Chirchiq davlat pedagogika universitetini 2024/2025-o‘quv yilida tamomlayotgan bitiruvchilarning tantanali Bitiruv kechasi bo‘lib o‘tdi. Unda bitiruvchi talabalar, ularning ota-onalari, ustoz-murabbiylar va professor-o‘qituvchilar ham ishtirok etdi. 

     Ushbu o‘quv yilida Chirchiq davlat pedagogika universitetini jami 5072 nafar talaba, shundan kunduzgi ta’lim yo’nalishlarini 2158 nafar talaba, sirtqi ta’lim yo’nalishini 2200 nafar talaba, kechki ta’lim yo’nalishini 301 nafar talaba, ikkinchi oliy ta’lim bo’yicha 285 nafar talaba, magistratura mutaxassisliklari bo’yicha 128 nafar magistrant tamomladi. Bu kechada yoshlarning 130 nafari imtiyozli diplomni qo‘lga kiritdi. Bundan tashqari, bu o‘quv yili bitiruvchilarining 81 foizi to‘liq ish bilan ta’minlangan.

     Bitiruvchilar orasida Kembrij xalqaro ta’lim dasturining IGCSE (International General Certifikate of Sekondary Education) umumiy o‘rta ta’lim olganlik xalqaro sertifikatini qo‘lga kiritgan 10 nafar bitiruvchilarning borligi quvonarli hol. 

     O‘zbekiston respublikasi Prezidentining 2022 yil 21-iyundagi PQ-189-sonli qarori bilan tashkil etilgan qo‘shimcha mutaxassislik (kvalifikatsiya) berish tizimini 827 nafar talaba tamomlab maxsus diplomni qo‘lga kiritdi.

     Toshkent viloyatining maktab va maktabgacha ta’lim muassasalari rahbarlari ishtirokidagi tadbir bitiruvchilarga ishga joylashish imkoniyatini kengaytirdi.