Tashkil etilgan yili: 2017-yil

 Manzil: Toshkent viloyati, Chirchiq shahar, Lomonosov ko‘chasi 1-uy, Chirchiq davlat pedagogika universiteti, 6-bino.

Tarix va tillar fakulteti 2017-yilda tashkil qilingan bo‘lib, Toshkent viloyati Chirchiq davlat pedagogika instituti Kengashining 2020-yil 31-oktabrdagi 4-sonli majlis qarori bilan Tarix va tillar fakulteti Gumanitar fanlar fakulteti etib o‘zgartirildi.

Fakultetda bugungi kunda bakalavriat ta’lim yo‘nalishlarida kunduzgi ta’lim asosida 1594 nafar, magistratura ta’lim yo‘nalishlarida kunduzgi ta’lim asosida 101 nafar, sirtqi ta’lim, (2-OT) yo‘nalishi asosida 1908 nafar va kechki ta’limda 83 nafar, jami 3686 nafar talabalar zamonaviy jihozlangan auditoriya va laboratoriya xonalarida tahsil olishadi.

Bugungi kunda fakultetda jami 117 nafar professor-o‘qituvchilar faoliyat yuritmoqda. 

Shundan: 

9 nafar fan doktori, professor;

38 nafar fan nomzodi, dotsent.

Fakultetda ijtimoiy-gumanitar (tarix, milliy g‘oya, huquq ta’limi) hamda filologiya (o‘zbek tili va adabiyoti, rus tili va adabiyoti, o‘zga tilli guruhlarda rus tili, qozoq tili, tojik tili) yo‘nalishlarida bakalavriat, magistratura, doktorantura bosqichlari bo‘lib, unda kunduzgi, sirtqi, kechki, magistratura bosqichlarida talabalar bilim oladilar.

Fakultetda mavjud fanlar til sertifikatiga ega yosh o‘qituvchilar tomonidan ingliz tilida olib borilishi (sertifikatlar, ingliz tili dasturlari elektron) yo‘lga qo‘yilgan.

 FAKULTETNING MAQSADI VA VAZIFALARI

Fakultetning missiyasi – fakultetning asosiy vazifasi ijtimoiy-gumanitar fanlar bo‘yicha ilg‘or tajribalarni tatbiq etish hamda nazariya va amaliyot integratsiyasi asosida fakultet imidjini xalqaro miqyosda oshirish.

Fakultetning maqsadi:

Filologiya va ijtimoiy fanlar ta’limi mazmunini va uning o‘quv-uslubiy ta’minotini bugungi kun talablaridan kelib chiqqan holda takomillashtirish orqali XXI asr ko‘nikmalariga ega raqobatbardosh kadrlar tayyorlash;

Sog‘lom raqobat muhitini shakllantirish va xalqaro darajada fakultet jozibadorligini oshirish;

Xalqaro darajadagi o‘qituvchi tayyorlash orqali fakultet imidjini oshirishdan iborat.

FAKULTET RAHBARIYATI

O‘QUV YO‘NALISHLARI VA TA’LIM DASTURLARI

Fakultetda bakalavriat, magistratura, doktorantura bosqichlari bo‘lib, unda kunduzgi, sirtqi, kechki, magistratura ta’lim yo‘nalishlarida quyidagi yo‘nalishlar faoliyat olib borad

ILMIY-TADQIQOT YO‘NALISHLARI VA LOYIHALAR

Gumanitar fanlar fakulteti tomonidan 2022-2030 yillarga mo‘ljallangan STRATEGIK RIVOJLANTIRISh DASTURIDA “Ijtimoiy -gumanitar fanlarning zamonaviy tendensiyalari” mavzusidagi ilmiy-tadqiqot faoliyati muassasaning vazifa va strategik maqsadlariga mos kelishi ta’minlangan.

Belgilangan vazifalarning natijasi o‘laroq, Universitet rektorining buyrug‘i asosida Gumanitar fanlar hamda San’atshunoslik fakulteti talabalari “Buyuk ipak yo‘li: sivilizatsiyalar to‘qnashuvi” mavzusida fanlararo integratsiya asosidagi Bitiruv malakaviy ishlari himoyasi amalga oshirildi.

