Chirchiq davlat pedagogika universitetida mamlakatimiz miqyosida sport sohasida muvaffaqiyatli natijalar qayd etgan sportchilar bilan uchrashuv bo‘lib o‘tdi. 

     Jismoniy madaniyat fakultetida tashkil etilgan davra suhbatida olimpiada chempionlari va sovrindorlari Vadim Menkov, Ruslan Nuriddinov, Madiyor Saidrahimov, Svetlana Osipova, Ilhom Obidjonov sportga kirib kelish tarixi, erishgan natijalari, bosib o‘tgan mashaqqatli yo‘li to‘g‘risida o‘z taasurotlari bilan o‘rtoqlashdi. 

     Uchrashuv davomida talabalar o‘zlarini qiziqtirgan savollarga javob olishdi. 

     Bunday tadbirlardan maqsad sport va san’at vakillari o‘rtasida do‘stona aloqalarni yo‘lga qo‘yish, sportchilar uchun ijodiy, talabalarimiz uchun esa sog‘lom turmush tarziga oid qiziqish va ko‘nikmalarini shakllantirish hisoblanadi.