Tashkil etilgan yili: 2021

Manzil: Toshkent viloyati, Chirchiq davlat pedagogika universiteti, 3-bino.

O‘zbekiston Respublikasi Vazirlar Mahkamasining 2021-yil 14-apreldagi “Toshkent viloyati Chirchiq davlat pedagogika instituti faoliyatini yanada takomillashtirish chora-tadbirlari to‘g‘risida”gi qarori 9-bandiga asosan, 2021-yil 23-avgustdagi Institut Kengashining 

1-sonli yig‘ilishida “Turizm” fakulteti tashkil etildi. Bugungi kunda Turizm fakultetida quyidagi bakalavr va magistratura mutaxassisliglari bo‘yicha dars mashg‘ulotlari olib boriladi.

Fakultetda 2237 nafar talaba tahsil oladi

Kunduzgi  ta'lim1695 nafar

Kechki ta'lim 338 nafar

Sirtqi ta'lim 204 nafar

BAKALAVR TA’LIM YO‘NALISHLARI

60110900- Xorijiy til va adabiyoti (ingliz tili)

60110900- Xorijiy til va adabiyoti (nemis tili)

61010100-Turizm va mexmondo‘stlik

61010400-Turizm faoliyat yo‘nalishlar bo‘yicha

61010600-Turizm sohasida xizmatlar texnologiyasi va ulari tashkil etish

61010500-Gid hamrohligi va tarjimonlik faoliyati (ingliz tili)

61010100-Mexmonxona xo‘jaligini tashkil etish va boshqarish

MAGISTRATURA MUTAXASSISLIKLARI

70110901-Xorijiy til va adabiyoti (ingliz tili)

70110901-Xorijiy til va adabiyoti (nemis tili)

FAKULTET RAHBARIYATI 

FAKULTET KAFEDRALARI VA ULARNING FAOLIYATI

Turizm fakultetida 5 ta kafedra faoliyat yuritib keladi.

FAKULTETNING MAQSADI VA VAZIFALARI

Fakultetning missiyasi: Turizm fakultetining asosiy vazifasi talabalarning ilg‘or ingliz tili va nemis tili ko‘nikmalarini hamda Turizm yo‘nalishi talabalarining innovatsion kompetensiyasini rivojlantirishdan iborat.

Maqsadlarimiz:

• Kasbiy sohalarga yo‘naltirilgan dasturlar va ilg‘or pedagogik usullar – orqali ingliz tili va nemis tillarining ta’lim sifatini oshirish.
• 
  
• Mehmonxonalarda 5+1 shaklidagi amaliyotlarni -  joriy etish orqali bitiruvchi kurslarni ish bilan taminlash

• Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

• Ilmiy-tadqiqot muhitini rivojlantirish – Turizm va xorijiy tillarning o‘zaro integratsiyalashuv jarayonini takomillashtirish mexanizmlarini ishlab chiqish.

FAKULTETNING ILMIY-TADQIQOT VA INNOVATSION LOYIHALARI

Turizm fakultetida tashkil etilgan ilmiy laboratoriyalar va markazlar.

Turizm о‘quv-amaliyot laboratoriyasi

 faoliyati haqida

Chirchiq davlat pedagogika universiteti rektori G.Muxamedov tashabbusi bilan Turizm fakulteti qoshida Chirchiq shahri Navoiy kо‘chasi 15-uy binosining 1-qavatida 05.04.2022 yildan “Turizm о‘quv-amaliyot laboratoriyasi” faoliyati yо‘lga qо‘yildi.

Mazkur laboratoriya ikki qismdan iborat bо‘lib, uning birinchi qismida mehmonlarni qabul qilish uchun “Retseption”, “Lux room”, “Restoran”, “Bar”, “Conference hall”, "Twin room" va “Milliy burchak” tashkil etilgan.

Unda fakultetning 61010100–Mehmonxona xо‘jaligini tashkil etish va boshqarish, 61010400–Turizm (faoliyat yо‘nalishlari bо‘yicha), 61010500–Gid hamrohligi va tarjimonlik faoliyati (tillar bо‘yicha), 61010600–Turizm sohasida xizmatlar texnologiyasi va ularni tashkil etish yо‘nalishlari talabalariga “Turizm asoslari”, “Turizm: nazariya va amaliyot”, “Restoran biznesi”, “Turizmda elektron marketing”, “Mehmonxonada brending”, “Mehmonxona interyeri va landshafti”, “Mehmonxona xо‘jaligida innovatsiya”, “Turistik ommaviy tadbirlarni tashkil etish va boshqarish (MICE)”, “Mehmonxona xо‘jaligida xizmatlar sifatini boshqarish”, “Mehmonxona xо‘jaligini rejalashtirish” va boshqa fanlardan amaliy hamda laboratoriya mashg‘ulotlari о‘tiladi.

