Tashkil etilgan yili: 2024

 “Maktabgacha ta’lim pedagogikasi” kafedrasi Chirchiq davlat pedagogika universiteti Kengashining 2024 yil 29 avgustda 1 - sonli qaroriga muvofiq Maktabgacha ta’lim fakulteti “Maktabgacha ta’lim pedagogikasi” kafedrasi bo’lib faoliyat ko’rsata boshladi. Ilgari “Maktabgacha ta’lim metodikasi” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi. Bugungi kunda kafedra Maktabgacha ta’lim yo‘nalishlar uchun nazariy bilimlarni o‘qitish bilan shug‘ullanadi.

KAFEDRANING MAQSADI VA VAZIFALARI

Kafedraning missiyasi: Individual ta'lim muxitida talaba va tadqiqotchilarni ilmiy faoliyatga yo'naltirish va talabalarning ilg‘or nazariy va amaliy ko‘nikmalarini rivojlantirish hamda kasbiy kompetensiyasini shakllantirishdan iborat.

Maqsadlarimiz:

✔ Kasbiy sohalarga yo‘naltirilgan dasturlar va ilg‘or pedagogik usullar orqali kasbiy kompetensiyalar sifatini oshirish.

✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.

✔ Ilmiy-tadqiqot muhitini rivojlantirish –pedagogik tadqiqotlar bo‘yicha innovatsion markazga aylanish.

O‘QUV DASTURLARI

Kafedra bakalavriat bosqichi talabalariga Maktabgacha ta’lim mutaxasislik fanlari bo‘yicha darslar olib boradi.

1-kurs o‘quv dasturlari

60110200 – Maktabgacha ta’lim –Bolalar psixologiyasi va psixodiagnostikasi 

60110200 – Maktabgacha ta’lim- Bolalarning ijtimoiy moslashuvi 

60110200 – Maktabgacha ta’lim- Rivojlantiruvchi markazlarni tashkil etish

60110200 – Maktabgacha ta’lim- ilk va maktabgacha yoshdagi bolalar pedagogikasi 

 3-kurs o‘quv dasturlari

• Maktabgacha ta’lim yo‘nalishlari uchun: Artpedagogika asoslari , Ijtimoiy moslashuv 
• 
  
• 
  
• ILMIY-TADQIQOT YO‘NALISHLARI VA LOYIHALAR

Maktabgacha ta’lim pedagogikasi kafedrasi ilmiy-tadqiqot faoliyatida bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:

— 13.00.01 – Pedagogika nazariyasi. Pedagogik ta’limotlar tarixi
Dissertatsiya mavzusi “Talabalarda kasbiy-kreativlik ko’nikmalarini shakllantirish mexanizmlarini takomillashtirish” Ismanova Ma'mura Abdumoʻminovna.

13.00.08 – Maktabgacha ta'lim va tarbiya nazariyasi va metodikasi
Dissertatsiya mavzusi “Maktabgacha katta yoshdagi bolalarda ijodiy qobilyatlarni rivojlantirish texnologiyalari” Urmonova Toshxon Ibragimovna.

— 13.00.01 – Pedagogika nazariyasi. Pedagogik ta’limotlar tarixi
Dissertatsiya mavzusi “Bo'lajak Maktabgacha ta'lim tashkilotlari tarbiyachilarida kasbiy pedagogik mahoratini takomillashtirish mexanizmlari” O‘razaliyeva Sojida Tojiboy qizi

— 13.00.01 – Pedagogika nazariyasi. Pedagogik ta’limotlar tarixi
Maktabgacha taʼlim tashkilotlarida harakatli óyinlarni tashkillashtirish,tarbiyalanuvchilarda axloqiy va irodaviy sifatlarni shakllantirish.(Tayyorlov guruhi misolida) Kodirova Muyassar eshmamat qizi

— 13.00.01 – Pedagogika nazariyasi. Pedagogik ta’limotlar tarixi
“Talabalarni Indivudual ta'lim sharoitida milliy tarbiya vositasida ijtimoiy pedagogik faoliyatga tayyorlash” Azamatova Dildora Shuxrat qizi.

Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.

Kafedra ilmiy tadqiqot faoliyatining 2024-yil bo’yicha natijalari hisoboti

Maktabgacha ta’lim pedagogikasi kafedrasi tarkibi

KAFEDRANING TA’LIM SIFATI VA BAHOLASH TIZIMI

Ta’lim sifati nazorati

Maktabgacha ta’lim pedagogikasi kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:

• Tashqi monitoring

Universitetning Ta’lim sifatini nazorat qilish bo‘yicha ishchi guruhi platformasi  orqali ta’lim sifati muntazam tahlil qilinadi.

Maktabgacha ta’lim fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.

• Ichki monitoring

Kafedraning ichki nazorati o‘qituvchi T.I.Urmonova tomonidan olib boriladi.

