Tashkil etilgan yili: 2022

Manzil: Toshkent viloyati, Chirchiq shahri, Amir Temur ko‘chasi 104 uy. Chirchiq davlat pedagogika universiteti Bosh bino 1-qavat 116-xona

Muhandislik va kompyuter grafikasi kafedrasi 2022 yil CHDPU rektorining 2022 yil 29-avgustdagi 01-215-sonli buyrug‘i bilan “Tasviriy san’at” kafedrasi tarkibidan “Muhandislik va kompyuter grafikasi” kafedrasi sifatida ajralib chiqdi. Bugungi kunda kafedra Tasviriy san’at va muhandislik grafikasi yo‘nalishlar uchun o‘qituvchi, Dizayn: interyer dizayni mutaxasilarni tayyorlaydi va o‘qitish bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Ilg’or ta’lim, fan va innovatsion texnologiyalarni integratsiyasi asosida kafedrani mahalliy va xalqaro miqyosda nufuzini oshirishga qaratilgan.

Maqsadlarimiz:

✔Muhandislik grafikasi fanlarida muammolarni hisobga olgan holda uzluksiz pedagogik taʼlimning mazmun va maqsadini yangilashga qaratadi.

✔ Xalqaro hamkorlikni kengaytirish – universitetlar va kafedralar, ilmiy jamoatchilik va ta’lim loyihalari bilan hamkorlikni yo‘lga qo‘yish.

✔ Ilmiy-tadqiqot muhitini rivojlantirish – muhandislik grafikasi fanlarini zamonaviy texnologiyalar asosida o‘qitish, pedagogik tadqiqotlar bo‘yicha innovatsion markazga aylanish.

Muhandislik va kompyuter grafikasi kafedrasining o‘rta muddatli strategik rivojlantirish dasturi (2022-2025 yillar uchun)

O‘QUV DASTURLARI

Kafedra bakalavriat bosqichi talabalariga Muhandislik grafikasi fanlari bo‘yicha darslar olib boradi.

• 60110500 - Tasviriy san’at va muhandislik grafikasi - 
• 60111200 - Tasviriy san’at va muhandislik grafikasi - 
• 60210400 - Dizayn: interyer dizayn 
• Magistratura dasturlari
• 70110502 Muhandislik grafikasi va dizayn nazariyasi -

ILMIY-TADQIQOT YO‘NALISHLARI VA LOYIHALAR

• Asosiy ilmiy yo‘nalishlar: Muhandisilik grafikasi fanlarida muammolarni hisobga olgan holda uzluksiz pedagogik ta’limning mazmun va maqsadini yangilashga qaratadi:
• Kompyuter grafikasi vositasida talabalarni ijodiy qobiliyatlarini rivojlantirish.
• Chizmachilik fanini oʻqitishda grafik dasturlardan foydalanish metodikasini takomillashtirish.
• Talabalarning ijodkorlik qobiliyatini rivojlantirishning innovatsion usullari.
• Chizmachilik fanini grafik dasturlardan foydalanib oʻqitishda uning didaktik ta’minotini mustahkamlash.
• Oliy ta’limda chizmachilik fanini raqamli texnologiyalar vositasida o‘qitish metodikasini takomillashtirish.

- Talabalarni loyihalashtirish qobiliyatlarini proyeksiyalash usullaridan foydalanib rivojlantirish metodikasini takomillashtirish.

Muhandislik va kompyuter grafikasi kafedrasi tarkibi

ILMIY-METODIK MARKAZ

Muhandislik va kompyuter grafikasi kafedrasi quyida "INNO Muhandis" loyihalash ilmiy tadqiqot markazi.

Maqsad: O‘quv, ilmiy-innovatsion yoki boshqa (dasturiy mahsulotlar, marketing, axborot-tahliliy, patent-litsenziyalangan, o‘quv-uslubiy va h.k.) mahsulot xizmatlarini amalga oshirish.

Umumta’lim maktablari va OTM lar uchun muhandislik grafikasi (chizmachilik) fanlariga oid tarqatma materiallar tayyorlash. Vazifalari:

1-vazifa: Umumta’lim maktablari va OTMlarda mavjud muammolarni aniqlash va ularni yechish usullarini ishlab chiqish. Ta’lim tashkilotlari bilan hamkorlik shartnomalari tuzish, ularda talabalar amaliyotini tashkil etish hamda hamkorlikda har o‘quv yili uchun chora-tadbirlar dasturini ishlab chiqish;

2-vazifa: Muhandislik grafikasi fanlaridan ijodkor talabalar o‘rtasida eng yaxshi ijodiy loyiha tanlovlarini yo‘lga qo‘yish va doimiy takomillashtirib borish.