Laboratoriyaning ikkinchi “HOSTEL” qismida 6 ta ikki kishilik nomerlar bо‘lib, jami 12 kishiga xizmat kо‘rsatishi mumkin. Talabalar bu yerda amaliy mashg‘ulotlarda olgan malaka tajribalarini bevosita amaliyotda qо‘llaydi. Bundan tashqari о‘quv labaratoriyada talabalarning malakaviy amaliyot 

va mutaxassislar tomonidan amaliy mahorat darslari o‘tiladi.

Talabalar malaka amaliyoti davomida mehmonxona xodimlari funsiyalarini tо‘liq о‘zlashtiradilar. Masalan, barmen, metrdotel, housekeyeper, menejer, offisiant, shveysar, bellboy kabi lavozim kо‘nikmalariga ega bо‘ladilar.

Kelajakda bu laboratoriya va “HOSTEL” da jami 7 nafar talaba yoshlarni muntazam ish bilan ta’minlash rejalashtirilgan.

Professor-o‘qituvchilarning ilmiy faoliyati

Talabalar ilmiy faoliyati

 Ilmiy nashrlar va jurnallar

Turizm fakultetida “Foreign Language Clinic” nomli ilmiy-metodik markazi faoliyati yo‘lga qo‘yilgan bo‘lib, ushbu markaz xorijiy tilni o‘qitish metodikasi va lingvodidaktika yo‘nalishida tadqiqotlar olib borishga, ilg‘or pedagogik texnologiyalarni amaliyotga tatbiq etishga hamda talabalarning 

til kompetensiyasini oshirishga qaratilgan. Markaz doirasida ilmiy seminarlar, tajriba almashish dasturlari va til o‘rganishga oid innovatsion loyihalar amalga oshirilmoqda. Shuningdek, o‘qituvchilar va tadqiqotchilar uchun ilmiy-metodik qo‘llanmalar ishlab chiqish, xalqaro grant loyihalarida ishtirok 

etish ham markazning asosiy faoliyat yo‘nalishlaridan biri hisoblanadi.

 Turizm fakulteti va Germaniyaning Haydelberg pedagogika universiteti hamkorligida, Germaniya Federativ Respublikasi Myunster universiteti, Laybnis-Nemis tili ilmiy tadqiqot instituti, Gyote institutlari bilan o‘rnatilgan hamkorlik asosida bir necha marotaba an’anaviy va onlayn dasr mashg‘ulotlari tashkil etildi. Ushbu seminarlarda kafedra professor-o‘qituvchi va talabalar faol ishtirok etishdi. Kafedradagi 6 nafar magistrantga ilmiy rahbar biriktirilgan. Hisobot yilida kafedra professor o‘qituvchilari hamda magistrlar 15 ta ilmiy maqola (xalqaro OAK ro‘yxatiga kiritilgan jurnalda 5 ta, 

O‘zR OAK ro‘yxatiga kiritilgan jurnalda 10 ta) va 18 ta ilmiy tezis (3 ta respublika, 15 ta xalqaro) nashr etilgan. Shuningdek, kafedra mudiri Z.I.Sanakulov Chirchiq davlat pedagogika universiteti huzuridagi ilmiy darajalar beruvchi phd.03/30.04.2021.ped.82/01 raqamli ilmiy kengash qoshidagi 

ilmiy seminar ilmiy kotibi sifatida faoliyat olib bormoqda.

TALABALAR HAYOTI

Turizm fakulteti talablari uchun fakultetda “Yosh gidlar maktabi” nomli to‘garaklar tashkil etilgan. Ushbu to‘garaklar orqali talabalar:

- rus tilini egallash Umumyevropa standartlariga ko’ra B1darajasida o‘qish, tinglab tushunish, gapirish va yozish ko‘nikmalariga ega bo‘lishi;

- o‘rganilayotgan rus tilining xalqaro muloqotdagi roli;

- til o‘rganish jarayonlari hamda ularning til o‘rganishdagi ahamiyati;

- o‘quv materiallarini tanqidiy tahlil qilish, baholash, mahalliy sharoitga moslashtirish;

- darsni rejalashtirishda izchillikni ta’minlash hamda mashg’ulot olib borish;

- til o‘qitilayotgan guruh va sharoitga mos ravishda o‘qitish tanlash va to‘g’ri qo‘llay olish;

- ta’lim oluvchilar bilimini baholashning turli shakl va metodlari;

-egallagan bilimlardan amaliy faoliyatda unumli foydalanish bo‘yicha bilim, ko‘nikmalarga va malaka ega bo‘lishi talab etiladi.

 Chirchiq davlat pedagogika universitetining Turizm fakulteti, ma'naviy-ma'rifiy rejasiga muvofiq, talabalar uchun yil davomida turli xil qiziqarli va intellektual tadbirlar tashkil etib boriladi. Har yili an’anaga aylangan "Kitobxon talaba" va "Zakovat" tanlovlari, talabalar o'rtasida ingliz tilida o'tkaziladi. "Bo'lajak ingliz tili o'qituvchisi talaba nigohida" kabi metodik tadbirlar, muzey va teatrga tashrif kabi madaniy dasturlar ham ushbu reja doirasida amalga oshiriladi.

