Chirchiq davlat pedagogika universitetida 2025/2026-o‘quv yili uchun chet el fuqarolarini bakalavriat hamda magistraturasida o‘qish uchun 15-iyun kunidan qabul ochilganini e’lon qiladi. 

Xorijlik abituriyentlar universitetga kirish imtihonlaridan ozod etiladi va suhbat asosida qabul qilinadi. Talabalar istaklariga ko‘ra, o‘zbek va rus tilida o‘qishlari mumkin. Ularga ta’lim jarayonida o‘z sohasining yetuk professor-o‘qituvchilari dars beradi.  

Ayni paytda Chirchiq davlat pedagogika universitetida MDH fuqarolari tahsil olmoqda. 

Bu yilgi qabul jarayonida chet el fuqarolariga qulaylik yaratish maqsadida hujjatlarni elektron tarzda https://qabul.cspu.uz  orqali qabul qilish yo‘lga qo‘yildi. Hujjatlar 1-avgustga qadar qabul qilinadi.

Arizaga quyidagi hujjatlar ilova qilinadi:

– xorijiy fuqaroning pasporti yoki uning о‘rnini bosuvchi hujjat;

– umumiy o‘rta ta’lim haqidagi (diplom, shahodatnoma) hujjat.

Hujjatlar “PDF” formatida skaner qilingan nusxalari kо‘rinishida ilova qilingan holda jо‘natilishi lozim.

Qo‘shimcha ma’lumot olish uchun intercoop@cspu.uz  pochta manziliga murojaat qilishingiz mumkin.