Buyuk mutafakkirlar Alisher Navoiy hamda Zahiriddin Muhammad Bobur tavallud topgan kun munosabati bilan Chirchiq davlat pedagogika universitetida ma’rifiy tadbir tashkil etildi. 

     Ajdodlarimiz ulug‘langan ushbu ma’rifiy tadbirda Alisher Navoiy nomidagi O‘zbek tili va adabiyoti universiteti professori, adabiyotshunos olim Qozoqboy Yo‘ldoshev, Navoiyshunos olima, Amaliy fanlar universiteti dotsenti Sirdaryoxon O‘tanova hamda universitet jamoasi ishtirok etdi.

     Albatta bu ikki buyuk shaxs nomi zikr etilganda har bir kishi o‘zini go‘yo  adabiyot olamiga kirib qolganday his qiliadi. Hech bir inson yo‘qki bu ikki buyuk zotning g‘azal yoki ruboyisini bilmaydigan.  

     Tadbirda so‘z olganlar ham Alisher Navoiy va Zahiriddin Muhammad Boburning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida o‘rin tutishini ta’kidlab o‘tdi.  

     Ma’rifiy tadbirda universitet iqtidorli talabalari tomonidan Alisher Navoiyning hayoti va ijod yo‘llari, Zahiriddin Muhammad Bobur ijod yo‘li, davlat boshqaruvidagi buyuk siymolarini gavdalantirdi. Ijro etilgan she’riy va sahnaviy chiqishlar, raqs hamda kuy-qo‘shiqlar tomoshabinlarga madaniy hordiq baxsh etdi.