Kafedra yig‘ilishlarida doimiy hisobotlar  taqdim etilib, ta’lim jarayonidagi kamchiliklar va takomillashtirish choralari muhokama qilinadi.

Baholash tizimi

Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.

Oraliq baholash: talabalar oraliq nazorat uchun “test yoki yozma”dan imtihon topshiradilar, bu esa ularning nazariy bilim va ko‘nikmalarini tekshirish imkonini beradi.

Yakuniy baholash: yakuniy nazorat o‘g‘zaki, test va yozma shakli bo‘yicha baholanadi.

• Talabalar fikr-mulohazalari va qayta aloqa tizimi

Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.

Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning appelyatsiya komissiyasiga ga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.

Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.

HAMKORLIK ALOQALARI

Maktabgacha ta’lim pedagogikasi kafedrasi tarbiyachi pedagoglar kasbiy sifatini oshirish, zamonaviy pedagogik metodlarni rivojlantirish hamda MTT tarbiyalanuvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda.

• Oflayn va onlayn seminarlar: Kafedra professor o‘qituvchilari tomonidan tarbiyachi pedagoglar va tarbiyalanuvchilar uchun doimiy ravishda faoliyatlar jarayoni, seminarlar va mahorat darslari tashkil etilmoqda. Bu tadbirlar zamonaviy yondashuvlarni targ‘ib qilish, ta’lim jayaryonini innovatsion metodlarini amaliyotga tatbiq etish hamda ta’lim sifatini oshirishga qaratilgan.
• Metodik ko‘mak va tajriba almashish: Hamkor MTT va kasb-hunar maktablari, professional ta’lim kollejlarida tarbiyachi pedagogning faoliyatlar metodikasi bo‘yicha maslahat va treninglar muntazam tashkil etilib, mahalliy tarbiyachi pedagoglarning malakasini oshirish hamda ularni bilimlarini rivojlantirishga hissa qo‘shilmoqda.

Kafedra hamkorlikni yanada kengaytirish hamda tarbiyachi pedagogning kasbiy kompetensiyalarini ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.

Turkiya «Yuldiz» texnika universiteti 

Kafedra Turkiya «Yuldiz» texnika universiteti  bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.

Hamkorlik doirasida xorijiy professorlarning ishtirokida Turkiya Yuldiz texnika universiteti da seminar treninglar tashkil etildi.

Kafedra Professori Abay nomidagi Qozog'iston milliy pedagogika universitet Mahorat darsi tashkil etildi. 

 Muxtor Avezov nomidagi Janubiy Qozogʻiston davlat universiteti 

Muxtor Avezov nomidagi Janubiy Qozogʻiston davlat universiteti bilan hamkorlik aloqalari doirasida  mahorat darslari tashkil etildi.

M.Avezov nomidagi Janubiy Qozog‘iston delegatsiyasi universitetimizga tashrif buyurdi, hamkorlikni rivojlantirish bo‘yicha uchrashuvlar o‘tkazildi.

TALABALAR HAYOTI

Kafedra qoshida talabalarning bo‘sh vaqtlarini mazmunli tashkil etish uchun to‘garaklar tashkil etilgan. Ushbu to‘garaklar orqali talabalar:

✔Resin-art bo‘yicha mashg‘ulotlarda ishtirok etishlari mumkin;
✔Maktabgacha ta’lim yo‘nalishlari uchun ingliz tili ko‘nikmalarini rivojlantirish va til bilish darajalarini oshirish imkoniyatiga ega bo‘ladilar;

✔“Yosh olima qizlar” to‘garagi orqali ilmiy ishlar va ular haqida tanishish, o‘z ilmiy ishlarini nashr etish imkoniyatlariga ega bo ‘ladilar.

Bu klublar doirasida talabalar ishtirokida turli qo‘l ishlari, tanlovlar va seminarlar o‘tkazilib, ularning kasb bilan birgalikda hunar o‘rganishlari, real muhitda rivojlantirish imkoniyati yaratilmoqda.

Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:

Ilmiy faoliyatga yo‘naltirish

Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.

Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.

Ma’naviy-ma’rifiy tadbirlar

Kafedra qoshida talabalar uchun ijtimoiy faollik va ijodiy rivojlanishni qo‘llab-quvvatlash maqsadida turli tanlov va loyihalar yo‘lga qo‘yilgan.

Ushbu tadbirlar orqali talabalar ijtimoiy va madaniy faolligini oshirish, til ko‘nikmalarini mustahkamlash va ijodiy qobiliyatlarini rivojlantirish imkoniga ega bo‘ladilar.

KAFEDRA STATISTIKASI VA NATIJALARI

Maktabgacha ta’lim pedagogikasi kafedrasining 2024-o’quv yili bo’yicha

HISOBOTI

• BIZ BILAN BOG‘LANISH

• Telegram

  Instagram

  Facebook