Bugun delegatsiya a’zolari Indoneziya pendedikan universitetining Chibiru kampusiga tashrif buyurdi. Tashrif davomida Indoneziya pendedikan universitetining Chibiru kampusi va Chirchiq davlat pedagogika universitetining Pedagogika fakulteti o‘rtasida hamkorlik shartnomasi imzolandi. Shuningdek, boshlang‘ich va maktabgacha ta’lim yo‘nalishlari bo‘yicha hamkorlikning keyingi bosqichlari muhokama qilindi. Professorlar J.E.Usarov, D.O.Ximmatalievlar boshlang‘ich ta’lim mutaxassisligi magistrlariga namunaviy ochiq darslar o‘tishdi. Shuningdek, Chibiru kampusi kompyuter muhandiligi tadqiqotchilari tomonidan yaratilgan ko‘zi ojiz talabalar uchun yangi ilovani Chirchiq davlat pedagogika universitetida tajribadan o‘tkazish, ilovani o‘zbek tiliga moslashtirish bo‘yicha tomonlarning harakat rejalari ishlab chiqildi. Mazkur univesitetning Ingliz tili va adabiyoti kafedrasi vakillari bilan ham keng qamrovli muzokara o‘tkazilib, TEFLIN (Indoneziyada ingliz tilini xorijiy til sifatida o‘qitish assosiatsiyasi) tashkliloti bilan hamkorlik qilishning dastlabki kelishuviga erishildi.