3-vazifa: Ilmiy-tadqiqot ishlari natijadorligini oshirish, yoshlarni ilmiy-ijodiy faoliyatga keng jalb etish, ilm-fanning innovatsion infratuzilmasini shakllantirish. Iqtisodiyotning turli sohalari hamda ta’lim tashkilotlari, ta’lim muassasalari bilan xo‘jalik shartnomalari tuzish, Kafedra pedagog-xodimlari va tadqiqotchilarining ta’lim tashkilotlarida amaliy tajriba-sinov, tadqiqotlar olib borishlari uchun zarur sharoitlarni yaratish;

4-vazifa: Professor-o‘qituvchilarining ilmiy-uslubiy faoliyati natijadorligini oshirish, amaliy-tatbiqiy ahamiyatga ega monografiya va ilmiy maqolalar tayyorlash va chop ettirishini faollashtirish.

5-vazifa: Sohaning dolzarb mavzulari bo‘yicha konsalting xizmatlari ko‘rsatish va ilmiy tadqiqotlarni bajarish.

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Muhandislik va kompyuter grafikasi kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

San’atshunoslik fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

Ichki monitoring

Kafedraning ichki nazorati p.f.f.d.,dotsent v/b., Q.Sh.Bekqulov tomonidan olib boriladi.

Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun kafedrada o‘qitiladigan fanlardan imtihon topshiradilar, bu esa ularning grafik ishlarniu chizma chizish, chizmalarni o‘qish ko‘nikmalarini tekshirish imkonini beradi.

Oraliq nazorat savollari namunasi

Yakuniy baholash: yakuniy nazorat asosiy ko‘nikmalar (Grammar & Vocabulary, Listening, Reading, Writing) bo‘yicha baholanadi.

Yakuniy nazorat savollari namunasi

Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Muhandislik va kompyuter grafikasi kafedrasi ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari hamda Bo‘stonliq tumani kasb-hunar maktabi bilan hamkorlik yo‘lga qo‘yilgan.

Kafedra mahalliy hamkorlikni yanada kengaytirish hamda o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

NGPU, «Sibirskiy gosudarstvenniy institut iskusstv imeni D. Xvorostovskogo» (KRASNOYARSK, RF), M. Avezov nomidagi Janubiy Qozog‘iston davlat universiteti, Abay nomidagi pedagogika universiti, Xalqlar do‘stligi universitetilari).

Talabalar va o‘qituvchilar uchun xalqaro konferensiyalar

TALABALAR HAYOTI

Kafedra qoshida talabalarning fanlarni chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:

✔Zamonaviy grafik dasturlarni o‘rganish bo‘yicha interaktiv mashg‘ulotlarda ishtirok etishlari mumkin;

✔Amaliy topshiriqlarni bajarish ko‘nikmalarini rivojlantirish va chizmalarni o‘qish darajalarini oshirish imkoniyatiga ega bo‘ladilar;

Bu loyihalar doirasida talabalar ishtirokida turli tanlovlar va seminarlar o‘tkazilib, ularning bilimlarini real muhitda rivojlantirish imkoniyati yaratilmoqda.

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

 INDIVIDUAL TA’LIM UCHUN ARIZA TOPSHIRISH

 Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

• TALABALAR VA TADQIQOTCHILARNI ILMIY FAOLIYATGA YO‘NALTIRISH

Ma’naviy-ma’rifiy tadbirlar
Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “Zakovat” – mantiqiy intellektual o'yin;
• “Maktablar bilan hamkorlik” – talabalar tomonidan maktablarda o‘tkazilgan tadbir.
• “Kelajak bunyodkori” – ijodiy maketlar tanlovi.
• “Eng yaxshi interyer dizayn loyihasi” – eng yaxshi interyer dizayn loyihasi tanlovi.
• “Kafedrada ochiq eshiklar kuni” - kafedrada o‘tkazilgan ochiq eshiklar kunidan lavhalar.

Ushbu tadbirlar orqali talabalar ijtimoiy va madaniy faolligini oshirish, ijodkorlik ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

 KAFEDRA STATISTIKASI VA NATIJALARI 

BIZ BILAN BOG‘LANISH