Maktabgacha ta'lim metodikasi kafedrasi tashabbusi bilan "Vremya detyam" loyihasi doirasida Chirchiq shahridagi 33-sonli bog‘cha va Moskva shahridagi 2083-sonli maktabgacha ta’lim tashkiloti o‘rtasida telemost tashkil etildi. Telemostning maqsadi maktabgacha ta’lim tashkiloti tarbiyalanuvchilarining sog'lom rivojlanishi, ijodiy faoliyati, ijtimoiy ko'nikmalari, ekologik tarbiyada qo‘llayotgan zamonaviy pedagogik dastaklarni xalqaro daraja muhokamasiga qaratildi. Har ikki davlat talabalarining fikr va g‘oyalar almashinuviga e’tibor qaratildi. 

     Telemuloqot davomida har ikkala davlat tarbiyachilari va bolalar bir-birlariga milliy madaniyatlarini tanishtirdilar. O'zbekiston tomoni milliy o'yinlari, qo'shiqlari va raqslarini namoyish etgan bo'lsa, Rossiya tomoni folklor an'analarini ko'rsatdi. 

     Onlayn mashg'ulot orqali bolalarga turli xalq madaniyatlari haqida ko'proq ma'lumot berish imkoniyati yaratildi.