Pedagogika kafedrasi tashabbusi bilan "Jadid ma'rifatparvarlarining shaxsiyatiga oid mulohazalar" mavzusida ma'rifiy uchrashuv bo'lib o'tdi. 

    Tadbirda ma'ruza bilan ishtirok etdi.

    Tadbir mehmoni O'zbekiston Respublikasi Vazirlar Mahkamasi huzuridagi "Qatag'on qurbonlari xotirasi" davlat muzeyining bosh ilmiy xodimi Baxrom Irzayev talabalarga jadidlar harakati, milliy uygʻonish davrining yetuk namoyondalari, ularning faoliyati, zahmatli kechmishi haqida batafsil maʼlumot berdi.

    Shuningdek, uchrashuvda davlatimiz rahbarining “Jadidlar: milliy oʻzlik, istiqlol va davlatchilik gʻoyalari” mavzusidagi konferensiyada soʻzlagan nutqida keltirilgan “Mamlakat oʻz taraqqiyotining yangi, yuksak bosqichiga kirayotgan hozirgi paytda bizga jadid bobolarimiz kabi gʻarb ilm-fan yutuqlari bilan birga milliy qadriyatlar ruhida tarbiya topgan yetuk kadrlar suv bilan havodek zarur, jadidlar gʻoyalari Yangi Oʻzbekistonni barpo etish strategiyasi bilan hamohang” ekani kabi millat tarbiyasi, uning rivoji uchun bugungi kunda dolzarb boʻlgan mavzulardagi qimmatli soʻzlari talaba-yoshlarga yetkazildi.