Chirchiq davlat pedagogika universiteti Universitetni xalqaro reytinglarda ishtirok etishga tayyorlash  bo‘yicha ekspert mutaxassislarni xo‘jalik shartnomasi asosida vaqtinchalik ishga tanlov asosida taklif etadi.

 (xo‘jalik shartnomasi asosida vaqtinchalik ish)

Universitet haqida: O‘zbekiston Respublikasi Prezidentining
2017-yil 27-iyuldagi PQ-3152 sonli "Toshkent viloyati Chirchiq davlat pedagogika institutini tashkil etish to‘g‘risida"gi Qaroriga asosan tashkil etilgan.

Maktabgacha, maktab va maktabdan tashqari ta’lim muassasalarining tarbiyachilar, boshlang‘ich sinf ayniqsa aniq fanlar va chet tillari bo‘yicha o‘qituvchilarga bo‘lgan ehtiyojlarini qondirish, tumanlar va qishloq joylaridagi ta’lim muassasalarini yuqori malakali pedagog kadrlar bilan ta’minlash hamda xalqaro standartlar darajasiga mos oliy ma’lumotli pedagogik kadrlar tayyorlash tizimini joylarda tashkil etishni yanada takomillashtirish va ta’lim sifatini yaxshilash universitet faoliyatining asosiy yo‘nalishlari etib belgilangan.

Hozirgi vaqtda universitetda xalqaro standartlar darajasiga mos oliy ma’lumotli pedagogik kadrlar tayyorlash tizimini yanada takomillashtirish va universitet nufuzini xalqaro miqiyosda yanada oshirish maqsadida vaqtinchalik ekspert mutaxassisi jalb qilish zarurati mavjud.

Mutaxassis tomonidan taqdim etilgan hujjatlar maxsus komissiya tomonidan ma’qullangan taqdirda, u bilan Universitet o‘rtasida ikki tomonlama fuqarolik huquqiy shartnoma imzolanadi.

Ekspert mutaxassis quyidagi majburiyatlarni bajaradi:

• Xalqaro reytinglar (QS, THE, Greenmetric) uchun universitet strategiyasini tahlil qilish va optimizatsiya takliflarini ishlab chiqish;
• Scopus/Web of Science dagi professor-o‘qituvchilarning ilmiy faolligini monitoring qilish va sitatsiyalarni oshirish bo‘yicha amaliy choralar ishlab chiqish;
• Reyting tashkilotlariga topshiriladigan ma’lumotlarni to‘g‘ri to‘plash, hujjatlashtirish va taqdim etish;
• Universitet xodimlariga reyting metodologiyasi, ilmiy bazalar bilan ishlash va ekologik hisobotlar tayyorlash bo‘yicha amaliy treninglar o‘tkazish;
• Scopus/Web of Science dagi universitet profilini tekshirish, xatolarni tahlil qilish va ularni tuzatish bo‘yicha ko‘mak ko‘rsatish;
• Reyting natijalarini belgilangan muddatda tahlil qilish va takomillashtirish rejalarini taqdim etish;
• Ishlarni "Kalendar-reja"da belgilangan muddatlarda bajarish;
• Universitetning ma’lumotlari va hujjatlari bilan ishlashda maxfiylikni ta’minlash;
• Universitet bo‘limlari bilan doimiy aloqada bo‘lib, strategiyalarni amalga oshirishda ko‘mak ko‘rsatish;
• Greenmetric reytingi uchun ekologik barqarorlik dasturlarini ishlab chiqishda ekspertlik ko‘rsatish;
• Xalqaro standartlar (WoS, Scopus talablari) asosida ishlarni olib borish.