Xorijiy til va adabiyoti, shuningdek, Turizm yo'nalishidagi talabalar uchun ilmiy-seminarlar o'tkaziladi. Xorijiy til va adabiyoti yo'nalishidagi talabalar uchun tashkil etilgan "Talabalar akademiyasi" doirasida professor-o'qituvchilar tomonidan har oy ilmiy-seminarlar o'tkazib boriladi. Bu tadbirlar 

nafaqat talabalar bilimini oshirish, balki ularning ma'naviy va madaniy rivojlanishiga ham xizmat qiladi.

Turizm fakulteti ‘‘Ingliz tili nazariyasi va amaliyoti’’ kafedrasi qoshida talabalarning ingliz tilini chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:

• Til o‘rganish bo‘yicha interaktiv mashg‘ulotlarda ishtirok etishlari mumkin;
• Amaliy nutq ko‘nikmalarini rivojlantirish va til bilish darajalarini oshirish imkoniyatiga ega bo‘ladilar;
• Xalqaro sertifikat olishga tayyorgarlik ko‘rishlari mumkin.

Bu klublar doirasida talabalar ishtirokida turli debatlar, tanlovlar va seminarlar o‘tkazilib, ularning xorijiy til bilimlarini real muhitda rivojlantirish imkoniyati yaratilmoqda. ‘‘Ingliz tili nazariyasi va amaliyoti’’ individual ta’lim faoliyati yuqori saviyada tashkil etilgan. Talabalar o‘zlarining ilmiy 

izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin.

Chirchiq davlat pedagogika universiteti va Germaniyaning Haydelberg pedagogika universiteti oʻrtasida 2022-yilda 5 yil muddatga imzolangan shartnoma doirasida talabalar akademik almashinuvi yoʻlga qoʻyilgan boʻlib, unda har yili 8 nafar talaba Turizm fakulteti va 

Chirchiq davlat pedagogika universiteti qoshidagi akademik litseyida, shuningdek, Boʻstonliq tumanida joylashgan 29-sonli maktabda 1 oy davomida amaliyot oʻtash imkoniyati yaratilgan. Shuningdek, Chirchiq davlat pedagogika universitetidan 4 nafar talaba hamkor oliygohga

1 oy muddatga yuboriladi. Ushbu dastur doirasida ular maktabda amaliyot oʻtash va universitet darslarida ishtirok etish imkoniyatiga ega boʻladilar. Hozirgi kunga qadar 20 dan ortiq talabalar universitetimizga tashrif buyurishgan boʻlsa, hamkor oliygohga 10 dan ortiq ChDPU talabalari safar uyishtirishdi.

Akademik va ijtimoiy tadbirlar:

Turizm fakulteti professor-oʻqituvchilari nomidan 2024-yil 11-oktyabr kuni Chirchiq davlat pedagogika universiteti, Turizm fakultetida boʻlib oʻtadigan “Xorijiy tillarni oʻqitishda kooperativ (hamkorlikdagi) ta’lim” mavzusidagi amaliy-metodik tadbir oʻtkazldi. Unda aynan kafedramiz o‘qituvchilari tomonidan dars jarayonlarida samarali qo‘llanilayotgan innovatsion metod va texnologiyalardan ba’zilarini mehmon amaliyotchi-talabalar hamda Nemis tili ta’lim yo‘nalishi talabalari ishtirokida universitet jamoasi e’tiboriga havola etildi.

• Talabalar uchun grant va stipendiyalar.

Chirchiq davlat pedagogika universiteti va Germaniyaning Haydelberg pedagogika universiteti oʻrtasida 2022-yilda 5 yil muddatga imzolangan shartnoma doirasida talabalar akademik almashinuvi yoʻlga qoʻyilgan. Shartnomaga koʻra, Chirchiq davlat pedagogika universitetidan 4 nafar talaba hamkor oliygohga 1 oy muddatga yuboriladi. Ushbu dastur doirasida ular maktabda amaliyot oʻtash va universitet darslarida ishtirok etish imkoniyatiga ega boʻladilar.

Bundan tashqari, Germaniyaning DAAD tashkilotidan e’lon qilingan 1 oylik yozgi til kursi (HSK) stipendiyasini qoʻlga kiritishda doimiy ishlar amalga oshirilmoqda. Jumladan, Germaniyaning akademik almashinuv o‘quv xizmati tashkiloti mas’ul xodimlarininig (DAAD) tashrifini tashkillashtirish (har o’quv yili oktyabr oyida) va OnSET testini universitetda tashkil etish va B1 darajadagi bilimga ega boʻlgan talabalar bilan alohida ishlash hamda kerakli hujjatlarini tayyoralshda koʻmaklashiladi. Natijada hozirgi kungacha 3 nafar talabamiz ushbu stipendiya sohibi boʻlishb, Germaniyada ta’lim olib, oʻz bilim, malaka va koʻnikmalarini rivojlantirishdi.

