Tashkil etilgan yili: 2024
Sport o‘yinlari va uni o‘qitish metodikasi kafedrasi 2024-yil 29-avgustda Chirchiq davlat pedagogika universiteti Kengashining 1-sonli qarori bilan tashkil etilgan. Ilgari “Jismoniy madaniyat nazariyasi” kafedrasi tarkibida faoliyat olib borgan bo‘lsa, keyinchalik mustaqil kafedra sifatida ajralib chiqdi.
Bugungi kunda kafedra jismoniy madaniyat ta`lim yo‘nalishi talabalariga sport o‘yinlari va uni o‘qitish metodikasini o`rgatib kelmoqda.
KAFEDRANING MAQSADI VA VAZIFALARI
Kafedraning missiyasi: Sport o‘yinlari va uni o‘qitish metodikasi kafedrasining asosiy missiyasi – jismoniy tarbiya va sport sohasida yuqori malakali mutaxassislarni tayyorlash.
Maqsadlarimiz:
✔Kafedra sport o‘yinlari bo‘yicha nazariy va amaliy bilimlarni chuqur o‘rgatish orqali talabalarni zamonaviy pedagogik texnologiyalar, ilg‘or trenerlik usullari va sport menejmenti tamoyillariga asoslangan holda tayyorlashga qaratilgan..
✔ Xalqaro hamkorlikni kengaytirish – universitetlar, ilmiy jamoatchilik va ta’lim loyihalari bilan hamkorlikni yo‘lga qo‘yish.
✔ Ilmiy-tadqiqot muhitini rivojlantirish – sport o‘yinlari bo‘yicha ilmiy-tadqiqot ishlarini rivojlantirish va innovatsion o‘qitish metodikalarini ishlab chiqishdan iborat.
|
Sport o‘yinlari va uni o‘qitish metodikasi kafedrasining o‘rta muddatli strategik rivojlantirish dasturi (2024-2025 yillar uchun) |
O‘QUV DASTURLARI
Kafedra bakalavriat bosqichi jismoniy madaniyat ta`lim yo‘nalishi talabalariga sport o‘yinlari va uni o‘qitish metodikasini o‘qitish bo‘yicha darslar olib boradi.
1-kurs o‘quv dasturlari
60111200 – jismoniy madaniyat – Jismoniy madaniyat nazariyasi va metodikasi (rus)
60111200 – jismoniy madaniyat – Gimnastika va uni o'qitish metodikasi (rus)
60111200 – jismoniy madaniyat – Milliy va harakatli o'yinlarni o'qitish metodikasi (rus)
60111200 – jismoniy madaniyat – Milliy va harakatli o'yinlarni o'qitish metodikasi (o‘zb)
2-kurs o‘quv dasturlari
60112200 - jismoniy madaniyat – Jismoniy madaniyat nazariyasi va metodikasi (o‘zb)
60112200 - jismoniy madaniyat – Sport o`yinlari va uni o`qitish metodikasi (o‘zb)
60112200 - jismoniy madaniyat – Sport to`garaklarini tashkil qilish va o`tkazish (o‘zb)
3-kurs o‘quv dasturlari
60112200 - jismoniy madaniyat – Kurash turlari va uni o‘qitish metodikasi (o‘zb)
60112200 - jismoniy madaniyat – Sinfdan tashqari sport tadbirlarini tashkil qilish metodikasi (o‘zb)
ILMIY-TADQIQOT YO‘NALISHLARI VA LOYIHALAR
Sport o`yinlari va uni o`qitish metodikasi kafedrasi ilmiy-tadqiqot faoliyatini bir qator strategik yo‘nalishlarda ish olib bormoqda. Quyidagi yo‘nalishlar zamonaviy ta’lim talablariga javob beruvchi ilmiy tadqiqotlar olib borish, milliy va xalqaro ilmiy hamjamiyat bilan hamkorlikni kengaytirish hamda amaliy natijalarga erishishni maqsad qilgan:
— Sport o`yinlarini o`qitish metodikasi: Sport o`yinlari va uni o`qitish metodikasini fan sifatida o‘qitish metodologiyasini rivojlantirish kafedraning ustuvor yo‘nalishlaridan biri hisoblanadi. O'yinlarning psixologik va fiziologik jihatlarini rivojlantshirish (S.X.Xabibullayev), taktik va strategik yondashuvlarni rivojlantirish (S.K.Toshpo‘latov) va mustaqil ta’limga yo‘naltirilgan yondashuvlarni (B.I.Xo‘janiyozov) takomillashtirishga alohida e’tibor qaratilmoqda.
