“Yashil makon” umummilliy loyihasi doirasidagi “Yashil kelajak” umumrespublika marafonida ChDPU jamoasi ham faol ishtirok etmoqda. Universitet tomonidan yangi bog‘ barpo yaratildi

Davlatimiz rahbari tashabbusi bilan bir necha yillardan buyon mamlakatimizda ekologik vaziyatni yaxshilash, atrof-muhit muhofazasiga qaratilgan “Yashil makon” umummilliy loyihasi amalga oshirib kelinmoqda. Mazkur muhim tashabbusda universitet jamoasi ham faol ishtirok etib kelmoqda.

Xususan, joriy yilning 9-noyabr kuni universitetning Talabalar shaharchasida “Yashil makon” umummilliy loyihasi doirasida Oliy ta’lim, fan va innovatsiyalar vazirligi tomonidan barcha oliy va kasbiy  ta’lim muassasalari ishtirokida o‘tkazilgan "Yashil kelajak" umumrespublika marafonida Chirchiq davlat pedagogika universiteti  rahbariyati, professor-o‘qituvchilari, ishchi-xodimlari va talaba-yoshlari ishtirok etdi. “Talabalar bog‘i”ni barpo etish maqsadida 560 tup, jumladan 250 tup tuya archa, 100 tup qarag‘ay, 30 tup kashtan, 160 tup mevali daraxtlar ko‘chati o‘tqazildi. 

Ta’kidlash joizki, Chirchiq davlat pedagogika universiteti  bir necha yillardan buyon “Yashil makon” umummilliy loyihasi doirasida mamlakatimizni yana-da yashillashtirish, zaminimizni ko‘kalamzorlashtirish borasida Toshkent viloyati jumladan, Chirchiq shahri hududlarida yashil bog‘lar barpo qilib kelmoqda va xayrli tashabbus tizimli ravishda davom ettirib boriladi.