Haydelberg pedagogika universiteti bilan imzolangan shartnoma doirasida amalaga oshirilgan hamkorligimiz natijasida 2023-2025 yillarga moʻljallangan Germanistische Institutspartnerschaft –GIP (Germanistika institutlari hamkorligi) loyihasi yoʻlga qoʻyildi. Ushbu loyiha doirasida talabalar uchun online va offline mashgʻulotlar tashkil etildi. Shuningdek, loyiha mablag‘lari hisobidan taqdim etilgan stipendiyada Xorijiy til va adabiyot (nemis tili) mutaxassisligi 2-kurs magistranti X.Mamadiyorova gʻolib bo‘ldi va Germaniyada 1 semestr davomida ta’lim olib qaytdi.

XALQARO HAMKORLIK VA AKADEMIK ALMASHINUV DASTURLARI

Turizm fakultetida 2022 yilda xorijiy universitetlar va ilmiy markazlar bilan tajriba almashish, oliy ta’limning turli sohalari bo‘yicha o‘zaro manfaatli hamkorlikni yo‘lga qo‘yish, iqtidorli yosh pedagoglarni aniqlash, ularning qobiliyati, ijodiy salohiyatlarini rivojlantirish, kasb malakasini yuksaltirish, rivojlangan demokratik davlatlarning yetuk o‘quv yurtlarida va markazlarida tajriba orttirishiga ko‘maklashish, xorijda malaka oshirayotgan va tajriba orttirayotgan professor-o‘qituvchilarning ta’lim olish jarayoni, shuningdek, o‘qishdan keyingi mehnat faoliyati monitoringini olib borish, ularning ilmiy-pedagogik salohiyatidan samarali foydalanishga ko‘maklashishga alohida e’tibor berib kelinmoqda.

Shu maqsadda xorijiy hamkor oliy o‘quv yurtlari ilg‘or tajribalarini tahlil qilish, hamkorlar bilan Yevropa Ittifoqi dasturlari doirasidagi loyihalar natijalarini amaliyotga joriy qilish, jahon ta’lim sohasida ro‘y berayotgan o‘zgarishlar va yangiliklar jarayoni bo‘yicha axborotlar almashib borish, universitetlar rahbar xodimlari va professor-o‘qituvchilari, katta ilmiy xodim-izlanuvchilar va mustaqil tadqiqotchilarining xorijiy ta’lim va ilmiy muassasalariga safarlari davomida o‘rganib kelgan ilg‘or tajribalarining amaliyotga tadbiq qilinishi bu borada olib borilayotgan ishlarni jadallashtirmoqda. Xorijiy hamkor universitetlar bilan yangi loyihalar, ilmiy izlanishlarda professor-o‘qituvchilar malakalarini oshirish, kafedra o‘quv bazasi va axborot resurs markazlarini rivojlantirishga alohida e’tibor berilmoqda.

Xorijiy hamkor davlatlar bilan ilmiy yo‘nalishda xamkorlik qilish bo‘yicha bugungi kunda 4 ta, jumladan, Germaniyaning Haydelberg pedagogika universiteti, Laybnis-Nemis tili ilmiy tadqiqot instituti, Germaniya Federativ Respublikasi Myunster universiteti va Gyote instituti bilan shartnomalar imzolangan. Ularga ko‘ra professor-o‘qituvchi va talabalar almashinuv xizmati, an’anaviy va masofaviy dars mashg‘ulotlari amalga oshirilmoqda. Jumladan, hozirgi kungacha kafedarmizdan dan 10 ga yaqin professor-o‘qituvchi hamkor universitetlarda an’anaviy va masofaviy kurslardan malaka oshirdilar, ilmiy stajerovka oʻtadilar, 8 nafar talaba esa o‘z pedagogik amaliyotini o‘tab qaytishdi. O‘z navbatida, hamkor universitetidan 20 dan ortiq professor-oʻqituvchilar mahorat darslarini olib borishdi, Haydelberg pedagogika universitetidan 20 dan ortiq talaba Nemis tili kafedrasida amaliyot o‘tashdi.

Talabalar va o‘qituvchilar uchun xalqaro konferensiyalar.

O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200 qarori 9- bandida belgilangan topshiriq ijrosini o‘z vaqtida va samaralari bajarilishini ta’minlash maqsadida O‘zbekiston Respublikаsi Oliy ta’lim, fan va innovatsiyalar vazirinig 2024-yil 18-yanvardagi 16-son buyrug‘i bilan tasdiqlangan “O‘zbekiston Respublikasi Oliy ta’lim, fan va Innovatsiyalar vazirligi 2024-yilda o‘tkaziladigan xalqaro va respublika miqyosidagi ilmiy va ilmiy-texnik tadbirlar rejasi”da belgilangan tadbirlarni amalga oshirish maqsadida joriy yil 23-24-april kuni Chirchiq davlat pedagogika universiteti, Turizm fakulteti, Nmeis tili kafedarsi tashabbusi bilan “Zamonaviy filologiya va lingvodidaktikaning dolzarb masalalari” mavzusida Xalqaro miqyosidagi ilmiy-amaliy anjumani o‘tkazildi.