— Yosh sportchilarni tarbiyalash va rivojlantirish bo‘yicha tadqiqotlar: Kafedraning mazkur yo‘nalishdagi ilmiy izlanishlari jismoniy tayyorgarlik, yosh sportchilar uchun mos jismoniy tayyorgarlik dasturlarini ishlab chiqish, ularning o'sishi va rivojlanishi uchun zarur bo'lgan jismoniy yuklamalarni aniqlashga qaratilgan. (T.U.Zufarov). Shuningdek sportchilarning psixologik jihatdan tayyorligini oshirish, stressni boshqarish, maqsad qo'yish va motivatsiyani oshirish bo'yicha metodlarni o'rganish bo‘yicha ilmiy tadqiqot ham boshlab yuborilgan (M.N.Shermatov).
— Sportda raqamli texnologiyalar bo‘yicha tadqiqotlar (masalan, video tahlil, virtual realiti): Sportda raqamli texnologiyalar yo‘nalishi doirasida bir qator ilmiy ishlar olib borilmoqda. Jumladan, Sportchilarni tahlil qilish: Video tahlil orqali sportchilarning harakatlarini o'rganish, taktika va strategiyalarni baholash, trenerlarga o'z sportchilarining harakatlarini yaxshiroq tushunishga yordam beruvchi video materiallarni tayyorlash (A.I.Nazarov, A.I.Sultanov).
— Trenerlarning kasbiy kompetentligini takomillashtirish bo‘yicha: Trenerlar uchun samarali oʻqitish usullari, pedagogik texnologiyalar va innovatsion metodlarni tadqiq qilish muhim. Ular orasida interaktiv oʻqitish, muammolarni hal qilish usullari va shunga oʻxshash metodikalar joriy etish yuzasidan ishlar amalga oshirilmoqda (V.Sh.Karayev).
Mazkur yo‘nalishlar kafedraning ilmiy-tadqiqot salohiyatini yuksaltirishga va yangi zamonaviy metodologiyalarni rivojlantirishga xizmat qilmoqda.
Kafedra ilmiy tadqiqot faoliyatining 2024-yil bo‘yicha natijalari hisoboti
Sport o`yinlari va uni o`qitish metodikasi kafedrasi tarkibi
|
|
Karayev Voxid Shirinbekovich p.f.f.d. (PhD) Kafedra mudiri |
|
|
|
|
Sultonov Alisher Islomboyevich Dotsent |
||
 |
Xo’janiyozov Boboxon Ixtiyorovich O‘qituvchi |
|
|
|
|
Xabibullayev Samandar Xabibullayevich dotsent v.b. |
||
|
|
Ataxanov Xamidullo Kozimjonovich O‘qituvchi |
|
|
|
|
Shermatov Maxsud Najimovich p.f.f.d. (PhD) dotsent v/b |
|
|
|
|
Zufarov Timur Umarovich Katta o‘qituvchi |
|
|
|
|
Nazarov Abdulla Isaq o‘g‘li O‘qituvchi |
|
|
|
|
Toshpulatov Sirojjon Komiljon o‘g‘li O‘qituvchi |
||
|
|
Shadiyev Aziz Yakubjonovich Dotsent |
|
KAFEDRANING TA’LIM SIFATI VA BAHOLASH TIZIMI
Ta’lim sifati nazorati
Sport o`yinlari va uni o`qitish metodikasi kafedrasi ta’lim sifati nazoratini oshirish bo‘yicha ichki va tashqi monitoring tizimlariga tayanadi:
- Tashqi monitoring
Universitetning Ta’lim sifatini nazorat qilish bo‘yicha ishchi guruhi platformasi orqali ta’lim sifati muntazam tahlil qilinadi.
