Boshlang’ich ta’lim fakulteti “Boshlang’ich ta’limda matematika va tabiiy fanlar” kafedrasi tomonidan “Boshlang’ich sinf o’quvchilarining matematik tasavvurlarini o’stirishda ko’rgazmalilikning ahamiyati” mavzusidagi ilmiy-metodik tadbir o’tkazildi.
Birlashgan millatlar tashkiloti pragnozlariga ko’ra, 2050-yilga borib kasblarning 75 foizi STEAM fanlariga aloqador bo’lishi kutilmoqda. Aynan mana shu tizim asosida ta’lim olish orqali o’quvchilar kelajak muammolariga yechim topa oladigan, yangi kashfiyotlar qila oladigan kadrlarga aylanishiga ishonilmoqda. Shu ma’lumotlarga tayangan holda kafedra hozirgi kun talabiga javob beradigan, raqobatbardosh, jahon ta’lim standartlariga mos keluvchi boshlang’ich ta’lim o’quvchilarini tayyorlashni maqsad qilib qo’ygan.
Bilamizki, hozirgi kunda oliy ta’lim “4+2” dasturi asosida tashkil qilingan bo’lib, talabalar o’rgangan bilimlarini bevosita amaliyotga tadbiq etishmoqda. Bu jarayonda talabalar hozirgi boshlang’ich ta’lim darsliklariga kiritilgan yangiliklar bilan tanishishdi, dars mobaynida uchrayotgan muammo va kamchiliklarni aniqlab, ustozlari bilan hamkorlikda ularga yechim toppish uchun harakat qilishmoqda. Shu ma’lumotlarga tayangan holda talabalar:
- Boshlang’ich ta’limda STEAM fanini labaratoriyalar orqali o’qitish
- Fazoviy shakllarni ko’rgazmali o’qitish
- Kombinatorika hayotda
- Sonlarni jadvalsiz ko’paytirishning ba’zi usullari
mavzularida chiqishlar olib borishdi. Bu chiqishlarda boshlang’ich sinflarda o’zlashtirishi qiyin bo’lgan mavzular ko’rgazmalilik metodi orqali yoritildi, muammoli misol va masalalar labaratoriyalar yordamida yechildi, kombinatorikaga doir masalalar talabalarning o’zlari ishtirokida hal etildi, sonlarni ko’paytirishning oson usullari namoyish etildi.
Xulosa o’rnida boshlang’ich sinf o’quvchilari matematikani yaxshi o’zlashtirishi uchun ko’rgazmalilikning ahamiyati kattaligi, misol va masalalarni tog’ri tushunib, anglab, tasavvur qilib yechishi uchun matematik labaratoriyalarning zarurligi aytib o’tildi.