Anjumanning maqsadlari ta’lim-tarbiya jarayonlarida xorijiy filologiyani o‘qitishni yuqori saviyada rejalashtirish, chet tillarni o‘rgatishning hozirgi kundagi roli va ahamiyati hamda undagi dolzarb muammolar va ularni yechish yo‘llarini muhokama qilish, o‘zaro fikr almashish, zamonaviy tilshunoslik sohalarini hozirgi kun nuqtai nazaridan o‘rganish, undagi mavjud muammolarni aniqlashtirish va ularga yechim topish, ta’lim tizimida o‘quv jarayoni va uni boshqarish tizimida qiyosiy filologiya va lingvokulturologiya tadqiq etish, shuningdek xorijda va respublikamizda lingvistika va filologiya sohasida bajarilayotgan ishlar bo‘yicha o‘zaro fikr almashish hamda (yosh) olim, magistrant, doktorant va mutaxassislarning ilmiy-tadqiqot ishlarining sifati va samaradorligini oshirish hisoblanib, ushbu tadbirda xorijlik va Respublika (yosh) tadqiqotchilarning tajribalari muhokama etiladi va ilg‘or texnologiyalardan foydalanish bo‘yicha tavsiyalar yaratiladi hamda onlayn platformalar va dasturiy ta’minotlarni ishlab chiqishni innovativ rivojlantirilishi kutiladi. Shuningdek, Respublikamiz oliy ta’lim muassasalarida xorijiy tillar, xususan, nemis tilini o‘qitish va o‘rganishda kuzatiladigan muammolar va ularning yechimlari bo‘yicha xulosa hamda takliflar tayyorlash maqsad qilinadi.

Anjumanning sho‘ba yig‘ilishlarida respublikamiz va xorijda faoliyat yuritayotgan 30 ga yaqin ilmiy daraja va ilmiy unvonli, 50 ga yaqin yosh o‘qituvchi, bo‘lajak olimlar, tadqiqotchilar onlayn va oflayn ishtirok etishdi. Anjuman doirasida 5 ta sho‘ba ish olib borib, unda jami 130 dan ortiq ma’ruzalar tinglandi. Unda doktorantlar, magistrlar va yosh iqtidorli talaba-yoshlar tomonidan olib borilayotgan ilmiy tadqiqot ishlari muhokama qilindi. Sho‘ba majlislarida eng yaxshi ma’ruza tanlovi o‘tkazilib, g‘oliblar aniqlandi.

Unga ko‘ra, yalpi majlisda o‘z taqdimotlari bilan eng faol ishtirok etgan ishtirokchilar: Leibnits-Nemis tili instituti leksika bo’limi rahbari professor Shtefan Engelberg, Germaniyaning Kyoln universiteti dotsenti Anna Tiks, Olmon-o‘zbek jamiyatining raisi, dotsent Yusuf Ismoilov va boshqa yosh olimlar taqdirlanishdi va tashakkurnomalar berildi.

Anjuman yakunida fakultet kafedralarida iqtidorli talabalar bilan seleksion ishlarni olib borish va ularni istiqbolli ilmiy mavzular bo‘yicha ilmiy-tadqiqot ishlarga jalb etish ko‘lamini yanada kengaytirish hamda yetuk xorijiy pedagogik oliygohlar va ilmiy tadqiqot institutlari bilan hamkorlikda mutaxassislik fanlarini interaktiv usullarda o‘qitilishini tashkil etish, kafedralarning ilmiy to‘garaklarida doimiy sohalarning zamonaviy texnologiyalari bo‘yicha yangiliklarini o‘zlashtirishga kelishib olindi.

"Chet tillarni o‘qitishda innovatsion texnologiyalar va onlayn ta‘lim jarayonida talabalarni baholash" mavzusidagi xalqaro ilmiy-amaliy konferensiya 2021-yil 15-16 oktabr kunlari o‘tkazildi. Ushbu konferensiya Chirchiq Davlat Pedagogika Instituti, Google Scholar O‘zbekiston Ilmiy Kutubxonasi hamda Academic Research Uzbekistan platformasi tomonidan tashkil etildi.

Konferensiya doirasida chet tillarni o‘qitishda innovatsion texnologiyalarni amaliyotga samarali joriy etishning ahamiyati, onlayn ta‘limning yutuqlari va muammolari, shuningdek, xalqaro baholash dasturlari va standartlarining xususiyatlari muhokama qilindi. Xususan, kasbga yo‘naltirilgan xorijiy tilni nomutaxassislik yo‘nalishlarida onlayn o‘qitish jarayonida PISA, TIMSS, PIRLS va STEAM baholash tizimlarining roli va o‘ziga xos jihatlariga alohida e‘tibor qaratildi. Konferensiya materiallari maxsus to‘plam sifatida nashr qilindi. To‘plamga xalqaro ilmiy-amaliy konferensiyaga yuborilgan maqola va tezislar kiritilgan bo‘lib, ular ilmiy tadqiqotchilar, soha mutaxassislari, magistratura va bakalavriat talabalari hamda keng o‘quvchilar ommasi uchun mo‘ljallangan.

