Chirchiq davlat pedagogika universitetining rasmiy veb saytini tahlil qilish va takomillashtirish bo‘yicha ekspert-dasturchi mutaxassislarni xo‘jalik shartnomasi asosida vaqtinchalik ishga tanlov asosida taklif etadi.

(xo‘jalik shartnomasi asosida vaqtinchalik ish)

O‘zbekiston Respublikasi Prezidentining 2017-yil 27-iyuldagi PQ-3152-sonli "Toshkent viloyati Chirchiq davlat pedagogika institutini tashkil etish to‘g‘risida"gi Qaroriga asosan tashkil etilgan Chirchiq davlat pedagogika universiteti (keyingi o‘rinlarda – Universitet) maktabgacha, maktab va maktabdan tashqari ta’lim muassasalarining tarbiyachilar, boshlang‘ich sinf o‘qituvchilari, aniq fanlar va chet tillari bo‘yicha yuqori malakali pedagog kadrlarni tayyorlash, shuningdek, chekka hududlardagi ta’lim muassasalarini xalqaro standartlar darajasidagi kadrlar bilan ta’minlashni nazarda tutadi.

Hozirgi vaqtda Universitetning rasmiy veb saytini zamonaviy talablarga moslashtirish, uning funksionalligi va foydalanuvchi tajribasini yaxshilash, shuningdek, xalqaro miqyosda Universitetning nufuzini oshirish maqsadida ekspert-dasturchi mutaxassisni jalb qilish zarurati mavjud.

Mutaxassis tomonidan taqdim etilgan hujjatlar maxsus komissiya tomonidan ma’qullangan taqdirda, u bilan Universitet o‘rtasida ikki tomonlama fuqarolik-huquqiy shartnoma imzolanadi.

• Ekspert-dasturchi mutaxassis quyidagi majburiyatlarni bajaradi:
• 
  
• 1. Chirchiq davlat pedagogika universitetining mavjud rasmiy veb saytini tahlil qilish: mavjud rasmiy veb saytini respublikadagi mavjud qonunchilik talablariga mos kelishi, vebometriks kriteriylariga to‘g‘ri kelishi va vebsaytlarga qo‘yilgan xalqaro normalarga javob berishini tahlil qilish.
• 2. Universitet faoliyati va maqsadlarini veb saytda aks ettirishning kompleks rejalarini ishlab chiqish: Universitetning ta’lim, ilmiy tadqiqot va xalqaro hamkorlik bo‘yicha missiya va vazifalarini veb-saytda jozibali va tushunarli shaklda aks ettirish.
• 3. Interaktiv veb-sahifalar yaratish: Universitet yangiliklari, tadbirlari va ilmiy loyihalarini aks ettirish uchun dinamik va interaktiv sahifalar ishlab chiqish.
• 4. O‘quv va ilmiy resurslarni integratsiya qilish: Elektron kutubxona, o‘quv materiallari va ilmiy tadqiqotlar uchun maxsus sahifalar yaratib, ular orqali o‘qituvchi va talabalarni qo‘llab-quvvatlash.
• 5. Moslashuvchanlikni ta’minlash: Veb-saytning barcha qurilmalarda (kompyuter, planshet, telefon) mukammal ishlashini ta’minlash va SEO strategiyasi orqali sayt ko‘rinuvchanligini oshirish.
• 6. Xavfsizlik va maxfiylikni ta’minlash: Universitet ma’lumotlarining xavfsizligini ta’minlash, maxfiylik talablariga rioya qilish va barcha axborotlarni himoya qilish uchun zarur xavfsizlik choralarini ko‘rish.
• 7. Foydalanuvchi tajribasini yaxshilash: Foydalanuvchilarga qulay navigatsiya va foydalanish imkoniyatlarini taqdim etish orqali, barcha bo‘limlarning oson kirish imkoniyatlarini yaratish.
• 8. Universitet bo‘limlari bilan hamkorlik: Universitetning axborot xizmatlari, xalqaro aloqalar va ilmiy bo‘limlari bilan yaqin hamkorlik qilib, kontent strategiyasini ishlab chiqish va muntazam yangilab borish.
• 9. Kalendar rejaga rioya qilish: Veb-saytning ishlab chiqish bosqichlarini belgilangan muddatlarda amalga oshirish va yakunlangan ishlar bo‘yicha muntazam ravishda hisobot taqdim etish.
• 10. Texnik qo‘llab-quvvatlash: Veb-saytni muntazam ravishda texnik xizmat ko‘rsatish, yangilash va yuzaga kelishi mumkin bo‘lgan nosozliklarni tezda bartaraf etish.
• 11. Yangi texnologiyalarni joriy qilish: Universitet veb-saytini zamonaviy texnologiyalar asosida rivojlantirish va foydalanuvchi tajribasini yaxshilash uchun yangi yechimlarni joriy etish.
• 
  
