Bugun, Chirchiq davlat pedagogika universitetida O‘zbekiston Respublikasi Markaziy banki, Milliy banki hamda Toshkent viloyatidagi oliy ta’lim muassasalari prorektorlari ishtirokida "Kelajakka qadam" dasturi doirasida seminar-trening tashkil etildi.
Bank vakillari tomonidan O‘zbekiston Respublikasi Prezidentining 2025-yil 14- fevraldagi PQ-61-son qarorida barcha oliy ta’lim tashkilotlari bitiruvchi talabalarni ishga joylashga ko‘maklashish bo‘yicha Markazlar bilan hamkorlik kelishuvlarini tuzilganligi va 80 million AQSH dollari ekvivalenti miqdorida 10 yilga, shu jumladan 3 yillik imtiyozli davri bilan Markaziy bankning asosiy stavkasiga teng bo‘lgan 20 million AQSH dollari ekvivalenti miqdorida talabalarni kasbga tayyorlash va ularning kasbiy amaliyot o‘tash xarajatlarini moliyalashtirish uchun beg‘araz asosda mablag‘ ajratilganligi bo‘yicha taqdimotlar qilindi.
O‘tkazilgan seminar-treningida oligoh bitiruvchilari o‘z tadbirkorligini yo‘lga qo‘yish uchun ularga imtiyozli keditlar olishga ko‘maklashish va bitiruvchilari loyihalari bo‘yicha birlamchi hujjatlarni rasmiylashtirishda oligohlarda tashkil etilgan “Kelajakka qadam” markazining Bank tomonidan ajratilgan vakillariga murojat qilish haqida tavsiyalar berildi.
Ko‘zlangan maqsad: talabalarni moliyaviy savodxonlikka o‘rgatish, tadbirkorlik sohasiga qadam qo‘yish istagida bo‘lgan yoshlarni qo‘llab-quvvatlash, ularning bank tizimi bilan to‘g‘ridan-to‘g‘ri muloqot qilishiga imkon yaratish, amaliy bilim berish, bitiruvchilarrning loyhalarini qollab quvvatlash va o‘z tadbirkorliklarini boshlashga imkoniyatlar yaratishdan iborat.