Ushbu to‘plamning bosh muharriri kimyo fanlari doktori, professor G. I. Muxamedov, bosh muharrir o‘rinbosarlari kimyo fanlari doktori, professor Odiljon Ziyadullayev hamda pedagogika fanlari bo‘yicha falsafa doktori (PhD) Muxabbat Yusupova hisoblanadi. Mas‘ul muharrirlar Aytgul Jalilova va Shohsanam Asiljonova bo‘lib, to‘plab, nashrga tayyorlovchi Saida Gazieva tomonidan amalga oshirilgan.

Konferensiya materiallari xorijiy til kompetensiyalarini rivojlantirishga qaratilgan ilmiy-amaliy tadqiqotlarni o‘z ichiga olgan bo‘lib, ushbu yo‘nalishda ta‘lim oluvchi va tadqiqotchilar uchun muhim metodologik hamda amaliy tavsiyalarni taqdim etadi.

To‘plam 1

Turizm fakulteti Fakultetlararo chet tillar kafedrasi qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

• “Vatan taraqqiyotiga mening hissam” – vatanparvarlik ruhidgi madaniy tadbir;
• “Bahor she’riyat fasli” – talabalar turar joyida tadbirlar.
• “Speaking Marathon” – talabalarning og‘zaki nutqini o‘stirishga qaratilgan marafon.
• “Best Essay Writer” – eng yaxshi insholar tanlovi;
• “Chet tillari bilimdoni” – ingliz tilida bilimini sinovdan o‘tkazish tanlovi.
• Milliy bayramlar va qadriyatlar asosidagi tadbirlar.

Ushbu tadbirlar orqali talabalar ijtimoiy va madaniy faolligini oshirish, til ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

Turizm fakulteti Turizm kafedrasi turizm sohasida qiziqish darajasini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari bilan hamkorlik yo‘lga qo‘yilgan.

• Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy turizm yondashuvlarni targ‘ib qilish, turizm o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
• O‘quvchilarning turistik mahsulotlarga bo‘lgan etiborini kuchaytirish: Hamkorlik doirasida turizm sohasi bo‘yicha mahorat darslari va amaliy mashg‘ulotlar olib borilib, o‘quvchilarning turizmga oid bilim darajasini oshirish, ularga turistlar bilan ishlash ko‘nikmalari hamda xizmatlarni to‘g‘ri tashkil etish bo‘yicha tavsiyalar berilmoqda.

Turizm kafedrasi bilan birgalikda Toshkent viloyati turizm boshqarmasi o‘rtasida tuzilgan memorandum talabalarning kelgusi faoliyatini tashkil etish hamda malakaviy amaliyot o‘tash bo‘yicha kelishuvlarga erishilgan. Shuningdek, Toshkent viloyatining bir qancha mehmonxonalari bilan ham talabalarning amaliyot o‘tash bo‘yicha kelishuviga erishilgan.

Turizm kafedrasiga Piskent tumanining turistik salohiyatini oshirish va turistlarni tashrifi, turistik mahsulotlarni namoyish etish bo‘yicha biriktirilhan bo‘lib, quyidagi ishlar amalga oshirilmoqda;

• Kafedra tomonidan Piskent tumanining turistik salohiyatini oshirish qaratilgan talabalarimizning start-up loyihalar tanlovi tashkil etilgan;
• Piskenttur.uz sayti tashkil etilgan

Turizm fakulteti mahalliy hamkorlikni yanada kengaytirish hamda til o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

• Turizm fakultetining 3-kurs MXT yo‘nalishi talabasi Radjabova Nasiba Mahmudjonovna MDH miqiyosida tashkil etilgan xalqaro ilmiy-amaliy ko‘rik tanlovining g‘olibi bo‘lib, “YOSH TADQIQOTCHI” ko‘krak nishoni bilan taqdirlandi;
• Turizm fakultetining 3-kurs TFY yo‘nalishi talabasi Xasanov Xojimurod To‘ychiboy o‘g‘li tomonidan “Turistik atamalar izohli lug‘ati” ilmiy rahbari ko‘magi asosida shakllantirdi;
• Turizm fakultetining 3-kurs MXT yo‘nalishi talabasi Radjabova Nasiba Mahmudjonovnaning “Yordamchi turist” nomli start-up loyihasini ishlab chiqdi;
• Turizm fakultetining 2-kurs TFY yo‘nalishi talabasi Abduraximov Nodirbekning “Turizm savodxonligi dasturi” nomli start-up loyihasini ishlab chiqdi.
• 
  
