Chirchiq davlat pedagogika universitetida ta’lim sifatini oshirish jarayoniga innovatsion texnologiya va yondashuvlarni tatbiq etish, kafedralararo ilmiy-amaliy tadqiqotlari individual va integratsion texnologiyalar asosida amalga oshirish, fanlararo integratsiya asosidagi Gumanitar fanlar fakulteti “Tarix – adabiyot” sohasida va San’atshunoslik fakulьteti talabalari tomonidan tayorlangan loyihalar taqdimoti o‘tkazildi.
Gumanitar fanlar fakulьtetida iqtidorli talabalar tomondan loyihalar tayyorlash an’anaga aylangan, jumladan “Orzular Parvozi”, “Moziydan taralgan ziyo” kabi loyihalar shular jumlasidandir.“Oq qushlar oppoq qushlar” kompozitsiyasining o‘ziga xosligi shundaki “Tarix va Adabiyot” fanlari integratsiyasi asosida yaratilib, mazkur kompozitsiyasining haykaltaroshlik qismi Tarix yo‘nalishi talabasi Xaitaliev Shuhrat tomonidan tayyorlagan bo‘lsa, mazkur “Oq qushlar oppoq qushlar” kompozitsyasining adabiy qismi O‘zbek adabiyotshunosligi yo‘nalishi talabasi Jumanazarova Saida tomonidan hamkorlik asosida loyiha yaratildi.
Vatanimizning tarixida muhim ahamiyat kastb etgan Amir Temur va temuriylar davri to‘g‘risida “Amir Temur – ikkinchi renessans homiysi” mavzusida tarix yo‘nalishi iqtidorli talabalari San’atshunoslik yo‘nalishi talabalari bilan hamkorlikda ish olib bordi. O‘quv yili davomida olib borilgan ilmiy tadqiqotlar, “Ustoz-shogird” an’analari asosida olib borilgan ilmiy va amaliy ishlar yakuniga etdi.
Ikki xil yo‘nalish, ikki xil nazariy va amaliy bilimlarni uyg‘unlashtirish murakkab jarayon albatta. Fanlararo integratsiyani yanada rivojlantirish, zamon talablariga mos kadrlarni tayyorlash borasida Chirchiq davlat pedagogika universitetida samarali ishlar olib borilmoqda. Individual ta’lim, “Talabalar akademiyasi”, fanlararo integratsiya kabi yangiliklarni joriy etishda Gumanitar fanlar fakulьtetida amalga oshirilayotgan chora tadbirlar o‘z natijasini bermoqda. Jumladan bugungi fanlararo integratsiya asosida tayyorlangan loyihalar “Amir Temur - Ikkinchi Renessans homiysi” deb nomlanishi bejiz emas. Zero, Vatanimiz tarixining ikkinchi Renessansi Amir Temur va temuriylar davriga to‘g‘ri keladi. Ushbu davrda Sohibqiron markazlashgan davlat tizimini yaratdi, ijtimoiy-iqtisodiy munosabatlar, fan va madaniyat ravnaqiga juda katta e’tibor qaratdi. Natijada shaharsozlik, me’morchilik, ilm-fan, madaniyat va san’at sohalari jadal rivojlandi. Xalqaro savdo va diplomatik aloqalar faollashdi. Boshqacha aytganda, o‘lka dunyoning eng buyuk siyosiy, iqtisodiy, madaniy markaziga aylandi.
San’atshunoslik yo‘nalishi talabalari tomonidan ishlangan “Amir Temur buyuk Temuriylar davlati hamda ikkinchi renesans asoschisi”– mavzusidagi rangtasvir kompozitsiyasida Temuriylar davrida ilm-fan, madaniyat, san’at sohasida erishilgan yutuqlar aks ettirilgan.
Integrattsion yondashuv assosida talabalarni ijodkorlikka yo‘naltirish orqali “Buyuk sarkarda Amir Temur harbiy kiyim va anjomlari” iqtidorli talablar tomonidan tarixiy manbalar asosida qayta tiklandi. Harbiy anjomlarni tayyorlashda talabalar Amir Temur va uning harbiy yurishlari, uning strategiyasi va harbiy qurol-aslahalari to‘g‘risidagi yozma manbalarni o‘rganish bilan bir qatorda, Toshkent shahrida Temuriylar tarixi davlat muzeyi eksponatlaridan ham manba sifatida foydalandilar.