Jismoniy madaniyat fakulteti tarkibidagi Ta’lim sifatini nazorat qilish komissiyasi doimiy ravishda baholash tizimi va ta’lim jarayonini kuzatib boradi.
- Ichki monitoring
Kafedra yig‘ilishlarida doimiy hisobotlar taqdim etilib, ta’lim jarayonidagi kamchiliklar va takomillashtirish choralari muhokama qilinadi.
Baholash tizimi
Talabalarni baholash tizimi kafedraning o‘quv dasturlarida batafsil yoritilgan bo‘lib, baholash jarayoni kredit-modul tizimi asosida amalga oshiriladi.
Yakuniy baholash: yakuniy nazorat asosiy ko‘nikmalar (nazariy bilimlar, amaliy harakat ko‘nikmalari) bo‘yicha baholanadi.
Talabalar fikr-mulohazalari va qayta aloqa tizimi
Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Apellyatsiya jarayoni: yakuniy nazorat natijalari e’lon qilingandan so‘ng 24 soat ichida, talabalar kafedraning apellyatsiya komissiyasiga murojaat qilish imkoniyatiga ega. Bu jarayon baholash jarayonida yuzaga kelishi mumkin bo‘lgan noaniqliklarni bartaraf etish va talabalar fikrini inobatga olishga xizmat qiladi.
Doimiy fikr-mulohazalar: talabalarning ta’lim sifati bo‘yicha fikrlarini to‘plash uchun so‘rovnomalar va tahliliy hisobotlar muntazam o‘tkaziladi hamda murojaatlar o‘rganiladi. Bunday natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.
HAMKORLIK ALOQALARI
Sport o‘yinlari va uni o‘qitish metodikasi kafedrasi jismoniy madaniyat ta’limi sifatini oshirish, zamonaviy pedagogik metodlarni rivojlantirish hamda maktab o‘quvchilariga qo‘shimcha bilim berish maqsadida mahalliy hamkorlik aloqalarini rivojlantirib kelmoqda. Ushbu yo‘nalishda Toshkent viloyati umumiy o‘rta ta’lim maktablari bilan hamkorlik yo‘lga qo‘yilgan.
- Oflayn va onlayn seminarlar: Kafedra o‘qituvchilari tomonidan umumta`lim maktabi o‘qituvchilari va o‘quvchilar uchun doimiy ravishda seminarlar va mahorat darslari tashkil etilmoqda. Bu tadbirlar ommaviy sportni targ‘ib qilish, jismoniy tarbiya va sport o‘yinlarini amaliyotga tatbiq etish hamda aholini soglomlashtirishga qaratilgan sport tadbirlarini mazmunli tashkil etishga qaratilgan.
- Metodik ko‘mak va tajriba almashish: Hamkor maktablarida jismoniy tarbiyani o‘qitish metodikasi bo‘yicha maslahat va treninglar muntazam tashkil etilib, mahalliy o‘qituvchilarning malakasini oshirish hamda o‘quvchilarning jismoniy tarbiya bilimlarini rivojlantirishga hissa qo‘shilmoqda.
- O‘quvchilarni jismoniy rivojlantirish: Hamkorlik doirasida sport o‘yinlarini o‘rganish bo‘yicha mahorat darslari va amaliy mashg‘ulotlar olib borilib, o‘quvchilarning sport o‘yinlarini bilish darajasini oshirish bo‘yicha tavsiyalar berilmoqda.