• Talabalarga oid tadbirlar va loyihalar
•  

  №	FIO	Kurs	Guruh nomi	Tadbir nomi
  1	Valiyev Hasan	4	TSXT 21/1	Climate change
  2	Abdulayeva Madina	4	TSXT 21/1
  3	Alijonov Samandar	3	TFY 22/1	Sultantur
  4	Abdujabborova Rushana	4	MXTE 21/1
  5	Umarova Marjona	4	TSXT 21/1

  
  Akademik va ijtimoiy tadbirlar 
  • 27-sentabr “Xalqaro turizm” kuni kafedrada 2021 yildab buyon nishonlanib kelinmoqda.
  • 21-dekabr “Xalqaro gidlar” kuni munosabati bilan talabalarimiz tomonidan tashkillashtirilgan ishlar.
  • Talabalar uchun grant va stipendiyalar.
  • Chirchiq davlat pedagogika universiteti “E’tirof” nominatsiya bo‘yicha 3-kurs TSXT yo‘nalishi talabasi Avazbekova Parvina g‘olibi;
  • Chirchiq davlat pedagogika universiteti “E’tirof” nominatsiya bo‘yicha 3-kurs GID yo‘nalishi talabasi Turg‘unboyeva Parvina g‘olibi;
  • Chirchiq davlat pedagogika universiteti “E’tirof” nominatsiya bo‘yicha 3-kurs TFY yo‘nalishi talabasi Xasanov Xojimurod To‘ychiboy o‘g‘li g‘olibi.
  • Turizm fakultetida xorijiy til ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilari va kasb-hunar ta’limi o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari hamda Bo‘stonliq tumani kasb-hunar maktabi bilan hamkorlik yo‘lga qo‘yilgan.
  • Oflayn va onlayn seminarlar: Kafedra o‘qituvchilari tomonidan o‘qituvchilar va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar zamonaviy lingvodidaktik yondashuvlarni targ‘ib qilish, xorijiy til o‘qitishning innovatsion metodlarini amaliyotga tatbiq etish hamda ta’lim sifatini oshirishga qaratilgan.
  • Metodik ko‘mak va tajriba almashish: Hamkor maktab va kasb-hunar maktablarida ingliz tili o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning ingliz tili bilimlarini rivojlantirishga hissa qo‘shilmoqda.
  • O‘quvchilarning lingvistik kompetensiyasini rivojlantirish: Hamkorlik doirasida xorijiy tilni o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning til bilish darajasini oshirish, ularga xalqaro baholash tizimlariga tayyorgarlik ko‘rish bo‘yicha tavsiyalar berilmoqda.

• Kafedra mahalliy hamkorlikni yanada kengaytirish hamda til o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

  UPSI (Universitas Pendidikan Sultan Idris, Malayziya)

  Kafedra UPSI bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.

  Hamkorlik doirasida xorijiy professorlarning ishtirokida mahorat darslari va seminarlar tashkil etilmoqda.

  UPI (Universitas Pendidikan Indonesia, Indoneziya)

  UPI bilan hamkorlik aloqalari doirasida ikki tomonlama shartnoma imzolangan.

  UPI delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.

  Bizning delegatsiya UPIga tashrif buyurib, universitetning ta’lim tizimi bilan tanishgan.

  Ushbu hamkorlik doirasida “Research Methodology” va “Guest Lecturer” kabi loyihalar amalga oshirilmoqda.

   

  FAKULTETDA OLIB BORILADIGAN MA’NAVIY-MA’RIFIY ISHLAR

  Turizm fakultetda talabalar o‘rtasida amalga oshirilayotgan ma’naviy-ma’rifiy tadbirlarning samaradorligini oshirish maqsadida qator chora-tadbirlar muntazam ravishda tashkil etilib kelinmoqda. Bular orasida turli mavzulardagi tanlovlar, fan olimpiadalari, ijodiy va ilmiy loyihalar, sport musobaqalari (futbol, futzal va boshqa sport turlari), shuningdek, xalqaro va respublika miqyosidagi bellashuvlar alohida o‘rin tutadi. Ushbu tadbirlar nafaqat talabalar bilim va salohiyatini rivojlantirish, balki ularning ma’naviy dunyosini boyitish va ijtimoiy faolligini oshirishga xizmat qilmoqda.

  Ushbu faoliyatda fakultetning Yoshlar masalalari va ma’naviy-ma’rifiy ishlar bo‘yicha dekan muovini X.B. Yuldashev boshchiligidagi jamoa, jumladan, guruh tyutorlari muhim rol o‘ynamoqda. Tyutorlar talabalar bilan muntazam ravishda muloqot o‘rnatib, ularning ma’naviy va ijtimoiy holatini tahlil qilishadi, mavjud muammolarni aniqlash hamda bartaraf etish choralarini ko‘rib kelishadi.

