Chop etdi: OTM axborot xizmati | Ko'rildi: 269 marta
Tegishli bo'limi: Talabalar uchun
Chirchiq davlat pedagogika universitetida 2024-yilning 21-may kuni «Karyera kuni» Mehnat Yarmarkasi bo‘lib o‘tdi. Ushbu tadbirni o‘tkazishdan maqsad O‘zbekiston Respublikasi Prezidenti tomonidan 2022-yil 4-martda o‘tkazilgan “Oliy ta’lim muassasalari talabalari bandligini ta’minlash orqali ularning turmush darajasini yaxshilash chora-tadbirlari to‘g‘risida”gi videoselektor yig‘ilishida belgilab berilgan vazifalarning ijrosini ta’minlash hamda universitet talabalariga darsdan bo‘sh vaqtlarida ish bilan bandligini ta’minlashga ko‘maklashishdan iborat.
Tadbirda respublika, viloyatlar, shahar va tumanlar darajasidagi 100 ga yaqin tashkilot, muassasa, korxonalar va yirik tadbirkorlik subyektlari vakillari ishtirok etishdi. Ular o‘zlarining bo‘sh ish o‘rinlari va tashkiloti haqida ko‘rgazmali hamda tarqatma materiallari bilan talabalarni tanishtirishdi.
Bugungi tadbirda universitetning kunduzgi, sirtqi va kechki bo‘limlaridan ishga joylashish istagidagi jami 1200 dan ortiq talaba-yoshlar ishtirok etdi. Shuningdek, mehnat yarmarkasi davomida O‘zbekiston Respublikasi Prezidenti huzuridagi Davlat xizmatini rivojlantirish agentligi Toshkent viloyati bo‘limi mutaxassislari ishtirokida universitetning 100 dan ortiq talabalari uchun master-klass o‘tib berildi.