Nomzodga qo‘yilgan talablar:

• Falsafa doktori (PhD) yoki unga tenglashtirilgan ilmiy darajaga ega bo‘lishi;
• Xalqaro reyting tizimlari (QS, THE, Greenmetric) yoki ilmiy ma’lumotlar bazalari (Scopus, Web of Scciences) bilan ishlash sohasida qo‘shimcha sertifikatlarga ega bo‘lishi;
• Xalqaro universitet reytinglari, akademik profilni optimallashtirish yoki ilmiy ma’lumotlar bazalari bilan ishlash sohasida kamida 5 yillik amaliy tajriba;
• Ish tajribasi davomida universitetlarning reytingdagi o‘rnini oshirishga qaratilgan loyihalarda (masalan, QS/THE/Greenmetric hisobotlarini tayyorlash, Scopus profilini audit qilish) faol ishtirok etganligi;
• Akademik treninglar o‘tkazish, strategik tavsiyalar ishlab chiqish va monitoring tizimlarini joriy etish bo‘yicha tajribaga ega ekanligi;
• QS, THE, Greenmetric reyting metodologiyasi va ularning baholash mezonlarini chuqur egallaganligi;
• Scopus va Web of Scciences platformalarida universitet profilini boshqarish, maqola va iqtiboslarni tahlil qilish tajribasiga ega ekanligi;
• Ma’lumotlar tahlili (data analysis) va vizualizatsiya vositalaridan foydalanish qobiliyati ega ekanligi;
• Greenmetric reytingi uchun ekologik barqarorlik dasturlarini ishlab chiqish bo‘yicha tajribaga ega ekanligi;
• Ingliz tilida erkin so‘zlashish va ilmiy hisobotlar yozish, shuningdek, rus tilida ham samarali muloqot qila olishi;
• Analitik fikrlash, strategik rejalashtirish va muammolarni hal qilish qobiliyati;
• Universitetning turli bo‘limlari (ilmiy qism, xalqaro aloqalar, axborot xizmatlari) bilan hamkorlikda ishlash tajribasi;
• Vaqt va resurslarni samarali boshqarish, qat’iy muddatlarni bajara olish.
  Ochiqlik, mas’uliyat va xalqaro me’yorlarga mos ishlash intizomi;
• Universitetning ma’lumotlar bazasiga kirish va maxsus hujjatlarni qayta ishlashda maxfiylik prinsiplariga rioya qilish;
• Bajarilgan ishlar samaradorligi (reyting natijalari, profil optimallashtirish) bo‘yicha belgilangan muddatlarda hisobot taqdim etishi.
• 
  
• Ekspert mutaxasisni ishga qabul qilish belgilangan tartibda rasmiylashtirilib va rektor buyrug‘i bilan amalga oshiriladi.
• 
  
• Bajariladigan ish muddati 6 (olti) oyga belgilanadi va kelgusida zaruratga ko‘ra shartnoma muddati uzaytirilishi mumkin.
• 
  
• Bajarilgan ish, xizmat uchun to‘lov miqdori taraflar kelishuvi bilan tuzilgan shartnomaga asosan belgilanadi va har oy bajarilgan ish natijasiga ko‘ra to‘lanadi.
• 
  
• Talabgorlar universitet Kadrlar bo‘limiga fuqarolik pasporti yoki ID kartasi bilan shaxsan murojaat qilib, tegishli hujjatlar (shaxsni tasdiqlovchi hujjat, ob’ektivka, oliy ta’lim olganligi to‘g‘risidagi diplom va uning ilovasi, mehnat daftarchasidan nusxa, STIR ma’lumotnomasi) taqdim etishi lozim. Taqdim etilgan hujjatlar o‘rganib chiqilgandan so‘ng talabgor bilan komissiya tarkibida suhbat o‘tkaziladi.
• 
  
• Hujjat topshirish muddati: 3 (uch ish kuni )
• 
  
• Manzil: Toshkent viloyati Chirchiq shahri A.Temur ko‘chasi 104 uy
  Chirchiq davlat pedagogika universiteti.
• 
  

Tel: 70 716 68 59, 70 201 02 14