  Shu bilan birga, talabalar o‘rtasida sog‘lom turmush tarzini targ‘ib qilish, ularni sportga jalb etish hamda ijodiy va ilmiy qobiliyatlarini qo‘llab-quvvatlashga alohida e’tibor qaratilmoqda. Fakultetda tashkil etilayotgan sport musobaqalari, fan olimpiadalari va ijodiy tanlovlarda ishtirok etib, yuqori natijalarga erishayotgan talabalar soni yildan-yilga ortib bormoqda. Bu esa fakultet jamoasining samarali va tizimli faoliyat olib borayotganidan dalolat beradi.

  
  

2024-2025 o‘quv yilida Turizm fakulteti ma’naviy-ma’rifiy ishlar bo‘yicha amalga oshirilgan ishlar yuzasidan hisoboti.

TURIZM FAKULTETNING MILLIY REYTING INDIKATORLARI BO‘YICHA STATISTIKASI VA NATIJALARI

FAKULTETNING TA’LIM SIFATI VA BAHOLASH TIZIMI

Ta’lim sifati nazorati

Turizm fakultetida ta’lim sifati nazoratini oshirish bo‘yicha tashqi monitoring tizimiga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Turizm fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun yozma shaklida topshiradilar, bu esa ularning og‘zaki nutq ko‘nikmalarini tekshirish imkonini beradi.

Oraliq nazorat savollari namunasi

Yakuniy baholash: yakuniy nazorat yozma shaklida imtihon topshiradilar.

Yakuniy nazorat savollari namunasi

Turizm fakultetida ta’lim sifati nazoratini oshirish bo‘yicha quyidagi ishlar olib boriladi.

Ta’lim jarayonida ta’lim sifatini baholash – oʻzaro dars tahlilari va ochiq darslar asosida amalga oshiriladi.

Talabalarning reyting tizimi va baholash mezonlari – Oliy ta’lim tashkilotlarida talabalar bilimini nazorat qilish va baholash tizimi to‘g‘risidagi NIZOMga asoslanadi.

O‘qituvchilarning faoliyatini monitoring qilish – yillik hisobot hamda KPI tizimi orqali amalga oshiriladi

Talabalar bilimining baholash va nazorat qilish mezonlari: Talabalar bilimini baholashda quyidagi mezonlar qo‘llaniladi:

Oraliq Nazorat: Talabalar oraliq nazoratda berilgan savollarga javob berganligi, mustaqil ishlarini bajarishi va o‘quv mashg‘ulotlaridagi faolligi hisobga olinadi.

Yakuniy Nazorat: Talabalar yakuniy nazoratda muvaffaqiyatli qatnashgan bo‘lsa, ularning yakuniy bahosi hisobga olinadi.

Reyting va Baholar:

5 (A’lo): 90-100 ball — "A" yoki "A’lo"

4 (Yaxshi): 80-89,9 ball — "B+" yoki "Yaxshi"

3 (Qoniqarli): 65-79,9 ball — "C+" yoki "Qoniqarli"

2 (Qoniqarsiz): 0-59,9 ball — "F" yoki "Qoniqarsiz"

Baholash jarayonidagi maksimal ballar:

Oraliq Nazorat: 5 ball

Yakuniy Nazorat: 5 ball

Modul (Fan) bo‘yicha o‘zlashtirish ko‘rsatkichi: 3 ball yoki undan yuqori bo‘lganda modul o‘zlashtirilgan hisoblanadi.

Shu bilan birga, talaba oraliq nazoratda 3 ball va undan yuqori natija ko‘rsatgan bo‘lsa, yakuniy nazoratga kirish huquqiga ega bo‘ladi. O‘qituvchilar tomonidan o‘quv jarayonidagi monitoring va tahlil yordamida ta’lim sifati doimiy ravishda oshib boradi.

FAKULTETGA KIRISH VA QABUL SHARTLARI

Bakalavriyat ta’lim yo‘nalishlarga talabalarni qabul qilish jarayoni har yilning 10-iyun sanasidan 10-iyul sanasigacha (o‘sha kuni ham)

https://uzbmb.uz/page/qabul2024_2025 sayti orqali ro‘yxatdan o‘tiladi va barcha kerakli hujjatlar online shakilda shu platformaga yuklanadi.

BAKALAVRIYAT YO‘NALISHLARI UCHUN QABUL KVOTALARI

• Kunduzgi ta’lim shakli
• Kechki ta’lim shakli
• Sirtqi ta’lim shakli

Magistratura mutaxassisliklari yo‘nilishiga talabalarni qabul qilish jarayoni har yilning 1-iyul sanasidan 30-iyul sanasigacha (o‘sha kuni ham)

https://magistr.edu.uz/ sayti orqali ro‘yxatdan o‘tiladi va barcha kerakli hujjatlar online shakilda shu platformaga yuklanadi.

MAGISTRATURA MUTAXASSISLIKLARI UCHUN QABUL KVOTALARI

• Kunduzgi ta’lim shakli

• BIZ BILAN BOG‘LANISH
• Telegram
• Instagram
• YouTube
• Chirchiq davlat pedagogika universiteti, 3-bino

Qo'shimcha

TURIZM FAKULTETIga tegishli boshqa ma'lumotlar