Ulug‘ mutafakkir, so‘z mulkining sultoni Alisher Navoiyning boy ma’naviy merosi asrlar osha butun bashariyatni hayratga solib, insonlar qalbiga, ongu shuuriga ezgulik, insonparvarlik, saxovat, mehr-muruvvat ziyosini taratib kelmoqda. Mamlakatimizda ulug‘ bobokalonimizga ehtirom ko‘rsatish, asarlarini o‘rganish, uni dunyoda keng targ‘ib etishga doimiy e’tibor qaratilmoqda.

     Bugun Chirchiq shahridagi Navoiy haykali joylashgan xiyobonida buyuk shoir tavalludining 584 yilligiga bag‘ishlangan adabiy-ma’rifiy tadbir bo‘lib o‘tdi.

     Unda universitetimiz professor-o‘qituvchilari, adabiyotshunos olimlar, yoshlar va keng jamoatchilik vakillari ishtirok etdi.