Kafedra mahalliy hamkorlikni yanada kengaytirish hamda sport o‘yinlarini o‘qitishning ilg‘or usullarini ta’lim jarayoniga integratsiya qilish maqsadida yangi loyihalar va tadbirlarni amalga oshirishni rejalashtirmoqda.
Muxtor Auyezov nomidagi Janubiy Qozog’iston universiteti
JQU bilan hamkorlik aloqalari doirasida ikki tomonlama shartnoma imzolangan
Kafedra JQU bilan hamkorlik aloqalarini yo‘lga qo‘ygan bo‘lib, professor-o‘qituvchilar muntazam ravishda ilmiy va akademik tajriba almashish dasturlarida ishtirok etib kelmoqda.
Hamkorlik doirasida xorijiy professorlarning ishtirokida mahorat darslari va seminarlar tashkil etilmoqda.
K Chubanovov nomidagi Qozog’iston Respublikasi Aqtube universiteti
QAU bilan hamkorlik aloqalari doirasida ikki tomonlama memorandum imzolangan.
QAU delegatsiyasi universitetimizga tashrif buyurgan, hamkorlikni rivojlantirish bo‘yicha uchrashuvlar o‘tkazilgan.
TALABALAR HAYOTI
Kafedra qoshida talabalarning jismoniy tarbiya va sport bilan chuqurroq shugullanishi uchun to‘garaklar tashkil etilgan. Bular:
✔Futbol mashg‘ulotlarda;
✔Voleybol mashg‘ulotlarda ishtirok etishlari mumkin;
✔Kurash bo‘yicha texnik-taktik tayyorgarliklarini oshirishlari mumkin.
Kafedraning futbol komandasi Toshkent ligasida munosib ishtirok etib yuqori o‘rinlarda bormoqda.
Kafedrada individual ta’lim faoliyati yuqori saviyada tashkil etilgan. Talabalar o‘zlarining ilmiy izlanishlarini boshlash va kafedra professor-o‘qituvchilari bilan ilmiy ishlarda hamkorlik qilish uchun mazkur havola orqali ariza topshirishlari mumkin:
INDIVIDUAL TA’LIM UCHUN ARIZA TOPSHIRISH
Ilmiy faoliyatga yo‘naltirish
Kafedra professor-o‘qituvchilari talabalar va tadqiqotchilarni ilmiy faoliyatga yo‘naltirish bo‘yicha individual ta’lim muhitida ishlash uchun maxsus ilmiy planshetlar ishlab chiqqan.
Talabalar o‘z ilmiy maqolalari, tadqiqot ishlari va innovatsion g‘oyalari bilan ilmiy konferensiyalar va loyihalarda ishtirok etishlari mumkin.
- TALABALAR VA TADQIQOTCHILARNI ILMIY FAOLIYATGA YO‘NALTIRISH
- Ma’naviy-ma’rifiy tadbirlar
- Kafedra tomonida tashkil etilgan to‘garaklarda faoliyat yuritayotgan talabalar turli ligalarda va musobaqalarda ishtiroki qo‘yilgan.
“Toshkent-Xavas Pro Ligasi” – Futbo bo‘yicha Toshkent ochiq chempionati;
“Chempionlikka chempionlar bilan” – taniqli sportchilar bilan uchrashuv.
- “Futbol komandasining mashgulotlari” – oliy liga jamoasi futbolchilari bilan master klass.
- “Paxlavonlar baxsi” – talabalarning jismoniy va harbiy ko‘nikmalarini o‘ssirishga qaratilgan.
- Sport o‘yinlari va uni o‘qitish kafedrasining o‘rta muddatli strategik rivojlantirish dasturi bo‘yicha 2024-yilda amalga oshirilgan ishlar yuzasidan HISOBOT
Sport o‘yinlari va uni o‘qitish kafedrasi strategik rivojlantirish bo‘yicha 2025-yil uchun
KAFEDRA STATISTIKASI VA NATIJALARI
