Chirchiq davlat pedagogika universitetida ta’lim va ilm-fan sohasini rivojlantirishga qaratilgan xalqaro tadbirlar kundan kun rivojlanib bormoqda. 2025 yil 24 fevral kuni Tarix yo‘nalishi talabalari uchun nufuzli xalqaro olimpiada tashkil etildi. Mazkur musobaqa Rossiya Federatsiyasi Fan va oliy ta’lim vazirligi, Altay davlat universiteti hamda Chirchiq davlat pedagogika universiteti hamkorligida tashkil etildi. Olimpiada “Ikkinchi Jahon urushi tarixi” bo‘yicha o‘tkazilib, talabalarning ushbu yo‘nalishdagi bilimlarini sinovdan o‘tkazish, ularni rag‘batlantirish va xalqaro tajriba almashish maqsadida tashkil etildi.

     Xalqaro olimpiadaning asosiy maqsadi – talabalarning Ikkinchi Jahon urushi tarixi bo‘yicha bilimlarini oshirish, tahliliy fikrlash qobiliyatini rivojlantirish va ularni xalqaro ilmiy muhitga tayyorlashdan iborat. Shuningdek, olimpiada yoshlarning tadqiqotlarini qo‘llab-quvvatlash va tarix fanini yanada ommalashtirishga xizmat qiladi.

     Olimpiada nufuzli oliy ta’lim muassasalari hamkorligida tashkil etildi. Unda 10 dan ortiq mamlakatlardan talabalar ishtirok etishdi. Ishtirokchilar xalqaro ekspertlar tomonidan baholandi va g‘oliblarga maxsus mukofotlar taqdim etildi. Shuningdek, tadbir doirasida “Katta Oltoy” tilshunoslik ilmiy-tadqiqot markazi rahbari, tarix fanlari doktori, professor Lisenko Yuliya Aleksandrovna ham ishtirok etib, talabalarga ilmiy yo‘nalishlar bo‘yicha maslahatlar berdilar.

     Olimpiada yakuniga ko‘ra, eng yaxshi natijalarga erishgan talabalar qimmatli sovg‘alar va sertifikatlar bilan taqdirlandi. 

1-o‘rin Muratov Dias 

2-o‘rin Abdusamatov Otabek

3-o‘rin Axmatova Sabina lar muvaffaq bo‘lishdi.

     G‘oliblar orasidan eng kuchlilar xalqaro ilmiy konferentsiyalarda ishtirok etish imkoniyatiga ega bo‘lishdi.

     Mazkur olimpiada tarix yo‘nalishidagi iqtidorli yoshlarni qo‘llab-quvvatlashga xizmat qildi. Bu kabi tadbirlar kelgusida ham davom ettirilishi rejalashtirilgan bo‘lib, ular yoshlarning ilmiy izlanishlarini rivojlantirishda muhim o‘rin tutadi.