Rus tili va adabiyoti ta’limi metodikasi kafedrasi professor-o‘qituvchilari va talabalari Toshkent adabiyotshunoslik forumida ishtirok etdi.

     Mazkur forum A.S. Pushkin tavalludining 225 yilligi, shuningdek, o‘zbek adabiyotshunos olimi, chet el adabiyoti bo‘yicha mutaxassis Munira Nizomova tavalludining 75 yilligiga bag‘ishlanib o‘tkazildi.

     Forumda respublikada faoliyati olib borayotgan adabiyotshunoslar, olimlar, atoqli ijodkorlar, AQSH, Rossiya, Chexiya, Armaniston adabiyotshunoslari, shuningdek, jurnalistika va rus filologiyasi tadqiqotchilari, talaba-yoshlar ishtirok etishdi.

     Mazkur tadbirdan ko‘zlangan maqsad o‘zbekistonlik hamda xorijiy adabiyotshunoslar, adabiy tanqidchilar, yozuvchi va shoirlarni birlashtirish, ijodkor yoshlarni ilmiy-tadqiqot ishlariga keng jalb etishdan iborat.

     Yalpi majlisda Rus tili va adabiyoti ta’limi metodikasi kafedrasi mudiri, filologiya fanlari nomzodi, dotsent Aleksandra Yekabsons ma’ruza qildi. Forum bo‘limlarida zamonaviy o‘zbek adabiyotshunosligi, Sharq, o‘zbek, Gʻarbiy Yevropa va rus adabiyoti muammolari muhokama qilindi.