Ispaniya elchisi Klavixo tomonidan yozilgan “Esdaliklar”da keltirilgan ma’lumotlar asosida Bibixonim libos yaratildi. Tarix yo‘nalishi va san’atshunoslik yo‘nalishi talabalarining izlanishlari, bahsli-munozarali tortushuvlari asosida fanlararo integratsiya asosida loyihalar amaliyotga tatbiq etilmoqda. Albatta, mazkur kompozitsiyalarda ayrim kamchiliklar mavjud bo‘lsada, bu Chirchiq davlat pedagonika yo‘nalishi talabalaring yutuqlari hisoblanadi. Zero, kelgusida ham mana shunday fanlaaro yondashuvlar asosida tadqiqotlar davom ettirilib, takomillashtirish rejalashtirilgan. Ayniqsa Tarix yo‘nalishi va informatika, dasturlash kabi sohalar bilan hamkorlikda interaktiv xaritalar yaratish, tarixiy jarayonlar, arxeologik yodgorliklarni 3D formatda raqamlashtirish kabi maqsadlar Gumanitar fanlar fakulteti “Tarix” kafedrasi rejalariga kiritilgan.
Yana bir muhim qadamlardan biri, bugungi kunda universitetda “Kelajak pedagogi”ni yaratish asosiy maqsad qilib qo‘yilgan. Bu borada universitet rahbariyati tomonidan ko‘plab amaliy islohotlar amalga oshirilmoqda.
“Talabalar ijod bog‘i”da “Buyuk ipak yo‘li – hamkorlik yo‘li” mavzusda ochiq osmon ostidagi muzeyning ochilishi ham muhim ahamiyatga ega. Mazkur devoriy rasmlar nafaqat san’at asari, balki yurtimizning buyuk tarixidan so‘zlab, asrlar davomida yaratilgan tamaddun tarixidan dalolat beradi. Buyuk Ipak yo‘li naqfaqat savdo-sotiq, balki ilm-fan va madaniyat almashinuvi yo‘li bo‘lgan.
Albatta, Buyuk Ipak yo‘li deganda ko‘z oldingizga tuyalar karvoni ko‘z oldingizga kelishi tabiiy hol. Ammo bu erda biz o‘zga ramziy ma’noni berganmiz. Siz bilan biz so‘lim va strategik jihatdan muhim ahamiyatga ega bo‘lgan Toshkent viloyatida turibmiz. Toshkent viloyati tosh asridanoyoq insonlar tomonidan o‘zlashtirilib, Choch va Iloq davlati sifatida qadimdan nom taratgan. Jumladan, Klavdiy Ptolemeyning geografiyaga oid qo‘llanma asarida er yuzi 26 xaritaga bo‘lib tasvirlagan. Shu xaritalardan birida Toshqo‘rg‘on – “Teralapede” degan joylar ko‘rsatilgan. Xaritada Toshqo‘rg‘on yaqinida Imay tog‘lari orqali Skifiya mamlakatining chegarasiga ketayotgan tuya karvonlari tasvirlangan. Demak, Toshqo‘rg‘on Xitoyga olib boradigan savdo yo‘li ustida joylashgan bo‘lib, xozirgi Toshkent vohasi tasvirlangan degan mulohazani beradi. Ya’ni qadimdan karvon tuyalari Toshkent viloyati ramzi bo‘lgan. Shu sabab bu erda tuya karvoni tasviri berildi. Umumiy qilib aytganda, Toshkent viloyati Buyuk Ipak yo‘lida chorrahasida joylashgan mintaqa bo‘lib, qadim zamonlardan beri vatanimiz tarixida muhim ahamiyat kasb etib kelgan.
Aynan Chirchiq davlat pedagogika universitetining Toshkent viloyatida tashkil etilishi ham bejiz emas. Universitetimiz tomonidan tayyorlanayotgan kadrlar nafaqat viloyat, balki respublika taraqqiyotida ham muhim ahamiyatga ega. Mana shunday ta’limga innovatsion yondashuvlar esa zamon talablariga javob beradigan kadrlarni etkazishda muhim ahamiyatga ega.