FAKULTETNING HAMKORLIK ALOQALARI

Gumanitar fanlar fakulteti pedagogik ta’lim innovatsion klasterida belgilangan vazifalarni bajarish, yangi O‘zbekistonning yangi pedagogic kadrlarini tayyorlash, uquv-uslubiy ta’minotni takomillashtirish, ilmiy tadqiqotlarni xalqaro doirada amalga oshirish, xalqaro darajadagi o‘qituvchilarni tayyorlash maqsadoda Toshkent viloyatidagi umumiy o‘rta ta’lim va kasb-hunar maktablari, Respublika oliy ta’lim muassassalari, Xorijiy oliy ta’lim muassassalari hamda ko‘plab jamoat tashkilotlari bilan manfaatli hamkorlik aloqalarini yo‘lga qo‘yishgan.

Hamkorlikka yo‘naltirilgan tadqiqotlarda amalga oshiriladigan vazifalar quyidagilar:

-O‘zbekiston Respublikasi Prezidentining 2022 yil 2-iyundagi PQ -289 sonli qarori ijrosini ta’minlashga qaratilgan umumta’lim maktablari bilan hamkorlikni takomillashtirish;

- Respublikadagi oliy ta’lim muassasalari bilan talabalar akademik mobilligi yordamida tajriba almashish;

Respublika Qozoq, Tojik, Rus Milliy madaniy markazlari bilan fakultet “Do‘stlik ma’naviyat markazi” (“Qozoq milliy markazi”, “Tojik milliy markazi”, “Rus milliy markazi”) hamkorligidagi ma’naviy-ma’rifiy tadbirlari tizimli tashkil etish, OAV va ijtimoiy tarmoqlarda yoritib borishdan iborat.

FAKULTET KAFEDRALARI VA ULARNING FAOLIYATI

FAKULTETNING TALABALAR AKADEMIYASI FAOLIYATI

Gumanitar fanlar fakulteti talabalarning bo‘sh vaqtlarini mazmunli tashkil etish, ularning iqtidorlari hamda intellektual salohiyatlarini oshirish maqsadida Talabalar akademiyasi tashkil etilgan.

Talabalar Akademiyasi nizom va ustav asosida ishlarni amalga oshiradi. Uning tarkibida fakultet miqyosida va kafedralar bilan hamkorlikda tashkil etilgan to‘garak va klublar mavjud. Ushbu to‘garak va klublar talabalarning bo‘sh vaqtini samarali tashkil etish bilan birga, ularni ilmiy va pedagogik faoliyatlarini rivojlantirishga hissa qo‘shadi.

• Fakultetda iqtidorli talabalar soni ko‘pchilikni tashkil etadi. Ular universitet va Respublika hamda Xalqaro tanlovlarda ishtirok etib, faxrli o‘rinlarni qo‘lga kiritib kelmoqda. Jumladan,Gumanitar fanlar fakulteti talabalari orasida Prezident va nomli davlat stipendiyalari g‘oliblari mavjud. Shu kunga qadar fakultetda 22 nafar talaba stiependiantlar qatoridan joy olgan.
• Oliy taʼlim, fan va innovatsiyalar vazirligi tomonidan Talaba va oʻquvchilarning ijtimoiy faolligini oshirish maqsadida tashkil etiladigan “Yil talabasi” tanlovinida han fakultetimiz talabalari munosib o‘rinlarni egalladi.

Gumanitar fanlar fakulteti aholi, ayniqsa, yoshlarni universitetda tashkil etilgan klub va to‘garalar ga a’zo bo‘lishga, mahorat darslari va festivallarda ishtirok etishga chorlaydi.

Gumanitar fanlar fakulteti talabalarning bo‘sh vaqtlarini mazmunli tashkil yetish, ularning iqtidorlari hamda intellektual salohiyatlarini oshirish maqsadida Talabalar akademiyasida yo‘nalishlar bo‘yicha ijodkor talabalar uchun qator klublar faoliyati yo‘lga qo‘yilgan.Klublar bilan tanishing!