• Nomzodga qo‘yilgan talablar:
• 
  
• — Axborot texnologiyalari, Amaliy matematika yoki Fizika yo‘nalishlarida Magistr yoki tenglashtirilgan Oliy ma’lumotga ega bo‘lishi va ushbu sohalardagi bilimlarini saytning funksional imkoniyatlarini oshirishda qo‘llay olishi;
• — Oliy ta’lim va ilmiy faoliyat jarayonlarini yaxshi tushunishi va ushbu tajribasini universitetning veb sahifasida samarali aks ettira olishi;
• — Ta’lim sohasi uchun AT mahsulotlarini yaratish bo‘yicha tajribaga ega bo‘lishi va kamida o‘zining 3 ta faoliyatda bo‘lgan muvaffaqiyatli veb va mobil platformalarni namoyish qila olishi;
• — Sayt arxitekturasini samarali rejalashtira olishi, kodlash jarayonlarini puxta boshqara olishi va xavfsizlikni ta’minlay olishi;
• — Zamonaviy dasturlash tillari va texnologiyalari bilan ishlashni bilishi hamda ularni universitet veb-saytida innovatsion echimlar yaratishda qo‘llay olishi;
• — Keng ko‘lamdagi dasturlash tillari (masalan, JavaScript, Python, PHP yoki Java) va zamonaviy veb-texnologiyalar (HTML, CSS, React, Angular yoki Vue) bo‘yicha tajribaga ega bo‘lishi;
• — MySQL, PostgreSQL, yoki MongoDB kabi ma’lumotlar bazalari bilan ishlash bo‘yicha yetarli bilim va amaliy tajribaga ega bo‘lishi;
• Ma’lumotlar bazalari bilan ishlash tajribasiga ega bo‘lib, ulardan saytning tezkorligi va barqarorligini ta’minlashda foydalanishi;
• — Foydalanuvchi interfeysi va dizaynlar bilan ishlashda tajribaga ega bo‘lib, saytni qulay va intuitiv shaklda taqdim eta olishi;
• — SEO tamoyillaridan xabardor bo‘lishi va saytni qidiruv tizimlarida yuqori o‘rinlarda chiqishi uchun optimallashtira olishi;
• — Bulutli infratuzilmalar bilan ishlash bo‘yicha tajribaga ega bo‘lib, saytning barqaror ishlashini ta’minlay olishi;
• Universitet ma’muriyati va o‘qituvchilari bilan yaqindan hamkorlikda loyiha talablarini aniqlay olishi va ularni muvaffaqiyatli amalga oshira olishi.
• 
  
• Ekspert mutaxasisni ishga qabul qilish belgilangan tartibda rasmiylashtirilib va rektor buyrug‘i bilan amalga oshiriladi.
• Bajariladigan ish muddati 12 (o‘n ikki) oyga belgilanadi va kelgusida zaruratga ko‘ra shartnoma muddati uzaytirilishi mumkin.
• 
  
• Bajarilgan ish, xizmat uchun to‘lov miqdori taraflar kelishuvi bilan tuzilgan shartnomaga asosan belgilanadi va har oy bajarilgan ish natijasiga ko‘ra to‘lanadi.
• Talabgorlar universitet Kadrlar bo‘limiga fuqarolik pasporti yoki ID kartasi bilan shaxsan murojaat qilib, tegishli hujjatlar (shaxsni tasdiqlovchi hujjat, ob’ektivka, oliy ta’lim olganligi to‘g‘risidagi diplom va uning ilovasi, mehnat daftarchasidan nusxa, STIR ma’lumotnomasi) taqdim etishi lozim. Taqdim etilgan hujjatlar o‘rganib chiqilgandan so‘ng talabgor bilan komissiya tarkibida suhbat o‘tkaziladi.
• Hujjat topshirish muddati: 3 (uch ish kuni )
• Manzil: Toshkent viloyati Chirchiq shahri A.Temur ko‘chasi 104 uy
  Chirchiq davlat pedagogika universiteti.

Tel: 71 716 68 59, 71 201 02 14