘nikmalar (yozma ishlar, test, og‘zaki) bo‘yicha baholanadi. Fakultetda Yakuniy nazorat imtixonlari xolisona optimallashtirilshan holda tashkil qilinadi.

Mustaqil ta’limni baholash: Talabalarning Mustaqil ishlarini qabul qilish va xolisona baholash jarayonlari hamda individual ta’lim bo’yicha olib borilgan faoliyat “CLASSROOM” platformasida olib boriladi.

FAKULTETDA OLIB BORILADIGAN MA’NAVIY-MA’RIFIY ISHLAR

Fakultetda talabalar o‘rtasida olib borilgan ma’naviy-ma’rifiy tadbirlarning samaradorligini oshirishga qaratilgan bir qator tadbirlar, tanlovlar, bellashuvlar, Xalqaro va respublika fan olimpiadalari, loyihalar, dasturlar, sport musobaqalar, ijodiy tanlovlar sovrindorlari, stipendiatlar, sport (jumladan, futbol, futzal va boshq.) turlari bilan muntazam ish olib boriladi.

Bunda albatta fakultet Yoshlar masalari va ma’naviy-ma’rifiy ishlar bo‘yicha dekan muovini Sh.M. Juraev hamda guruh t’yutorlari bosh-qosh bo‘lib kelmoqdalar.

Jismoniy madaniyat fakultetida tyutorlar talabalarning ma’naviy va ijtimoiy holatini doimiy ravishda tahlil qilib boradi va ularga mavjud muammolarni bartaraf etishda yaqindan yordam berib kelmoqdalar.

Jumladan, har yili O'zbekiston Respublikasi Davlat bayrog'i qabul qilinganligining 33 yilligi munosabati bilan "Magʻrur hilpirayver Vatan bayrogʻi" shiori ostida 10 kunlik dekada doirasida Ma'naviy-ma'rifiy tadbir o'tkaziladi. Tadbirga hamkor tashkilotlar ham jalb qilinadi ulardan Chirchiq Oliy tank qoʻmondonlik muhandislik harbiy bilim yurti hamda Havo Hujumidan mudofaa qoʻshinlari va harbiy havo kuchlariga qarashli 08366- harbiy qismlar. Dekada davomida faol ishtirok etgan talabalar diplomlar bilan taqdirlandilar.

Qo'shimcha

JISMONIY MADANIYAT FAKULTETIga tegishli boshqa ma'lumotlar