FAKULTETNING ILMIY –TADQIQOT MARKAZLARI 

Zamonaviy pedagogik ta’lim mazmuni ochiq va doimiy rivojlanishda bo‘lishi, bo‘lajak pedagoglarda samarali pedagogik faoliyatni amalga oshirishga qaratilgan ijobiy muhit yaratishi, mustaqil ta’lim va tarbiyaga qiziqish rag‘batini uyg‘otishi, variativ va invariant komponentlarni qamrab olishi, pedagogik tizim va faoliyat genezisini aks ettirishi, shaxs va jamiyatning istiqbol talablariga moslashishi, umumbashariy bilimlarning fanlararo xususiyatlarini aks ettira olishi, uzluksiz pedagog ta’lim muhitida o‘z o‘rnini topa olishi lozim. Bu natijalarga fakultetning ilmiy tadqiqotlar olib boruvchi eng samarali ilmiy (ijodiy) jamoalarni jamlagan quyidagi “Ilg‘or tadqiqot markazlari (ITM)”da orqali erishiladi:

• Yuridik klinika - rahbar G.G.G‘afffarova
• Arxeologiya –ilmiy-tadqiqot markazi – rahbar t.f.f.d., dotsent O.M.Normatov
• Tarix ilmiy va o‘quv - laboratoriyasi – rahbar t.f.n., prof. Ya.X.G‘affarov
• Do‘stlik -ma’rifat markazi - rahbar f.f.f.d., O‘.R.Saidov 
• Qozoq do‘stlik markazi
• Tojik do‘stlik markazi
• Rus do‘stlik markazi
• Talabalar akademiyasi - rahbar R.K.Xaytmetov

KAFEDRANING TA’LIM SIFATI VA BAHOLASH TIZIMI

Gumanitar fanlar fakulteti ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Gumanitar fanlar fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Fakultetning ichki nazorati факультет сифат комиссияси, o‘quv ishlari bo‘yicha dekan muovini R.Xayitmetov va kafedra mudirlari tomonidan olib boriladi.

• Fakultet yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.
• Бундан ташқари педагогик-ходимлар, профессор-ўқитувчиларнинг йил давомида олиб борган ишлари ҳисобот шаклида алоҳида муҳокама қилиниб борилади.
• 
  
• Baholash tizimi

Talabalarni baholash tizimi fakultetning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: oraliq nazoratlar asosiy ko‘nikmalar (yozma ishlar, test, esse yaratish, insho yozish, referat tayyorlash, og‘zaki) bo‘yicha baholanadi.

Yakuniy baholash: yakuniy nazorat asosiy ko‘nikmalar (yozma ishlar, test, og‘zaki) bo‘yicha baholanadi. Факультетда Якуний назорат имтихонлари холисона оптималлаштирилшан ҳолда ташкил қилинади.

Mustaqil ishlarni baholash: Talabalarning Mustaqil ishlarini qabul qilish va xolisona baholash jarayonlari hamda individual ta’lim bo’yicha olib borilgan faoliyat “CLASSROOM” platformasida olib boriladi.

FAKULTETNING MILLIY REYTING INDIKATORLARI BO‘YICHA STATISTIKASI VA NATIJALARI

FAKULTET KAMPUS VA INFRATUZILMASI

FAKULTETDA OLIB BORILADIGAN MA’NAVIY-MA’RIFIY ISHLAR

Fakultetda talabalar o‘rtasida olib borilgan ma’naviy-ma’rifiy tadbirlarning samaradorligini oshirishga qaratilgan bir qator tadbirlar, tanlovlar, bellashuvlar, Xalqaro va respublika fan olimpiadalari, loyihalar, dasturlar, sport musobaqalar, ijodiy tanlovlar sovrindorlari, stipendiatlar, sport (jumladan, futbol, futzal va boshq.) turlari bilan muntazam ish olib boriladi.

Bunda albatta fakultet Yoshlar masalari va ma’naviy-ma’rifiy ishlar bo‘yicha dekan muovini L.G‘.Muxammadiev hamda guruh t’yutorlari bosh-qosh bo‘lib kelmoqdalar.

Gumanitar fanlar fakultetida tyutorlar talabalarning ma’naviy va ijtimoiy holatini doimiy ravishda tahlil qilib boradi va ularga mavjud muammolarni bartaraf etishda yaqindan yordam berib kelmoqdalar.

BIZ BILAN BOG‘LANISH!

E-mail: gumanitar_fanlar@cspi.uz Tel: +99871 501-02-14

Qo'shimcha

GUMANITAR FANLAR FAKULTETIga tegishli boshqa ma'lumotlar