Chop etdi: OTM axborot xizmati | Ko'rildi: 187 marta
Tegishli bo'limi: Talabalar uchun
![](https://cspu.uz/storage/app/uploads/public/86e/637/e17/thumb__1200_740_0_0_crop.jpg)
Ingliz tili nazariyasi va amaliyoti kafedrasi tashabbusi bilan xalqaro ekspertlar ishtirokida "Hamlet" sahna asari namoyishi va muhokamasi bo‘lib o‘tdi.
Bugun ChDPU sahnasida universitet talabalari talqinidagi «Hamlet» spektakli namoyish etildi. Buyuk dramaturg Uilyam Shekspir asari "Kreativ pedagog - talaba nigohida" ilmiy-amaliy yondashuv doirasida tashkil etildi.
1 soat-u 25 daqiqa davom etgan teatr tomoshasi ingliz tilida namoyish qilindi. Dunyo dramaturgiyasining shoh asarlaridan biri sifatida tan olingan pesadagi 23 dan oshiq rol 19 nafar talaba tomonidan ijro etildi. Xususan, Hamlet rolini Abbos Memetov, Ofeliya rolini Sevinch Mirzaxanova, Klavdiy rolini Janbolat Abduxaliqov, Arvoh rolini Georgiy Adayev, Gertruda rolini Gulasal Tojiquziyeva, Laert rolini Artur Massarovlar o‘ynadi. Pyesani sahnalashtirishda 10 dan ortiq mutaxassis hamda Ingliz tili nazariyasi va amaliyoti kafedrasi o‘qituvchilari qatnashgan.
«Avval-boshda asar ingliz tilida qo‘yilayotganligi bugun ko‘pchilikning yodidan ham chiqib ketdi. Talabalarning aktyorlik mahorati va ingliz madaniyati mukammal o‘zlashtirganligidan mamnunman. Til bilan bog‘liq to‘siqlar hamda jug‘rofiy chegaralarga qaramay, Shekspir asari, umuman, teatr san’ati vositasida talabalarning nutq qobiliyatini mukammalligini ko‘rdim va quvondim. Universitetingizda xalqlar o‘rtasidagi samimiy va oshkora muloqotni kuchayib borayotganligini his qildim», — deydi ingliz eksperti Lyusi Fenton.
Sahna asari namoyishidan ko‘zlangan g‘oya va bosh maqsad — talabalarning til kompetensiyasi, o‘zga tillarda kreativ fikrlash salohiyati, nutq qobiliyatini rivojlantirishga qaratildi.